Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 33
О розбои, который бы ся стал от татаров.
Кгды бы который татарин народу зацного, яко то суть князи, мурзы, уланы, обвинен был на вряде нашом о розбой, а не будет ли пойман з лицом, тогды вряд наш, сам зехавши або двух шляхтичов добрых, веры годных, пославши, маеть о том, яко напильней быти можеть, шкрутыниум, то есть выведанье, так около того местца, где ся што станеть, яко и в околичных суседов мешканья оного татарина, достаточьное учынити не толко о том учынку, але теж и о захованью, поступках и обыйстью того татарина. И за таким выведаньем при яких слушных знакох и подобенствах або подойзренью вряд так судити маеть, яко вышей о розбою, шляхтичу от шляхтича учыненом, в сем же розделе, артыкуле тридцатом есть описано. А з иншыми татары, которые привильями, им надаными, не суть припущоны до волности шляхетское, розсудок чынен быти маеть водлуг налепшого баченья своего: прихиляючыся чым ближей ку справедливости, маеть жалобную сторону, людей народу хрестиянского, близшых ку доводу и присязе найдовати, водлуг досегненья ведомости и уваженья особ и учынку в том поступуючи, а надалей самотретего жалобника ку доводу присягою припущаючы.
Артыкул 34
О невесте беременной, на смерть сказаной.
Невеста, которая бы была с права на горло всказана за який выступок, а была бы беременная, тогды до пороженья мает быти волна от смерти. Вед же предсе маеть быти задержана у везенью, а потом, кгды породить, маеть быти горлом карана.
Артыкул 35
Которые мають быти волни от каранья за мужобойство и о шаленых.
Уставуем, иж слуги врядовые, оправцы або цекляры, которые бы были посланы по якого неоселого мужобойцу албо кгвалтовника, альбо хотя и по оселого, а на горачом учинку, в сем статуте вышей замероным, его имаючи, а тот бы злочинца, згордивши урадом и не хотечи до вряду ити, и поймати не даючися, посланца або слуги урядовые бил, а в том часе сам был забит або ранен, тогды тые слуги врядовые за слушным доводом и за присягою своею властною при высвятченью особы, з уряду над ними посланое, от каранья за то волни быти мають. А люди шаленые, которые, за допущеньем божим от розуму отшедши, звыкли людем раны задавати, а часом и забойства чинити, тогды таковые, если будуть мети маетность, от приятел и слуг своих в замкненью моцном и за сторожою доброю, звлаща кгды в том явне через вряд узнаны будуть, хованы быти мають. А убогих шаленых людей вряд наш местский, где ся то трафит, а на именьях князских, панских — сами панове албо их врядники в везенью задерживати повинни. А пакли бы шаленый з везенья вырвавшися кого забил альбо ранил, тогды за забитого у вежи на дне рок и шесть недель, а за раны у льжейшом везенью полрока седети мает. А где бы хто такому шаленому брони додал альбо его ку збытку словы побудил, тогды тот сам водлуг важности выступку за то утерпети повинен будеть. Пакли бы теж хто инший здоровый был обвинен, иж з направы его тот шаленый бой або забойство учинил, тогды обвиненый, в том присягою отведшися, волен быти маеть. А где бы присегнути не хотел, тогды водлуг выступку каранье утерпети повинен будеть. Также где бы хто шалевши, а зася ку здоровью и розуму зуполному пришол, а потом бы ся то ему отновило, жебы зася почал шалети, и в том шаленстве кого забил, тогды такий вжо горлом и заплатою головщизны каран будеть, бо тот, ведаючи до себе такий припадок, повинен около себе опатрность и сторожу мети и мерне ся ховати.
Артыкул 36
Хто бы злочинцов, розбойников, злодеев явных, людей выволаных в себе в дому переховывал.
Теж уставуем, хто бы с подданых наших людей, правом на горло переконаных: злочинцов, розбойников явных, выволанцов яких кольвек або чти отсужоных, ведаючи о таком переводе права и по обволанью такого сказанья або выволанья в том повете, где оный переконаный або выволаный оселость свою маеть, в дому або в ыменью своем переховывал або за слугу его у себе ховал, або з ними обцовал и им которую раду або помоч ку шкоде речи посполитое албо зособна которое кольвек особы с подданых наших, давал и чинил, або теж речей злодейских ведомо поживал, а то бы на него переведено было слушным правом, тогды таковый маеть быти каран так, яко и оный злочинца або выволанец, або чти отсужоный, которого он в дому переховывал. А ведже жалобливая сторона за оным злочинцою або выволанцомо , где похочеть, хотя и до инших поветов того панства нашого, вземшы выпис з уряду, маеть ехати и на оном вряде, так теж в местех, на торгох, в костелех ознаймити и, карты написавши о его выволанью, маеть поприбивати и о нем ознзймити. А через такое оповеданье оного злочынцы або выволанца хто бы, ведаючи и знаючи, ховал, так же маеть каран быти, яко вышей описано, и шкода, через такого злочынцу вчыненая, з ыменья его плачона за слушным доводом. А довод на такового не инакшый быти маеть, одно яко на самого злочынцу. А позван о то такий, хто их переховываеть, маеть быти до суду головного на завитый рок и там, в права, где бы ся вымовлял неведомостью о декрете нашом або сказанью врядовом, або тым, жебы того чоловека не знаючы переховывал, тогды не згола, але присегою отведшыся, будеть от того волен. А естли бы присегнути не хотел, тогды так, як оный злочынца што будеть заслужыл, сам каран быти мает. А где бы который пан в таковом выступку был обвинен, а тот бы пан в том именью своем на тот час не был, тогды за позвом врядник того пана самтретей с поддаными пана своего отприсегнутися и тым именье пана своего очыстити повинен будеть. А не присягнет ли, тогды сам врядник за то горло тратить.
Артыкул 37
О кривдах от слуг и без службы мешкаючых, также от бояр и подданых.
Кгды бы чый слуга або врядник, або хто ж кольвек лезный, без службы пры ком мешкаючы, вчынившы кому кгвалт домовый або головщызну, и утек, а в его пана чарез сторону был застат и прыповедан, а он, справедливости з него не учинившы албо выдати его не хотечы, через тую заповедь его упустил, тогды тот пан, чый слуга то учынил, сам кгвалт и головщизну и шкоду маеть платити, а собе искати на слузе. И заплатившы, маеть на том присягнути, иж тот слуга кром ведомости и позволенья его то вчынил и не ест через него умыслне с прыруки выпущон. А где бы присыгнути не хотел, тогды маеть тот пан сам каран быти тым, чым тот выступца мел быти каран. А естли бы тот слуга не был приповедан, тогды пан не повинен за него платити, одно ся маеть отпрысягнути, иж тот учынок без его позволенья и ведомости ся стал.
Артыкул 38
Абы до злого нихто никому не помагал.
Естли бы хто умыслне отправуючы кого на мужобойство або яки иный злый учынок, за што горлом карають, подпомог конми, зброею, людьми албо пенезми, а был бы о то до суду позван, а знаков и подобенства слушного не оказано, тогды позваный близший будеть о то отпрысягнуться, же ани радою, ани помочю прычыны до такого злого учынку оному не давал, а за тым волен будеть от того обжалованья. А тот , который до тое прысеги кого приправить, на замку або дворе нашом, где ся то станеть, шесть недель седети маеть. А были ль бы оказаны якие знаки, подобенства значные слушные, тогды повинен будеть того обвиненого на первшых, а надалей на других рочкох перед тым же врядом ку справе ставити. А не поставит ли, тогды вжо против такового стороне поводовой довод ити маеть, и оный позваный сам вси шкоды тые, о што идеть, за доводом платити, а над то, яко помочник, водлуг артыкулу первого сего розделу, седеньем за кгвалт и за зраненье описаного, каран быти маеть. А предсе мужобойцу стороне жалобной волно будеть постигати.