Статут Великого княжества Литовского 1588 года

Артыкул 59

О писанью шкод в позве або менованью при устной жалобе.

Иж некоторые люди звыкли были в позвех жалобы свое при кгвальтех и при иншых розницах писати много речей, шкод албо и при устной жалобе словне их много менити, а часу доконанья права, кгды прийдеть ку присязе, тогды тых шкод, в позве або устне на жалобе помененых, великую часть отступовали, чым яко вряд в непотребную трудность приводили, так и себе они якое мниманье противное приправовали, а так мы, господар, хотячы то в людях таковое мысли вперед завстегнути, уставуем, иж хто бы в позвех або в устной жалобе своей шкоды якие описавшы и поменившы, а потом на праве або часу присеги которое части их отступовал и на всих, яко ожаловал, присягнути не хотел, тот вжо и вси иные шкоды, в жалобе его помененые, тратить и присягати на них не можеть, а обжалованая сторона от них волна будеть. Однако ж и в том постерегаючы мы уближенья стороны укривжоное жалобное, так то варуем, иж кгды 6ы ся кому стал який кгвалт, наезд домовый и при том забранье маетьности або отнятье именья со всею маетностью, албо теж шкода пожогою, злодейством, будь теж на дорозе розбоем и иным яким обычаем, чого бы сторона ображоная про великий жаль, або зраненье свое, або, естли бы сам пан был забит, по нем жона, дети, близкие перед таким фрасунком, жалем и утиском своим не могла заразом всих шкод забраня маетьности своее або листов на паметь собе привести або ведомости о всем том достаточное досегнути, тогды толко кгвалт, наезд, пожогу, злодейство або розбой, раны маеть без омешканья, яко наборзде водлуг далекости дороги можеть быти, маеть суседом околичным и на враде водлуг науки сего статуту оповедати и до кгних записати дати, докладаючы и того, же ся и шкоды, если так будеть при том стали, которых она не могла так борздо списати и до кних послати, а потом розмыслившися и выведавшыся достаточне о шкодах, собе поделаных, можеть тые шкоды, на рейстр меновите списавшы, до вряду ку записованью в кгниги послати, а вряд маеть до кгниг прыняти. Не может ли быть ближей, тогды надалей в трех неделях, и то стороне жалобной у права ити маеть, вынявшы то, где бы самого пана в том именью не было, где ся тая шкода станет, а был бы где индей в колкудесят милях, а врядник, тивун або жона не ведали бы, яко о тых шкодах вряду справу дати, таковому час на оповеданье шкод маеть быти и до шести недель. А стало ль бы ся то будучому на службе нашой, господарской, и земской за границою панств нашых або на войне, таковому на оповеданье шкод часу узычаем по зверненью послуги нашое и земское до шести ж недель.