Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 23
Хто бы земли в держанью был, а другий, правом не перепершы, жыто пожало або жатое побрал, або бой учынил, або соху зрубал.
Теж уставуем, иж коли бы хто которую землю держал у спокойном держанью, а с покоем сеял або орал, а другий, пришедши на тое поле, жито пожал або жатое побрал, або побил, потоптал, а вдарил самого або человека его або которого колвек стану, або соху, колеса, борону зрубал и сошники взял, таковый мает платити кгвалт дванадцат рублев грошей. А если возмет без бою, тот мает шкоду заплатити з навезкою: коня — конем, а вола — волом навезати, а за соху десет грошей, а за нароги дванадцат грошей, за колеса дванадцат грошей, за борону шесть грошей заплатити. А потом, коли похочет, держачого о тую землю мает правом водле права спирати. А если бы хто в кого кгрунт отнимал, а другий того боронил и в держанье не дал, тому мает быти право у суду належного. И хто в земли будет винен, тот мает шкоды и кгвалт оправити, яко коло того вышей описано.
Артыкул 24
О увязанье в ыменье за долг або за иншую причину, яко се мають справовать.
Уставуем: если бы от нас, господара, был послан дворанин нашь увязыватисе в чые именье за суму пенезей, которая бы прислушала до скарбу нашого, тогды тот посланец мает приехати до того именья и, вземши з уряду земского або замкового возного и людей добрых, шляхту, оного именья люди вси и их маетности списати и один реестр дати до скарбу нашого, а другий до замку або до суду земского, а третий мает у себе зоставити для того, абы в час помовки мел чым се выправити. Также и для того, жебы потом с тым же тое именье, с чым взято, по заплате пенезей тому, чые будет, привернено было. Нижли где быхмо мы, господарь, часу росправы перед нами сторон в якой справе, суду нашому водлуг сего статуту належачой, што на ком сказали, тогды в такой речы маем отсылати через листы нашы на отправу до вряду земского або кгродского в том повете, где виноватого оселость лежыть и которому суду тая отправа належати будеть. А вряд, до которого отошлем, винен будеть отправу чынити водлуг того, яко о отправах речей сужоных в розделе четвертом ест доложоно, без жадное проволоки, але от принесенья до враду листу нашого отосланого надалей за чотыри недели, звлаща, где бы роки заплате пенезей, водлуг статуту зложоные, не зашли. А будут ли роки положоны, ино по выстью роков тому досыт учынити, теж надалей до чотырох недель.
Артыкул 25
О именье, которое, зволившыся, дадуть до рук нашых, господарских.
Теж уставуем, иж коли бы обедве стороне зволившися и дали именье в руки нашы, господарские, до росправы, а мы быхмо которому вряднику нашому або через листы нашы, або через увязчого оное именье до воли и науки нашое в держанье дали, тогды врядник наш волен будеть в том именью слушную живность собе мети, а з двора ничого не маеть возити, але будет повинен оное именье со всими речми рухомыми, так теж и з доходы, часу держанья своего собраными, оной стороне, которо прыслушаеть, верне а зуполне за листом нашым, господарским, отдати и дозрети того, жебы в оном именью за держанья его жадная шкода и спустошенье не сталосе. А если бы тот врядник иначей вчынил, повинен будеть оной стороне шкодной всю шкоду и згубу платити, а мы и потомки нашы винни будем с ним той стороне справедливость за позвы вчынити на першом року яко на завитом.
Артыкул 26
О именье нероздельное межы братьею або близскими.
Теж уставуем, иж коли бы которая братья рожоная або и далшые в роде, нижли братья рожоная, зуполные лета маючы, мели которое именье суместное нерозделное, а потом бы добровольне зволившысе тое именье собе на части зровнали и росписавшы промежку себе поделили и на то листы и рейстра делчые под печатьми своими, а хто умееть писати — и с подписью руки и теж под печатьми людей добрых подавали, и тот дел на враде сознали, таковый дел вечне трвати мает. Также и тот дел вечне при моцы зоставати маеть, который межы незгодными с права сказан и врадовне постановен будеть. А если бы толко листы, реестра делчые промежку себе дали, а на вряде не сознали, а давность бы земскую через десеть лет по том деле задержали, таковый дел предсе вечне держан будеть. Одно ж где бы хто такий на вряде несознаный дел, давности тое не промолчавшы, хотел знову рушыти и о то бы братью свою або близских до права позвал, тогды такому предсе дел знову маеть быти сказан.
Вед же будут ли на листех делчых положоны якие обовязки, заруки о невзрушанью того делу, тогды такие заруки кождый водлуг своего обовязку з розсудку правного заплатити винен будеть, теж до делу приступити. А при кождом розделе вечыстом листы, привилья при том зоставати мають, при ком и именье тое зостанеть, на которое привилья служать. А если бы было одно именье на ровные части поделено або бы одны привилья на колко имен, розно поделеных, служыли, тогды такие листы, привилья, для ведомости списавшы на рейстра, тые рейстра промежку себе под печатми своими и под печатми людей добрых подавати, а самые листы до одного брата, до которого ся сполне згодять, ку захованью дати мають. А тот, часу потребы ку праву братьи своей, таких листов узычати маеть, але один сам без другое братьи таких листов рушати не маеть. А всхочут ли такие листы, сполне належачые, до книг врядовых земских увести и с книг видимусы собе брати, то им волно будеть. Пакли ж бы братья близские, поделившысе, листы, рейстра делчые подававшы, а один который або колко их не хотели того делу на вряде сознати, тогды иншым о тое сознанье волно будеть до вряду на рок завитый позвати. А где бы братья або близские ани листов делчых межы себе не давшы, ани на вряде делу не сознавшы, толко промежку себе которое именье, люди або земли ку ужыванью до часу розобрали, таковый дел за вечный держан быти не маеть и никоторая давность тому шкодити не можеть, а то для того, ижбы один над другого болшое части собе не привлащал.