Статут Великого княжества Литовского 1588 года

О подданых отчызных, челеди дворной отчызной купленой або полоненой, также и о слугах приказных и людях прихожых, которые от панов своих утекают.

Уставуем: естли бы который чоловек отчызный, материстый, спадковый, непохожый албо купленый, даровный, выслужоный и яко колвек набытый або челядин дворный, отчызный, купленый або полоненик мужского и женского рожаю, от пана своего утекши, за кого иного зашол, а оный пан, за кого такий збег зайдет, будучы от того пана, чый чоловек челедин дворный утек, врядовне напомнен водле артыкулу сорок осмого розделу четвертого о выданье его або о учыненье з ним справедливости, таких збегов не выдал и справедливости з ними водлуг сего права посполитого не учынил, ино позваный повинен будет сам або через умоцованого своего у права яко на року завитом стати и того або тых збегов, колко их будеть, у права поставити. А жалобник за станьем стороны пазваное ку праву самого або через прокуратора и за призваньем до тых збегов з очивистого мовенья правного доведет ли того, же тот чоловек або челядник, албо колко их будеть, суть его властные, тогды позваный будеть повинен ему оного чоловека або челядь з жонами, з детми и зо всею маетностью их вернути и за омешканье службы тых людей навезки за кождую неделю от кождое головы мужское и женьское по шести грошей заплатити, а то навезку тую личачи и рахуючы от заложенья позву.

А естли бы позваный по сказанью врядовом таких збегов отдати со всим, яко суд скажеть, не хотел, тогды винен будет за них самих, жон и дети их головы, яко за головщизну, водлуг описанья сего статуту, а за маетность тых збегов и за властные шкоды того самого жалобника, если бы якие тые збеги учынили, на чом довод слушный учынить, з навезкою заплатити, также и за омешкане роботы навезку верху мененую дати. А естли бы позваная сторона, ставшы у права, до тых ся збегов не знала и тым вымовку чынила, иж о таковом чоловеку або челяднику не ведала и тепер не ведаеть, и на тот час, кгды о то позвом заложон был, на именью его не был и тепер не ест, таковый не згола от того волен быти маеть, але того пана урадник, тивун, войт албо лавник, кого с тых жалобник обереть, маеть присягнути на том, иж при положенью позву не был и тепер не есть тот збег на йменью пана его. А который шляхтич врядника, тивуна албо людей своих оселых мети не будеть, хто бы мел присегнути, тогды такий шляхтич сам маеть на том присягнути, а предся кожды стан будеть винен позволити на именью своем тых збегов искати и взяти яко своих власных сам, ани через слуг, подданых своих, того не боронечы под совитою заплатою того, о што жалоба в позве идеть. По тому ж и инде, где ся колвек можеть доведати, будеть волно жалобной стороне своих збегов отыскивати. А не всхочет ли позваный отприсегнутися, то вжо жалобнику волно будеть на том, иж тые збеги под часом прошенья справедливости на именью позваное стороны были, присягнути, также и того, же то суть его властные люди або челядь дворная водлуг сего статуту, якое на то право мети будеть, доводити. А по таком доводе винен будет позваный яко за самых головы, за жоны и дети их водлуг шацунку статутового, так за маетность тых збегов и теж власные шкоды того пана, естли бы ся которые стали, и за омешканье роботы по тому, яко о том вышей описано, заплатити. А тому, хто за тые люди або челядь заплатил, волно будеть собе их яко своих властных пойскивати, а дошедшы правом, маеть их мети за свои подданые. Вед же естли бы тот пан, который их первей правом доходил и заплату за них взял, хотел зась назад тому пану пенези его вернути, то ему волно будеть надалей до чотырох год, а тот — назад у него пенези свои взяти и тые люди або челедь его з жонами и з детми и з маетностями их вернути. А где бы до чотырех годов не откупил, тогды вжо за властные отчычи его почитаны быти мають.

Тое ж ся право розумети маеть и о людях таких, хто бы кому именье свое продавши, збегов отчичов або челяди дворное того именья тому ж, кому именье спустил, постигати и отыскивати моц дал и право свое в той мере на него влил, иж ему так же, яко и самому отчичу, таких збегов отыскивати волно. А што ся дотычеть слуг приказных албо людей волных похожих, которые бы от панов своих, шкоды починивши албо и не починивши, утекли, о тых маеть быти сужоно поступком сего ж артыкулу и теж водлуг артыкулу двадцат второго в сем же розделе дванадцатом, до чого ся водлуг учинку таких збегов и водлуг сего права посполитого речь стегати будеть. Вед же то варуючи, же за таковые люди волные приказные похожие, хотя бы их позваный не поставил, за головы их ничого сказывано быти не маеть, толко за шкоды, через них вчиненые и правне доведеные, албо за суму пенезей, в которой бы на выслугу были выданы, вынявши то, естли бы хотя приказный слуга албо чоловек волный, будучи обвинен в крвавом учинку , за што горлом карають, утек, тогды позваный винен будеть отприсягнутися. А если бы таковый прибег на йменье чие в небытности пана самого, тогды не сам пан, але врядник або тивун винен будеть присегою от того отвестися, же в тот час, кгды за позвом права прошоно, в него на именью его з ведомостью его не был. А по отприсяженью жалобной стороне волно будеть такового збега, где будеть мочи, постигати и правом поконывати. Пакли ж бы хто, заховуючи покой в суседстве и до вряду нашого не даючися позывати збегов с права, з дому або з ыменья своего выдал, от того ниякого пересуду и никоторым именем названого доходу брати и домагатися собе не мають так сами панове, яко и врядники их. А довод на збеги, люди отчизные и иные, вечному праву подлеглые, такий мает быти: напервей листы або рейстрами дельчими або листы, рейстры купчими и иными врядовым або теж братьею рожоною албо стрыечною тых збегов шестьма за их присегою, а в недостатку такового доводу поддаными суседей околичных, также шестьма светками, а при них семый тивун або войт, або старец присегами своими того довести мають. А естли бы и такого доводу не мел, тогды жалобник при сведецстве трох светков сам присегнути маеть и тым речь свою одержить.