Статут Великого княжества Литовского 1588 года

Артыкул 7

О отозвех от суду подкоморого.

Еще теж и то уставуем: где бы се кому суд подкоморого не водле права видел, тогды по головной сказни речы самое волно каждой стороне отозватисе с тым до суду головного, за которым отозвом мает быти выслани от суду головного комисары, в оном же повете оселые, а звлаща кашталян оного повету, а где бы кашталяна не было, тогды маршалок наш того повету, и при них по две особе шляхетские людей добрых, цнотливых, веры годных и у праве умеетных. А в котором повете кашталяна ани маршалка не будет, в том таковая комисея отсылана быти быти мает до старосты судового того ж повету, а при старосте такеж два шляхтичы прыданы на то будуть, а кашталянове, маршалкове або старостове под тою ж присягою, на достоенство их вчыненою, винни будуть справедливе такие речы, до них отосланые, розсужовати. А рок тому выезду комисарскому от суду головного будеть покладан водлуг баченья их, перед которыми комисарми будеть повинен подкоморый справы суда своего оказати, а они моцни будуть суд подкоморого и границь, если бы в чом выкрочыл, поправити або теж, если добре судил, пры моцы зоставити. А хто бы теж без прычыны слушное от суду подкоморого отзов учинил, тот повинен за высланьем комисаров, в том дознаный, заплатити вины подкоморому шесть рублей грошей, а стороне противной тры рубли грошей. И кгды апеляция в которой речы от подкоморого уростеть, тогды до выеханья с розсудку комисарского присега стороне маеть быти задержана. Однак же для памети знаки того заграниченья мають быти почынены и от того подкоморому толко половица доходу его, нижей описаного, плачона будет, а тые кгрунты до росправы комисарское мают зоставати в держанью тое стороны, которой подкоморый присудит. Вед же и тот до розсудку комисарского того кгрунту, звлаща пущ, дерева, пустошыти не мает, а при росправе комисарской и прысеги водлуг вынайденья их слуханы и вжо наконец границы значные починены и копцы водле потребы закопаны быти мають заразом через тых же комисаров. А за працу комисаром так же, яко и подкоморому нижей описано, плачоно быти маеть. Также присега на презыски и отосланье презысков, на отправу врадовую маеть ся задержати в тот час, кгды апеляцыя уростеть аж до росправы комисарское. А по росправе комисарской зостанеть ли при моцы суд подкоморого, тогды отосланье презысков на отправу до враду судового маеть быти через лист подкоморого. А естли суду подкоморого комисари поправять, то вжо и отосланье презысковь на отправу до враду комисары ж через лист свой учинити мають. А таковые справы судовые, которые се скончать за выеханьем комисаров, мают быти вписованы в тые ж книги подкоморого. А похочет ли сторона вырок судовый до книг земских або кгродских вписать, то ей волно будеть.