Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 3
Около обосланья суседов граничных и сумежных ку выеханью на кгрунт пенный.
А ижбы хто, ведучы право о кгрунт пенный або розницы граничные з одным, не мел от кого иного з стороны переказы в том праве, яко се то прыдавати звыкло от околичных суседов, границами и межами прилеглых ку тому кгрунту, о который право идет, для того сторона поводовая або жалобная мает и тых околичных суседов на тот же выезд листом подкоморого обнести перед роком выезду подкоморого зложоным принамней за чотыри недели, даючы с того листу копею под печатью возного кождому таковому суседу албо на именью их кладучы и им то ознаймуючы, абы на рок, в том листе ознайменый, ку пригледанью выводу и становенья границ прыбывали або сами, або через врадников своих, постерегали границ своих. А где бы которые суседы околичные, граничные за обосланьем и упомненьем через лист подкоморого на тот рок выезду подкоморого зложоный у оных кгрунтов и границ пенных, о што право идет, не становилися и своих границ, меж и кгрунтов не заступовали, тогды межы тыми двема сторонами предсе подкоморый мает розсужати и граничыти. А што кгрунту таковых неприбылых, тым межы двема особами граниченьем который з них стороне занято, о то той особе неприбылой волно будет позвать перед врад належный правом держачого спирати. А хто станет сам на своей границы або через кого ж колвек боронити будет граниченья, тогды подкоморый, покуль розница идет вземшы ведомость от оного, хто боронит границ, заховать мает право у належного суду с тых, хто переказу учынил границам. А далей предся едучы, где бы переказа не была, мает границы кончыти, а жалобник о тую переказу до права позвати маеть оного, хто переказил, до суду належного о шкоды и о кгрунт оный, где се спор стал. А суд отошлеть на выезд подкоморого с тою особою, которая то перекажала, тому, хто границы вел. И кгды бы з розсудку подкоморого узнано, же, не маючы справедливости до оного кгрунту, але з направы або з вазни перекажал праву его, таковый шкоду, прынятую от выезду первшого, повинен будет заплатити оному укривжоному и кгрунт кгрунтом навезати так много, яко отнимал або тою переказою собе прывлащал. А то мает быти через подкоморого ж отправлено, вымерившы кгрунт.
А о шкоды порадком статутовым отправа будет учынена. Вед же где бы, розумеючы уближенья, до апеляцыи бралсе, то ему не мает быти заборонено, яко статут учыт, от подкоморого суду. Але если бы у вышшого права узнан был за упорного, таковый шкоду всю, от подкоморого сказаную, совито стороне заплатити маеть, а кгрунт кгрунтом навезати, и через подкоморого врад мает то быть вымероно тым же поступком, яко о речах сужоных около отправы описует.
Пакли бы теж опекун або заставник и кождый, дочасным правом держачый именья, то учынил, а граничыть не допустил, тогды дедичове не повинни на том шкодовати, але сам таковый, хто з упору, з васни албо заздрости переказу граниченью учынит, на своей маетности мает то терпети, кгды до права притягнен будет тым порадком, яко вышей описано, вед же о вечность кгрунту право заховуючы и волное мовенье детем недорослым, кгды лет зуполных дойдуть. А где бы пры кгрунтех нашых, господарских, таковое граниченье кому с ким придалося, тогды державца тых кгрунтов нашых таковым же способом, яко вышей описано, через сторону поводовую листом подкоморого маеть быти обослан. А так же и державцы добр нашых в том заховатися повинни будуть.
Артыкул 4
О таких кгрунтех нашых, господарских, которые бы часу граниченья межы кгрунты пенными шляхетскими были прылеглыми ку границы кгрунтов шляхетских.
К тому и то варуем, иж где бы пры таком праве и граниченью межы шляхтою примешалисе и прилегли кгрунты нашы, господарские, а сторона бы которая, выводечы границу свою, займовала нашого кгрунту, чого бы староста, державца наш або подданые нашы, менечы быти властностью нашою, боронити хотели и не допущали по нашым кгрунтом граннцы вести, тогды подкоморый маеть то на иншый час отложыти, поки стороны албо одна з них, которой того потреба укажеть, до нас в той речы утечетьсе, а мы комисаров нашых на то вышлем и виньни будем в такой речы заховатисе водлуг сего ж статуту, яко около розниц межы кгрунтов нашых и шляхетских вышей в сем статуте, в розделе первом артыкуле двадцатом и в розделе четвертом артыкуле осмдесят третем ест описано. А ку тому ж року, на выезд комисаров нашых зложоному, сторона поводовая або тая, которая нас о комисары просити будеть, винна будеть сторону свою противную знову позвом подкоморого припозвати также на рок завитый.
Артыкул 5
О року завитом на выезд подкоморого, и хто бы на нем за причынами правными не стал.
Уставуем, иж кождый рок выезду подкоморого на кгрунт маеть быти завжды завитый. Ведь же где бы сторона, позваная на тот рок, за позвы подкоморого зложоный, за правдивою обложною хоробою або за послугою нашою, господарскою и речы посполитое, в сем статуте выражоною, стати не могла, с тых прычын маеть быти вольна от того першого року, але о хоробе своей, если се перед роком прыдасть, также и о послузе, маеть в час, яко наборздей быти можеть, подкоморому и стороне перед роком запозваным ознаймити таким обычаем, яко около таких обмов наука в розделе четвертом ест постановена, абы вжо того року не пильновали, а подкоморый повинен будеть рок на иньшый час за тыми ж першыми позвы от року, за ними припадаючого, такеж за недель шесть преложыти и то стороне позваной через того ж ее посланьца, которого к нему с тою обмовою прышлеть, листом своим ознаймити. А сторона позваная стороне жалобной через лист подкоморого виньна будеть о том преложенью року ведати дати того ж часу скоро по обмове своей, надалей за тыдень албо, яко на час и далекост местца знесеть, покладаючы через возного копею з листу подкоморого на том именью, с которого спор о землю идеть.
А если хороба припадеть близко перед роком выезду подкоморого, тогды и на самом року. можеть такое отроченье ити, а подкоморый рок на иншый час, яко вышей описано, преложити маеть, за которым преложеньем на другом року сторона, которая на першом року не стала, повинна будеть первей водлуг статуту прысегою правдивое обложное хоробы своее довести. И если обмова хоробою будеть чынена на самом року, тогды в присязе и то доложоно быти маеть, иж его в так близком часе хороба зашла, же не мог перед роком о хоробе подкоморому и стороне дати знати, а о послузе нашой земской сведецьство слушное на листех наших оказати, а потом з стороною противною росправу судовную наконец прыняти. По тому ж и стороне поводовой такие обмовы ити, и она се в таких прыпадкох водлуг того, яко о позваном вышей ест описано, заховати маеть. А где бы которая сторона на хоробе прысегнути не хотела або о послузе сведецства водлуг сего статуту не оказала, таковая реч свою тратить, а подкоморый то, о што межы ними идеть, стороне, року пилнуючой, без доводу сказати мает. Пакли бы хто и на другом року за позвы подкоморого хор был, таковый, если не сам, тогды через умоцованого своего, предсе права пилен быти и перед подкоморым на кгрунте становитисе и росправу водлуг права прыймовати винен будеть. А если с права присега тому, хто хор, сказана будет, тогды светки его там на местцу перед подкоморым заразом прысегу учинити винни будуть, а ку пригледанью прысеги самого хорого маеть подкоморый возного з двема шляхтичами, кого собе тая сторона, которая, хоробою будучы, прысегати будеть, упросить и в дом оного послати, а сторона противная и своих посланцов при той присязе можеть мети, и возного, а оный хоры повинен будет яко на хоробе своей, же был и ест хор, так и на речы самой, если ее всхочеть одержати, присегу перед тым возным и шляхтою учынити. А не прысягнет ли, таковый речь свою тратить. Если бы теж хто хотел се на першом року за позвы подкоморого вымовляти позваньем до иншого повету и суду, тогды таковая обмова, яко на року завитом, не маеть быти приймована, вынявшы толко тые причыны, где бы хто на тот же один рок был позван в ыншом повете также о кгрунт земленый. Позвы подкоморого на завитый рок о реч болшую важнейшую або теж до суду кгродского, будь и в ыншом повете або и в том одном, в такой речы, где о горло идеть, и рок бы ему на тот же один час у кгроду, яко и перед подкоморым припадал, тогды в таком припадку сторона такова захована будеть водлуг артыкулу двадцать семого в розделе четвертом. Можеть теж обмова против року за позвы подкоморого ити и так сторонам, в праве стоячым, яко и сумежником тым, кгды хто с панов рад нашых водлуг повинности своее, або хто иный для потреб и справ своих судовых, на сем припадаючых, албо теж, с которого повету в поселстве будучы отправеным, на сем поедеть. Вед же тое бытности своее на сойме маеть сведецьство на писме слушное, за печатью нашою, на другом року за позвы подкоморого показати, а не покажет ли, тот реч свою тратить. Еще теж суды подкоморские ити не мають часу поветрея морового и под войною, которая бы была з уфалы соймовое посполитым всих рушеньем отправована.