Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Уставуем, иж естли бы хто позвал кого о именье, менечы до него быть право прырожоное або набытое, а тот, кого позовуть, ставил бы на праве заводцу, который ему тое именье продал або яким колвек правом завел, а кгды бы тот заводца его заступил, а позваный, поставившы заводцу, хотел бы с права проч пойти, тогды в таковой речы яко тот заводца, так и позваный о тое именье с права отходити не мають потоль, аж се тот заводца его з жалобною стороною росправит. И кгды бы се то показало с права, же тот заводца неслушне чужое именье пустил, тогды тое именье тому, хто ищеть за правом его, слушне показаным, прысужоно быти маеть, а он своих пенезей и шкод на заводцы смотрети будеть. И если оселый заводца в том повете албо и в инших поветех сего паньства, великого князства литовского будеть, тогды такого позвы позвати з оселости его о суму и о шкоды свои волен будеть. А естли бы был неоселый, тогды там жо заразом тот суд, не спускаючы его з уряду, справедливость з него чинити будеть повинен тым способом, яко о неоселых в ыншом артыкуле ест описано.
Артыкул 24
О листы на долги, на именья и на заставы згинулые.
Теж уставуем: кому бы листы на долги, на заставы речей рухомых, вед же не на важнейшую реч, толко до двухсот коп грошей, згинули на дорозе где ж колвек, от огню або от воды и яким колвек обычаем страчоны, а тот, кому тые листы належали, скоро того ж часу по оной згубе перед нами, господарем, або перед врядом оповедал и записати дал, а потом прышло бы ку праву, а тых бы листов за очевистым зезнаньем у котором уряде записаных не было, тогды тот, хто листы стратил, або кому тые листы прислушають и належать, маеть довести людми добрыми, веры годными, намней двема, которые листы видели и их сведоми были або печати свои до них прикладали. А потом сам с тыми светками своими на том прысегнути мает, светки на том, же тот лист або тые листы видели, а сам на том, же такие листы згинули прыгодне. И кгды того доведеть людми добрыми и прысегою их и своею, маеть оную реч, на што листы згинули, одержати. А где бы печатники або тые люди, которые тые листы видели, померли, тогды, пры оповеданью врядовом сам прысегнувшы, реч свою одержати маеть.
Артыкул 25
Естли бы колько парсун одным листом кому кольвек описалися.
Уставуем теж: естли бы колко персон одным листом кому колвек описалися, а потом бы которые з них тот запис свой нарушили, а другие бы его предсе водлуг обовязку своего выполняли, тогды сторона укрвжоная , которой тот запис служить, можеть толко таковых позывати, от которых се над тот опис ему кривда дееть, до вряду того, где будеть належати або где се будуть описали, становити, и не докладаючы тых на позве, от кого крывды не мають, а сторона тым ся вымовляти не будеть мочы, иж других не позвано, которые се сполом з ним описали, кгды ж от тых сторона жалобливая никоторое кривды мети будеть . Але кождый сам за свой учинок и выступ у кождого права отповедати и водле опису своего або продков своих, естли бы што на него прыходити мело, досыть от себе и щасти своее стороне укривжоной чинити маеть и повинен будеть.
Артыкул 26
Як много без листу вызнаного маеть позычити.
Уставуем, иж кождый шляхтич, мещанин и нихто иншый не маеть без листу вызнаного позычати большей десети коп грошей. А хто бы большую суму пенезей без листу вызнаного позычыл и на то листу не мел, тогды тот, хто большей без листу дал, пенези тратить, а тот, который позычыл, не повинен большей платити, только десеть коп грошей, и то за присегою оного, хто на нем тых пенезей доходить правом.
Артыкул 27
Хто бы якую реч рухомую запродал на рок.
Естли бы хто кому зоставил рухомую реч на рок на впад тое речы, а коли бы рок прышол, а тот, хто заставил, не выкупил тогды тот, хто закупил, оповедавшыся вряду, можеть тые речы обернути куды хочеть ку своей потребе на вечность.
Артыкул 28
О реч рухомую в заставе до часу певного, а не на упад.
Уставуем: кгды бы хто кому якую реч рухомую заставил до часу певного, а не на упад, а на тот бы час назначоный не окупил, а тот бы, маючы заставу, и позвал бы того, абы заставу свою выкупил, а он бы тое заставы окупити не хотел, тогды вряд маеть ему допустити тые речы рухомые продати, и што бы звыш над оную суму свою за тую заставу взял, тогды, вытрутившы с того собе за наклад свой, што будеть позываючы его наложыл, остаток тому, чые были речы, отдати маеть. А тот, не прыводячы стороны своее до прысеги на том, што ему дасть, повинен будеть порестати и болшей ся за тые речы свои не упоминаючы. А где бы без року тая застава была заставлена, тогды вряд маеть рок зложыти чотыри недели, на который маеть заставу свою выкупити. А не выкупит ли на тот рок, тогды по оном року тым жо способом, яко вышей описано, мають о тую заставу росправитися.
Артыкул 29
Хто бы кому коня або вола заставил без року.
Теж естли бы хто кому заставил коня або вола без року и на рок, а в том часе, поколь оное заставы не окупить, тот конь або вол здохнеть без прычины ображенья, ижбы, робечы им, не порвал и не забил або голодом его не уморил, тогды такового коня або вола платити не повинен, толко скуру указати и отдати ему маеть. А тот, взявшы скуру, повинен будеть только половицу тых пенезей позычоных стороне своей отдати.
Артыкул 30
О речах заставных, згинулых в чием схованью.
Уставуем теж: хто бы кому хотел речы рухомые заставити або в захованье дати, тогды на таковые речы на обе стороне для упевненья листы межы себе под печатми своими и печатми людей добрых мают давати. А где бы тые речы, в заставе або в захованью будучые, посполу в одном кгмаху з речми домового господара пригодне огнем погорели або покрадены, а он бы то вряду, под которым седит, тогды ж оповедал, и к тому будет ли еще при тых речах и властивое маетности его што украдено або згорело, тогды маеть сам на том присягнути, иж оных речей не скорыстил и ку пожитку своему ничого не обернул. За таковым отприсеженьем ма быть волен. А пакли бы поведил, же толко того речы, хто дал сховати, згорели або покрадены, а оного господара самого целы, таковый тые речы вси повинен оному вернути або заплатити. А естли в суме пенезей заставлено, ино пенези взяти, а тые речы предсе вернути, на што слушный довод учынит. Так теж естли хто у кого зложил в клети або в яком схованью речы свои и замкнул, а домовый господар тые речи в небытности его рушал або на иншое местцо перенес, а в том бы се шкода стала, тогды тот, хто рушал, мает тую всю шкоду платити теж за слушным доводом або присегою оного шкодного. А где бы се то трафило, жебы без листов хто кому речи якие в заставу, в захованье або быдла на перехованье дал, а тот, в кого бы што заставлено, або в захованье, або теж на перехованье дано, до того се не знал, тогды не згола маеть быти волен, але повинен будет на том присягнути, яко того от него не мел. А пакли бы в чыем схованью таковые речы взяты были от кого кгвалтом, тогды на обжалованом тот, у чыем охованью было, доходити их мает. А навезка таковых речей тому, чыя была властность, з самого истизного от того, у кого взято, зыскавшы, вернена быти мает.