Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Уставуем: естли бы колько парсон шляхетских о одного шляхича забитье обвинено было, а тое бы забийство сталосе не при кгвалтовном наеханью або найтью на дом шляхетский або на господу, также ани при розбою, а сторона жалобливая, не вызволяючы ни одного с них, але всих, колько их будеть, при оповеданью своем людем сторонним и теж на вряде нашом при оказыванью возному и стороне ран значных на забитом самотретя, будь з людми обчими неподозреными або з детми, близкими, або, где детей, близких не будеть, — з слугами и челедью домовою поприсягнула, тогды один с них, которого на смерть обереть и поприсягнеть, маеть горлом каран быти. А тые помочники его, на которых теж заровно сторона поприсягнула, иле их будеть, мають головщизну сто коп грошей платити и у везенью рок и шесть недель седети в замку нашом того воеводства, где ся што такового станеть, у вежи в земли шесть сажон.
А панове воеводове, старостове на замках наших, а в земли Жомоитской — через вряд кгродский, на том местцу, где суды отправують, мають тые турмы добре оправеные и выкопаные мети глубоко шесть сажон в земли за певною сторожою. И не мають таковым вязнем фолкги никоторое допущати чинити и с того везенья до року и шести недель выпущати. А будеть ли забито двух альбо трох и колко их особ шляхетских, за кождого шляхтича особа шляхетская маеть горлом карана быти. Также и о шляхтянках розумено быти маеть.
Артыкул 30
Естли бы шляхтичь шляхтича на дорозе розбил.
Уставуем теж, естли бы шляхтичь шляхтича на дорозе розбил и луп учинил, а оный розбитый у парсуну его познал и перед врядом раны свои оказал и того ж часу, оказавши того в парсуну, меновал, альбо наймя именем менуючи, до книг записал, а потом притягнувши ку праву водлуг оказанья ран своих сам з шестьма шляхтичи брал бы се ку присязе и хотел того присягою довести, а позваный бы, маючы о добром захованью своем, же се тым николи не обходил, певное сведецство, и давал бы справу, же в том обвиненью не ест винен, а просил бы на оказанье невинности своее на шкрутыниум, тогды через шкрутиниум маеть о том достаточное выведанье вделано быти. И покажет ли ся то з выведанья певного, же ся не розбой, але звада подорожная стала, тогды позваный от розбойное вины самодин маеть отприсегнутисе. А по отприсеженью обжалованый от того всего обвиненья волен будеть, а учстивости и доброму мниманью его то шкодити не маеть и с книг тое обжалованье через сторону жалобную вынято и сказовано будеть. А в таких речах маеть быти на обе стороне сужоно, яко о том нижей ест описано.
Артыкул 31
Естли бы шляхтич купцов албо иных людей простого стану на дорозе розбил.
Кгды бы шлятич обвинен был о розбой купцов яких тубылцов, а не приеждчых людей, або иных людей стану простого на дорозе, а был бы заразом на том розбою з лицом пойман, а тот бы шляхтич до розбою того не знался, тогды в той речы маеть быти на выведанье послано, и за которою стороною болш сведецства на выведанью будеть, тая ку доводу або отводу припущона быти маеть.
Вед же чоловек простого стану, естли ему в такой речы довод будеть сказан, маеть самсем, то ест з двема шляхтичы а з чотырма чоловеков простого стану, людми сторонными, добрыми, неподойзреными, присягнути. А по присязе тот розбойник горлом каран быти маеть, а шкода, розбоем вделана, з именья плачона будеть. А не будет ли мети жалобник так много с ким присегнути, ино шляхтич самтреть з шляхтою повинен будеть от того розбою отпрысягнутися. А где бы шляхтич на розбою не был пойман и лица пры нем не было, а был бы так згола о розбой позван, а то бы на него первшое обвиненье было и знаков бы а подобенств никоторых слушных не было, на такового довод от людей простого стану ити не маеть, и он ся отводити не повинен, але еще жалобник будеть винен его навезати, яко бы его ранил. А где бы тот же шляхтич повторе в такой речи теж без лица был обвинен, такий самодин маеть отприсягнути, а жалобник вжо навязывати его не будеть винен. Естли ж бы и по третий раз тот же шляхтич о розбой а без лица ж был обвинен, в такой речы вжо маеть шкрутыниум быти чынено, и за которою стороною болш сведецства на шкрутыниум будеть, той довод або отвод маеть быти сказан так, яко вышей в сем же артыкуле о пойманом з лицом ест описано. А прыйдет ли шляхтич отпрысягнутися, тогды сторона жалобная такеж маеть его навязывати. Пакли ж бы четвертый раз о такий же розбой без лица шляхтич был обвинен, против тому вже жалобная сторона самчетверт з одным шляхтичом а з двема чоловеки простого стану прысягу маеть чынити. А не будет ли жалобник так много людей до присяги мети, ино тот шляхтич еще самсем винен будеть з людми добрыми, правом непереконаными, отприсягнутьсе . А после того, кгды бы еще такая ж жалоба на него пришла, вжо жалобник кгды самтретей его поприсягнеть, он горлом каран быти маеть и шкода за доводом з ыменья плачона будеть. Вед же купцам, людем приеждчим здалека, з ынших чужих панств, которые жадного захованья и знаемости в том панстве нашом не мають, если бы се стал розбой в сем панстве нашом, будь от шляхтича або от кого кольвек иного, тогды вряд наш, маючи взгляд на артыкул двадцать осмый в розделе четвертом, который учить гостю справедливость прудкую чинити, а без омешканья учинивши шкрутыниум, то есть выведанье достаточное о таковом злочинстве и о захованью а поступкох тое особы, на кого жалоба идеть, и при таковом выведанью, припатруючися и уважаючи пилне и бачне час, местце, знаки подобенства и всякие иные причины, ку правде в той речи склонные, мает до того прихилятисе, яко бы гость без проволоки справедливость слушную отнес. Для чого вжо при сведецстве на выведанью и при знакох яких слушных або подозренью значном чоловек приезджий, хотя против шляхтича з меншим доводом, нижли вышей написано, то есть самотреть, можеть быти до присяги припущон. Альбо теж шляхтичь, маючи о собе и о почстивом захованью а поступкох своих доброе сведецство на шкрутыниум, мает такеж самотреть от того обвиненья отприсягнутися.
Артыкул 32
О розбои таком, который бы се стал от подданых наших або чиих слуг, бояр и подданых.
Где бы подданые наши, господарьские, мещане албо люди волостные, албо слуги, бояре и подданые князские, панские, земянские шляхтича и кого ж кольвек иного на дорозе розбили, а были бы заразом на том розбои з лицом поймани, тогды такие мають быти ведены до вряду нашого судового кгродского найблизшого от того местца, где се розбой станеть. А тот вряд наш кгродский, обославши через возного листом своим отвороным так нашых врядников, естли бы о нашых подданых шло, яко кождого иного пана або врядника его, чыи люде будуть, и зложивши рок тому праву так, яко бы тот пан або его врядник зехати мог, а приедет ли, тогды при бытности того пана або врядника, а не приедет ли на рок, тогды сам вряд наш будет тых або того обвиненого судити и сказывати водлуг сего статуту. А естли бы такие люди, в розбою обжалованые, заразом на том учынку з лицом поймани не были, тогды вжо на таковых укривжоный права просити и справедливости з ними собе доводити маеть у пана его за листом упоминалным водлуг артыкулу сорок осмого в розделе четвертом, также и в урядников нашых за листом теж упоминалным. А люди простого стану сужоны быти мають о розбой такий, где ся забойство насмерть станеть, так и за таким доводом, яко о злодейство простых людей, о чом есть в розделе чотырнадцатом, артыкулех, о том постановеных, достаточне описано. А где бы ся при розбою забойство стало, там вжо жалобная сторона близшая будеть доводити водлуг права так о голову и розбой, и шкоды, а меновите при оповеданью врядовом и теж людем сторонним шляхтич — самодин, а чоловек простый — самтретей, с ким можеть присегнути, а по таковом доводе винные горлом карани будуть. А за голову головщизна и шкоды, на чом довод присягою вделан будеть, з маетности таковых поконаных маеть быти плачоно.