Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 7
О записох, которые мають быт у права прыймованы кром зезнанья урядового, и о позычках купецких.
Уставуем, иж таковые листы записные под печатью и с подписом руки и под печатми людей, веры годных, яко се вышей поменило, а хто писати не умееть, тогды под печатью его и под печатми намней трех шляхтичов, на суму пенезей або якую реч рухомую, позычоную на рок певный, кром позволенья за ним увезанья в ыменья або люди и без зезнанья урядового данье у права, за моцные прыймованы быти мають. Вед же естли бы был тот, хто се запишеть, позван о невыполненье запису, а хотел ли бы што против запису своему мовити або его не прызнавати, тогды тот не через прокуратора у права усправедливятися маеть, але сам повинен будеть перед судом стати и о то усправедливити. И где бы сторона жалобливая слушне того на него довела и то показала, иж то ест запис его властный и от него даный, тогды суд все водлуг того запису и обовязков его на нем сказати и отправу уделати маеть. А за то, иж се запису своего власного запрел, винен будет тот вместо вины на том же уряде в замку або дворе нашом судовом зараз по выроку урадовом сести и шесть недель выседети. А естли бы се то трафило, ижбы противко запису своему мовил, звлаща признавшися ку печати або подписи руки, менуючи, ижбы мембрам ему не на тую, але на иншую реч дал, а в праве бы был лист написаный, а не мембрам показал, тогды то ему ку помочы ити не маеть и тым оного запису бурити не можеть. Теж купцы, мещане и жыдове на шляхте рейстрами долгов никоторых доходити не мають, ани будуть мочы, кром за записами певными, яко о том наука вышей поменена.
Артыкул 8
О записех людей простых волных похожых и на аренды даных.
Уставуем, иж естли бы который чоловек волный, похожый задался за которого пана, а тот бы пан маетностью своею запоможенье якое ему учинил, а оный бы чоловек на тую маетность, от пана взятую, лист, запис свой доброволный з обовязки, в нем описаными, под печатми трех шляхтичов, веры годных, дал, таковый запис у права за моцный и слушный прыймован быти маеть. Вед же люди отчизные, отшедши от панов своих и за иншых панов задавшися, хотя бы таковыми описы, вышей меноваными, обовезалися, тогды такие записы у права приймованы быти не мають, и за ними тот, кому се опишуть, одержати ничого не можеть. По тому ж и на оренды мыт, корчом, млынов, робот лесных и иных пожитков записы даные, яко се у верху того артыкулу описало, у права за слушные приймованы быти мають.
Артыкул 9
Хто бы под ким искал близьскости, а тот бы держал именье за записом слушным.
Коли бы хто под ким искал именья, близькости своее и позвал бы его до права, а тот, под ким ищеть, держал бы тое именье за записом слушным, а поведил, иж не одному мне тое именье належить, але иншым участником моим тым же записом тое именье записано, и показал бы то у права речю самою на оном же записе, тогды тот, хто именья ищеть, маеть оных всих участников припозвати, которым запис служыть.
Артыкул 10
О именье должоное и о давность земскую.
Теж уставуем: коли бы хто купил якое дедицство и держал спокойне, заплатившы, а на том же бы именью хто иншый долг мел, первей врядовне записаный, поки ещо было не продано, а молчал бы по продажы о тот долг три лета и правом его не доходил, таковый хотя бы и листы упоминалные мел, тот не маеть на том именью того долгу смотрети, але маеть истцо в своих пенезях искати. А естли бы тот истец не мел чым платити, тогды в том долгу маеть суд его самого выдати. Нижли естли бы о тот долг, также врядовне записаный, до права позвал того, который именье тое держыть, давности таковой не омешкавшы, тому подлуг запису его першого тот долг на том же именью маеть быти прысужон. А тот, который в держаньи будеть того дедичства, оный долг маеть заплатити тому, хто першый запис маеть, а сам маеть тых пенезей и кождого иного накладу дойскиватися на истцу. А естли бы тот истец, не заплатившы, умер, тогды на маетности его лежачой и рухомой, естли которую заставить, того смотрети маеть. По тому ж и о презысках, з уряду сказаных, на том именьи маеть ся розумети, яко и о долгох, естли бы хто давность таковую от сказанья урядового омешкал.
Артыкул 11
О долги двух албо колько на одном именью.
Коли бы хто именье закупное в которой суме держал, а другий бы ся з долгом своим ку тому ж именью приповедал, менуючы, иж теж ему на том же именью сума ест описана або с права была бы сказана, а он бы от року, в записе описаного, або от сказанья врядового давности земское десет лет не замолчал, а тое бы именье обое сумы стояло, тогды тот, который маеть болшую суму, так держачый, яко и зыскуючый, будеть повинен другому меньшую суму заплатити. А пакли бы платити не хотел, тогды тот, хто меньшую суму маеть, тому большую суму повинен заплатити, або обадва тое именье иньшому в обоей суме заставити и тые пенези межы себе водле записов розделити. А пакли бы колько должников з розными долги до одного именья збеглися, а именье бы вже за тые долги не стояло, тогды хто будет мети первшый слушный и правный запис и в держанью того именья за тым першым записом был, а тое бы именье большое сумы не стояло, тогды тот за першым записом своим при таковом именью зостати маеть, а тые з остатними записы мають пенезей своих на истцу доходить. А где бы истец умер, тогды на иньшой маетности его.
Артыкул 12
Каждая застава и долг позычоный давности мети не мають.
Хочем теж мети и уставуем, абы каждая застава и долг позычоный давности земское не мели. И вольно будеть всякому дедичу, отложывшы суму пенезей, перед правом за заставу дедичства своего дойти, так за правом своим прирожоным и яко кольвек набытым. Тым же способом всякому стану долгов своих позычоных за описами водле сего статуту справеными на истцу и потомкох его доходити вольно будеть, хотя бы и через давность земскую не упоминался.
Артыкул 13
О способе доводу заставы именья лежачого, кгды бы хто кого ку бранью пенезей позвал.
Теж уставуем: если бы хто позвал кого о именье албо о люди и о кгрунты, менуючы, ижбы от продка его албо и от него самого было заставлено, а позваный бы до заставы не знался, ино если жалоба будеть о таковую заставу, которая бы се стала по выданью к утверженью сее теперешнее поправы статутовое, тогды вряд промежку сторон в той речы узнанье и розсудок свой учынити маеть водлуг сего статуту, яко о том вышей доложоно. Леч иж многие люди звыкли о речы давные застаралые, менуючы заставу, один другого ку праву потегати и тым затрудненье сторонам и вряду непотребное задавати, прото и о таких давных а прошлых заставах так обясняем и уставуем: иж кгды бы хто кого о заставу именья лежачого, людей и кгрунтов ку бранью пенезей позвал, которую бы заставу менил быти вчыненою по выданью тому паньству, великому князьству литовскому статуту од продка нашого славное памети короля его милости Жикгимонта Першого, а позваный бы до тое заставы не знался, а естли бы то менил быть своею властностью отчызною, матерыстою албо спадком и яким правом набытым и пры том щытился и брал собе на помоч давность земскую, тогды первей тот, хто в таковой речы жалуеть, маеть то явне и значне писмом слушным водле права показати. Естли то, о што жалуеть, коли в дому и в продков его было, тогды за тым и ку дальшому доводу правному, иж то з дому его або от него самого заставою вышло, прыпущон будеть водле права и артыкулов, о правах земленых описаных, звлаща где бы сторона позваная оборон правных на писме не показала, а то се маеть розуметь о именье, люди и кгрунты заставные по выданью першого старого статуту. Пакли ж бы жалобная сторона напрод того же тое именье, люди або кгрунты, о што позываеть, было коли в дому его, на писме значне водлуг статутов перших не показала, але за жалобою згола до присеги бралася, тогды без того и ку доводу на заставу не маеть быти припущона, але тот позваный а держачий того именья, людей и кгрунтов, при своем давном держанью, и над давность земскую естли бы якого права на писме не показал, маеть сам один при давности, же то ест его властность, а о заставе жадной не ведаеть, присягнуть. А где бы при давности земской сторона позваная який колвек довод листовный показала, тогды и без присеги от обжалованья пры держанью своем давном волна будет. Вед же и то варуем, если бы хто в такой речи мел до кого право, тогды ачколвек вже порядком сего статуту нового вси речи отправованы будуть. Нижли речи застаралые, предсе старым статутом, за которого ся што стало, сужоны и сказованы быти мають. А для того, абы се нихто неведомостью не вымовлял, кождый таковый, хто бы до кого мел якое дело, от выданья и уживанья сего статуту будет винен правом своим того доходити. А где бы до десети лет от выданья того статуту о таковую заставу давную молчал и правне з ним не поступовал, тот о таковую заставу вечне молчати мает, вынемши толко дети лет не дорослые, с которых, дошедши лет своих, брат старший або опекун также до десети лет о таковую заставу винен будет правом чинити, яко вышей описано. А который бы, дошедшы лет своих, до десети лет в молчанью был, таковый также вечне о то молчати мает. По тому ж хто бы от уфалы статуту старого, от короля его милости Жыкгимонта Першого в року тисеча пятсот двадцать девятом выданого, в такой речи аж до выданья сего теперешнего статуту в молчанью был, упоминанья не чинил и до права не притегал, таковый за так далекою давностью также о такую реч до права потегати и того упоминати не мает вечными часы.