Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 49
О мещанине и о иншом чоловеку простого стану, который бы шляхтича ранил.
Естли бы который мещанин места Виленьского, будучы в бурмистровстве, шляхтича збил або ранил, тогды маеть навезати так, яко вышей написано. Нижли естли бы бурмистровством на тот час не справовал, а шляхтича бы ранил, маеть руку тратити. Так теж и хлоп простый, в месте мешкаючы естли бы збил або ранил шляхтича, маеть руку тратити, а естли руку або ногу шляхтичу утнеть або на члонку котором охромить, маеть горлом каран быти.
Артыкул 50
О оказанью шляхетства за сказаньем навезки.
Естли бы по сказаньи навезки шляхетское сторона противная поведила, иж "я водлуг сказанья судовного навезку ему дати готов, нижли не естем ведом, естли он ест шляхтичь або ни; рад бых о том ведал", — тогды тот, хто ся менит быти шляхтичом, маеть ехати до оное земли або повету, отколя родом ест, и там же, собравши братью, стрыев або кревных своих перед врядом тамошним кгродским або земским, до которого ся ему борздей трафить, маеть вывестися, иж ест шляхтичь. А вряд з оное земли або повету маеть писати лист отвороный до суду, где се тое право точило, даючи о нем сведецство, иж ест шляхтичь. И кгды таковую ведомость о собе принесеть, тогды сторону свою противную мает до суду на другие роки припозвати ку прыслуханью того выводу его. А тот позваный мает ся за першими позвы, яко на року завитом, становити, и того выводу шляхетства прислухати, и по оказанью шляхетства вместо нагороды шкод навезку шляхетскую совито заплатити будеть повинен. Вед же если бы неоселый чоловек доведывался оного шляхетства, маеть до того часу, поки он зездит, за паруку дан быти. А естли бы паруки не дал, мает быти у везенью на вряде кгродском задержан.
Артыкул 51
За кгвалт посполитый суседский.
Уставуем, иж за кождый кгвалт посполитый суседский, правне переведеный, маеть быти сказано стороне ображоной дванадцать рублей грошей.
Артыкул 52
О премолчанью кгвалту, злодейства, пожоги и иных шкод.
Кгды бы хто кому кгвалт посполитый суседский або злодейство, пожогу, бой, грабеж и якую шкоду учинил, а тот бы молчал от оного часу, як ся то стало, три годы, тогды вжо о то будет вечне молчати. А естли бы и позвавши о то, а права не доведши, а потом зася знову три годы промолчал, о то такеж не будеть мочи правом чинити, вынемши если бы опекуны замолчали, тогды детем, кгды дойдуть лет, право не гинеть такеж до трох год.
Артыкул 53
Хто бы после ран, по пиром и по корчьмам бываючи, пил.
Уставуем: кгды бы который шляхтичь и якого бы кольвек стану чоловек битый або раненый после ран ездил або ходил по колацыям, по торгох и по корчьмах пил, на беседах седал от бою або зраненья до двадцати чотырох дней, а потом хотя бы от тых ран умер, тогды тот, от кого тые раны або бой ему ся стал, доведет ли того слушным доводом, головщизны платити не будеть повинен, толко за раны его кревным досыть чинити за доводом подле статуту.
Артыкул 54
О рукоемство на поставенье.
Естли бы хто кого ручил на постановенье, и час бы тому поставенью был зложон, а тот бы, по ком ручил, перед роком, поставенью замереном, умер, тогды поручник маеть сознаньем врядовым, где тот истец умер, вывестися и тым будет волен от паруки. А естли бы поручник сам такеж перед роком, поставенью истца зложоным, умер, тогды жалобная сторона вжо истца смотрети маеть, а дети поручниковы не будут в том винны. Нижли естли бы поручник на рок, поставеню истца зложоный, не поставил и паруки з себе не здал, а после того року оный истец албо сам поручник умер, тогды парука таковая яко на самом паручнику, поки жыв, так по смерти его и на дети, и маетность его спадываеть, на чом жалобник довод слушный шкод своих учынить.
Артыкул 55
Якого вязня вряд наш не может на рукоемство дати, а якого мает давати.
Кды бы хто кого, обвинивши в учынку яком крвавом, за што горлом карають, дасть перед правом до везенья вряду нашого осадити, такого вязня вряд наш не маеть на рукоемство без позволенья стороны тое, которая его осадить, давати и з везенья выпущать. А поступок в той речы маеть вряд на обе стороне такий учынити, яко о том вышей в сем же статуте есть описано. Леч хто бы кого, обвинивши в речах меньшых, где о горло не йдеть албо о долг який, будь оселого албо неоселого дал до везенья, тогды вряд такового вязня и без дозволенья стороны поводовое можеть ку постановенью на певный рок на паруку дати, а сторона в том не поручника, але вряду смотрети мает.
Артыкул 56
Который злочынца будеть на смерть сказан, а от того бы ся откупил або отпрошон был.
Теж естли бы хто о злодейство або о которое злочынство на каранье горлом через вряд права посполитого всказан был, а в том караньи горло свое пенезми откупил або се от того каранья або от страченья горла через приятелей своих або гостей, послов, панов знакомитых выпрохан был, а за таковый свой злый учынок у ката у руках был, таковый кождый промежи добрыми людми рыцерскими не мает болшей того привилья шляхетского ужывати, а детем его то шкодити не мает.
Артыкул 57
О том, который бы шляхтичь неоселый, забивши кого под которым врядом нашим або где кольвек, а не справившися, прочь уехал.
Кгды бы хто, будучи неоселым в том панстве нашом, великом князстве литовском, и никому не служачи, будь чоловек приезджий албо уроженец тутошний, забийство албо який иный збыток, за што горлом каранье описано, под которым урядом нашим албо и где кольвек инде учинил, а не мог бы быть пойман и перед врядом ку росправе ставен, але бы прочь уехал, а сторона жалобная не хотела бы на том, у кого бы се такий чоловек неоселый переховывал, того позыскивать, тогды маеть по такого сторона болячая позвы от вряду кгродского того повету, в котором ся то станеть, взяти и тые позвы через возного дати поприбивати у ворот замку або двору нашого судового и в месте на бронах, и теж при костелех, и казати возным тые позвы голосне обволывать, абы се ку справе в том обвиненью становил. За которыми позвы не станет ли обвиненый ку справе на двои рочки кгродские, таковый на выволанье до нас, господаря, обычаем, в сем статуте около того постановленым, маеть быти отослан. И мы его маем казати выволати со всих панств наших. А по выволанью яко сторона, так и вряды наши мають и могут ся против него заховати, яко и против инших выволанцов, яко о том в сем же статуте ест описано.