Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 12
Старшая братья не могуть именья недельного утратити, ани заставляти, только то, што на часть их прислухати будеть.
Уставуем: естли бы колько братьи рожоное лет дорослых и теж недорослых зостало по отцы або по матце, маючы именье спольное отчызное або матерыстое, и хотели бы старшая братья, маючы вжо лета зуполные, на том именью осести, а не могучы еще межы собою делу вечыстого мети, хотели бы тые именья свои только так на части розняти до лет зуполных молодшое братьи и до делу вечного, тогды то им вольно будеть. А вед же если бы который з них, держачы такую часть, будь свою огулом або теж што такового з нее выделившы, кому зоставил або продал, тогды потом, кгды меньшая братья, доросшы лет зуполных, похочуть ся вжо вечным делом тым именем поделити, мають того, который будеть купил албо закупил, прыпозвати перед суд земский на рок завитый, абы тое именье в ровный дел с ними поделил. А суд дел ровный всказати им повинен будеть. А тот, хто таковую часть купил албо закупил, повинен будеть всю тую куплю свою с тою братьею, яко отчычами того именья, в ровный и вечный дел поделити, прыймуючи во всей той суме своей тую часть, которая бы толко на того брата водле права его з делу прирожоного пришла. А хотя бы теж и болш пенезей на то дал, нижли чого то стояло, вжо на том переставати будеть повинен. К тому теж, естли бы который таковый з братьи, рознявшы именье до делу, яко се вышей поменило, хотя бы его не продал або не заставил, толко якое спустошенье учинил, то ест подданых розогнал або лесы пожыточные на попел, ванчос, клепки и иные роботы лесные потребные, албо гаи и боры, на будоване годные, вырубал, выпродал и выпустошил або роздал, тогды тые другие братья в своих частях на том шкодовати не повинни, але при вечном делу маеть быти тая вся шкода з его части брати его нагорожона и заплачона. А колко будеть подданых за держанья своего розогнал, так много вжо братья на делу людей додати ему не мають и не повинни будуть. Вед же дров и на будованье дерева на свою потребу волно будеть до того ж именья брати.
Артыкул 13
О братьи лет дорослой, иле их колвек будеть, яко се именьем делити и им шафовати мають.
Теж уставуем: естли бы колко братьи было лет дорослых, а мели бы именья нерозделеные, а один бы з них, будучи потребен пенезей, хотел часть свою того именья кому колвек, будь теж обчому, заставити або продати, а тая бы братья его не хотели з ним того именья делити, тогды тот брат маеть их о то позвать до суду земского на рок завитый, за которым припозваньем вряд маеть им рок зложити ку розделенью того именья надалей за две недели або яко на то час погодный знесеть. А ку тому розделу маеть вряд им возного и двух шляхтичов придать, положившы на упорных заруки толко, колко тая часть стоить. А если бы тая братья предсе делу с тым братом и на оном року приняти не хотели, тогды будуть повинни оному брату заруки заплатити. Вряд вжо будеть повинен то через лист свой отослати до подкоморого, а подкоморый, за позвы своими зехавшы, мает и моцон будеть, тому брату часть, во всем ему належачую, справедливе выделившы, подати и заруки сказати, а о отправу зарук до вряду земского ведле артыкулов, около владзы вряду подкоморского описаных, отослати. Который дел так моцон будеть, яко теж и в иншых речах отправа, з уряду учиненая, и вечне межы собою тот дел вжо держати мають. А тому брату волно будеть тоею частью своею як хотя шафовати водле сего статуту и артыкулов, в нем описаных.
Артыкул 14
Опекун, держачи именье ув опеце, не маеть ничого за свою вину того именья утрачать.
Коли бы хто чужое именье в опеце держал, а был бы о якие кривды суседские або долги, або о якие иные права свои у суду поконан, таковый кождый, естли бы был на своей властности оселый, за таковый выступок свой, с права сказаный, з власного именья и маетности своее платити маеть. А в недостатку именья и маетности, рухомых речей и на самом истцу маеть быти отправа учинена, а именье, которое бы ув опеце держал, от того волно будеть.
Артыкул 15
Кгды бы опекунове, почавши кривды детинное у права доходити, сами померли.
Уставуем: кгды бы опекунове, уставленые або прирожоные, почавшы водлуг тестаменту в чом кольвек якое кривды детинное правом доходити, и не доконавши того права, один который з них умер, тогды позосталый моцон будеть таковое кривды детинное у права доводити. А где бы вси опекунове, не доконавши которое кривды детинное, померли, тогды кровные близшие оных детей мають быти припущоны ку опеце. А естли бы близских (яко се вышей на местцу своем назначило) не было, тогды вряд опекунов, хотя обчых, до тое опеки придати маеть, которые водле оного ж тестаменту и под того ж моцю будуть се справовати и кривды детинное доходити, яко и тые опекуны першые, в тестаменте имены описаные.
Роздел семый. О записех и продажах
Артыкул 1
О записех именей отчизных, матерыстых и всяким обычаем набытых.
Уставуем, иж волно кождому именья свои отчизные, матерыстые, выслужоные, купленые и яким колвек обычаем набытые и названые, не смотречы третее и двух частей, але вси вздоймом, хто их што маеть, буд теж половицу або которую их часть, або поособну одну, або люди, земли, што хотя от них водле воли и мысли своее отдати, продати, даровати, записати, заставити, от детей и близских отдалити, подле баченья своего тым шафовати. И хотя бы перво которую часть або половицу именья своего албо што колвек людей и земль кому продал або записал, тогды остатком тых именей всих по тому ж волен будеть шафовати вечностью заставою, яко воля его будеть, также отдаляючи от детей и близских своих. А вед же кождый таковый продажу або дар свой тот, хто продаеть або даруеть, справившы первей на то запис под печатью своею и с подписом руки, хто писати умеет, и под печатми людей добрых трех албо чотырех особ народу шляхетского, веры годных, в великом князьстве литовском оселых, очевисте от того, хто продаеть, на то упрошоных. А где бы тот, хто продаеть албо записуеть, сам писати не умел, тогды печатников таковых до запису своего упросити маеть, которые бы пры печатех своих и руками властными тот лист подписали. А потом сам очевисте перед нами, господарем, або перед врядом нашым земским, где в котором повете тое именье лежить або до которого суду прислухаеть, сознати маеть. А пакли бы до того повету было далеко, в котором тое именье лежить або до которого суду прислухаеть, тогды будеть волно ему на иншом вряде судовом, где наближей будеть, таковый запис свой оповедати и до книг записати. А тот, кому то продано або яким же кольвек обычаем записано, с тым листом, записом своим и теж з выписом врядовым маеть ехати або слати до того вряду земского поветового, где а в котором повете тое именье лежати будеть. А то оповедавшы и оказавшы, маеть до книг земских тот запис свой увести, а вряд вряду в том верыти маеть. А што перед нами, господарем, албо судом головным будеть сознано, тое без переношенья до иншых книг поветовых важно быти маеть.