Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
А естли бы дети албо потомки того спадку доходити не хотели, тогды тот, кому бы што было винно от отца албо матки их, маеть их позвати до вряду того, до которого ему права его укажеть на рок завитый, а вряд маеть всказати вжо тому самому жалобнику того спадку доходити, которого кгды дойдеть, маеть в том долгу своем держати до отданья сумы пенезей, ему винное, и тых накладов, што бы, доходечы того спадку, утратил за узнаем врядовым.
Артыкул 19
Рок праву о заставную реч маеть быти положон завитый.
Хочем мети и уставуем, иж каждый рок, за позвы зложоный о кождую реч заставную, мает быти завитый под страченьем права. А от которого часу будеть позван заставник о то, же на року, в записе помененом, пенезей брати не хотел, тогды тот, который заставу держить, от того часу не маеть болш именей казити и жадных доходов и пожитков брати. А што бы кольвек после положенья позвов з оного именья взял, о то дедич, вшедши в держанье именья, маеть того заставника позвати до права на рок завитый и тое шкоды своее доходити. А вряд повинен будеть оную шкоду за доводом слушным на власной маетности его сказати и отправу поступком правным учинити. А где бы тот зоставник не был оселым в том повете, в котором оное именье у заставе держал, тогды при откладанью пенезей сторона поводовая волна будеть оную суму, на уряде положоную, арештовати. А вряд не будеть волень тое сумы отдавати, аж се о скаженье такового именья заставного стороне поводовой усправедливить и з выналязку урядового судовного досыть учинит.
Артыкул 20
Естли бы хто именье або якую реч рухомую заставную другому в болшой суме заставил.
Уставуем: естли бы хто, маючи от кого в заставе именье або которую реч рухомою, в большой суме тую заставу кому иньшому завел, а держачий тое речи был бы о то припозван ку бранью сумы пенезей, которую он або продок его будет на тую реч взял и перед правом тую суму положил, и того слушне записом довел, иж не в болшой суме, толко в той, которую на праве положил, тая реч заставлена, таковый, пенези отдавши, реч свою маеть взяти, а тот, который на чужую реч болшую суму дасть, на истцы нехай собе того смотрит, што будет назвыш первое сумы дал. А где бы се трафило о заставу речи рухомое, на которую бы записов жадных не было, а спор бы межи обудву сторон по тому, яко вышей описано, о суму пенезей стал, тогды держачый тое заставы близшый будеть присегою того довести, же таковою суму, якую меновати будеть, на тую заставу дал, за которим доводом, пенези свои одержавшы, заставу вернути маеть.
Артыкул 21
О именье заставное на рок под страченьем.
Естли бы хто кому заставил именье на рок под страченьем и на упад, тогды, естли бы рок пришол, а тот, хто заставил именье, а на тот рок не мог выкупить, тогды тот, хто закупил, по оном року при том именью водле права своего зостати маеть вечне. Вед же естли бы тот истец, которий именье заставил, перед роком, на выкупенье оного именья записанным, умер, тогды потом, хотя бы и оный рок записный минул, волно будет потомком або близским его, отложившы суму пенезей, тую заставу одержати.
Артыкул 22
О отнятье именья заставного.
Теж уставуем: естли бы хто кому заставил именье або люди, або кгрунты в якой колвек суме пенезей на певный рок, в листе описаный, а потом на року припалом, не заплативши и не отдавши ему тое сумы, тое бы именье, люди або кгрунты и, што бы колвек заставил у него, упорне и свовольне отнял, а того бы на него слушне сторона довела, тогды маеть тому кгвалту заплатити дванадцать рублей грошей и вси заруки, в листе своем описаные. А колко бы людей заставных ему за отнатьем его не робило, тогды за кождый тыдень неслужоный маеть заплатити от кождое службы людей зуполное по шести грошей литовских. А которая бы служба пешая на тыден на роботу не ходила, ино по три гроши платити маеть. А иншые всякие добра и пожытки оного именья отнятые водлуг слушного а правного доводу и важности пожытков мает вряд наш тую шкоду совито всказати и против такого маеть сторону жалобливую заховати, яко о том вышей, в розделе четвертом артыкуле деветдесят втором, о выбитье з покойного держанья, наука описана есть. А естли бы хто кому што заставил — именье, люди або кгрунты, а з стороны хто третий за яким бы колвек правом албо и з упору с тое заставы што отнял, тогды тот, кому будет то отнято, похочет ли позвати того, хто ему заставил, тот маеть ему очыщати водлуг запису своего, а не очыщит ли, ино так много можными людми из землями мает ему тое нагородити. А похочет ли, опустившы того, который ему заставил, с тым, хто у него отойметь, у права мовити, тогды то ему волно учинити и на оном тое заставы своее доходити. А вряд наш и против тому заховатисе так маеть, яко в том артыкуле вышей наука описана ест.
Артыкул 23
Хто бы кого позвал о именье, а позваный заводцу у права ставил.