Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 2
Естли бы кому потреба запис учинити, кром роков земских.
Теж уставуем: хто бы хотел оселость свою вечностью пустити межи роки судовыми, без которых суд земский не звыкл заседати, тогды маеть прийти перед вряд кгродский, где суд от нас, господара, засажоный, и там запис справленый перед воеводою, старостою, где суды кгродские суть, показати, вызнати и дати его до книг замковых слово от слова вписати и выпис взяти с печатью и с подписом руки его властное. Который запис и выпис такий будеть трвати до роков двоих земских, судовне отправуючых, а надалей на которых с тых рокох земских оный запис маеть быти перенесен до книг земских и в книги вписан, и выпис с книг под печатьми их врядовыми взяти. А где бы таковый запис до вряду земского на тые роки перенесен не был, тогды таковый запис жадное моцы мети, а за ним тое речы, што кому записано, одержати не маеть. А в небытности воевод, старост судовых на таких врядех и местцах такие записы, за листы вызнаными, предсе очевисто особы, будучы сами (хто што записуеть) вызнавшы такие записы, сами ж оказавши вряду тому, мают быти перед врядом их кгродским зуполным, подстаростим, судьею и писаром оповеданы и сознаваны и выписы даваны под их печатми с подписаньем рук их, а принамней двух , естли бы третий писати не умел. А естли бы который запис, на вечность кому даный, не водлуг сего статуту был справленый, таковый запис маеть быти никчемный. и речы, в нем описаное, нихто одержати не можеть, толко бы давности земское ку збуренью того запису жалобник не омешкал.
Артыкул 3
Варунок на перенесенье з кгроду до земства.
Где бы хто купли, даровизны и иншых записов своих водлуг сего статуту с книг замковых до книг земских водлуг артыкулу второго, вышей в сем же розделе описаного, на рокох земских перенести не мог за войною або поветреем моровым, тогды то варуем, же таковые неперенесенья куплей и инших записов з кгроду до земства за службою земскою военною и поветреем моровым ничого праву того, хто купил або яким иным правом держал, шкодити не маеть. Вед же по зеханью з службы нашое земское военное або по ускроменью поветрея на першых рокох земских, судовне отправуючих, маеть быть таковый запис и выпис вряду кгродского перенесен и до книг записан.
Артыкул 4
Не маеть нихто никому жадного спадку записовати, чого в руках не маеть.
Теж естли бы хто хотел кому записати який спадок, который бы мел на него прийти по блискости яким кольвек правом, а тот бы еще был жыв, по котором бы се мело ему што достать, тогды такового спадку нихто не можеть никому записати, ани продати и сумы никоторое на том взносити, олиж бы по змерлой руце право се ему отворыло. А естли бы хто кому таковый спадок за живота того, по ком се его сподеваеть, записал або продал, албо теж на том которую суму пенезей взнес, таковый запис перед правом не маеть держан быти. А вед же естли бы який спадок на кого по змерлой руце правом прирожоным припал, а оный кому бы ся до такого спадку право прырожоное отворыло, а тое именье, хотя бы было волное або в суме от продков его заведеное, а он бы про недостаток або недовстип свой сам того доходити не могучы, албо теж з доброе воли своее на кого иного право свое влил и то кому урядовне записал або злетил, то ему волно будеть учинити. А тот, кому то записано, моцон будеть того, яко бы тот сам истец, на кого то спало правом, оного на держачом доходити, а дошедши, водле права своего того уживати маеть. Также и такое именье, которы бы сам заставил або доживотьем кому пустил, волно ему мимо того, хто в заставе або дожывотным правом держати будеть, иншому кому вечностью пустити и право свое вечное на кого хотел взнести и влити.
Артыкул 5
Хто бы кому записал именье або землю по своем жывоте, а тот, кому записано, того смерти не дождал и первей умер.
Теж уставуем: естли бы кому хто записал урядовне именье або люди по своем жывоте, а тот, которому тая реч будет записана, того смерти не дождал, который то ему будеть записал, и сам наперед умер, тогды тот можеть тую реч иншому записати, кому воля его будеть. Нижли естли бы тот жив был, а он, ему записавшы, и потом иншому другим записом тое ж записал, тогды тот першый запис маеть пры моцы зостати, а последний маеть ни в во што обернен быти. Так теж хто бы кому именье, або люди, або земли продал, а потом бы тот же и тое ж кому иншому продал, тогды тот, хто первей купил, маеть то одержати, а тот, который опосле купил, маеть пенезей своих на истцу смотрети.
Артыкул 6
Хто бы на которую реч дал запис, перед урядом зезнаный, тот запис маеть пры моцы зостати у кождого права.
Теж уставуем: хто бы хотел запис справовати на которую реч рухомую, тогды маеть кождый на себе давати лист записный под печатью своею и под печатми людей народу шляхетского, веры годных, принамней трех албо двух особ, и с подписью руки своее, естли хто писать умееть. А печати до листов не на заочную прозбу, ани теж за писаньем листовным прыкладаны быти мають, але за очевистою устною прозбою. Вед же записы таковые кождые, а то ест меновите, коли бы хто кому именье, люди або кгрунты заставою пустил або позычывшы сумы на рок, оную суму на именью, людех або кгрунтех записал, позволившы за неотданьем на рок сумы ув именье, люди або кгрунты добровольного увезанья, таковая застава и записы кождый на себе даючы маеть, ставшы очевисто перед нами, господарем, або перед врядом земским або кгродским судовым где наближшом, сознати и то до книг вписати дати. А тот, хто закупуеть, теж мает лист свой, противный тому, у кого закупует, дати под печатью своею и с подписью руки своее, и теж под трема або двема печатми людей сторонных, сознаваючи то, у кого што в чом закупил. А хто писати не умееть, ино тот лист свой и на вряде сознати маеть. А потом, кгды хто засе заставу свою у кого выкуповати будеть, маеть и повинен будеть тот, хто пенези свои береть, того квитовати и оный лист его записный вернути и также на том вряде и то до книг уписати, иж ему досыть на тот опис учинено. А естли бы хто, беручи пенези свои, того листом своим квитовати и до книг так же, яко ему то вперед было учинено, досыть учыненья его сознати не хотел, тогды за припозваным на рок завитый повинен будеть, лист его записный вернувшы, с того его квитовати и на вряде сознати, и над то ещо стороне своей поводовой повинен будеть за доводом его шкоды и наклады, што бы, позываючи о тое, наложил, заплатити. А тот теж, хто свою властность выкупить, оный противный лист ему вернути. А будет ли до книг записан, и в книгах то скасовати маеть таковым способом, то ест кгды тот, который будет закупил, сознаеть перед врядом, иж се ему во всем том водлуг запису досыть стало, а писар у книгах подле тое справы на стороне рукою своею власною тое сознанье и уморенье того запису коли напишет, тогды вжо тот запис, хотя и в книгах зостанет, жадное моцы мети не будет.