Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 15
О чоловека отчизного и челядника неволного, хто бы его выкрал.
Уставуем: естли бы хто вывел або выкрал чиего отчизного чоловека або челядника дворного, яко вышей их названо, а по гонени пойман бы был на дорозе с тым чоловеком албо челядником, тогды маеть быти с тым лицом веден шляхтичь до вряду нашого кгродского того ж повету, в котором се то станеть, а чоловека князского, панского, шляхетского — албо до его пана албо до вряду нашого кгродского, подданого теж нашого господарьского простого стану — до того вряду, под чиим присудом будеть, и там собе справедливости доводити. И если ся он знати ку тому не будеть, абы мел тую челядь выкрасть, тогды тот, хто его с тым челядником поймаеть, маеть на него довод слушный водлуг права присегу учинити, иж он ее вывел, а он мае быти каран яко злодей, а челядь маеть быти вернена тому, чия была. А естли бы на дорозе погонити не мог, а в дому чием застал урядовне з возным и стороною, а он бы тое челяди выдати не хотел, тогды тот укривжоный маеть собе справедливости водлуг права доводити, и с права найдет ли се то, иж ее выдати не хотел, тогды он от того часу, як много тых людей або челяди у себе задержал, маеть их навезати, то ест за омешканье роботы их от кождое головы за кождую неделю по шести грошей заплатити, а от детей малых, которые еще робити не могуть, по два гроши.
Артыкул 16
О иманью збега чоловека або челядника властного в потрафенью на дорозе.
Кгды бы хто збега своего чоловека, вечным правом собе належачого, давностью не промолчаного, потрафил где на дорозе, а не почал будеть первей о того збега своего правом чынити, такового збега волно будеть кождому шляхтичу со всим тым, с чым его зостанеть, поймати и до вряду кгродского або под роками до земского вряду вести, а з уряду пана оного, за ким в тот час мешкал, листом обнести, жебы ку праву на рок, водлуг далекости местца зложоный, сам або врядник его приехал. И зыщет ли с права жалобник того збега своего, тогды речы оного пана власные при вряде мають зостати для отданья ему, кгды ся в том почуеть, а потом жоны, детей, маетности его, с чым будеть от него отышол , пойскивати ему волно будеть у того пана, за ким мешкал, и што речей власных у того збега будеть, тые при нем зостануть. А будеть ли што при таком збегу речей того пана, в кого часу пойманья служыл, такому пану водлуг повести того збега, яко перед врядом поведить, отдано быти маеть. А не приедет ли за обосланьем пан або врядник на рок ку праву, тогды тот збег або за признаньем своим, або за доводом тому, чый будеть, выдан быти маеть. Леч если бы хто почал збега своего на ком правом позыскивати, таковый, хотя бы того чоловека або челядника своего и подкал где, не маеть его безправне брати, але до конца правом его позыскивати маеть. Естли ж бы хто збега своего потрафил на дорозе, который бы ему вечным правом не належал, толко бы шкоду якую учынил або винен што ему был, такого также маеть вести до вряду судового кгродского або под роками до земского того повету або до того пана, кому в тот час служыти будеть, и там собе справедливости з ним доводити такеж за обосланьем з уряду пана, в кого в тот час будеть служыти, порадком вышей описаным. А не будеть ли мети з собою заразом доводу, на то ему рок слушный водлуг далекости дороги маеть быти зложон, а тот обвиненый у везенью до росправы задержан быти маеть.
Артыкул 17
Яко челядь дворная або полоненая утеклая мает быти заповедана и видавана.
Естли бы чия челядь дворная або полоненая утекла, а тот, в кого утечеть, заповедавши з якого перейму и женучи за нею в погоню, в кого бы ее нашол, тогды маеть тому, в кого челядь застанет, переем дати, с чого будеть первей заповедал, а челядь свою до себе взяти, над переем ничого болш не даючи тому, на чием именью спостигнены будуть. А естли бы хто чию челядь в себе ховал, а тот по колко кроть заповедал и на торгу закликал, оповедаючыся, а потом бы тот, чыя челядь, в колку неделях тую челядь свою в него нашол, тогды маеть, толко за страву от кождого челедина на неделю по два гроши ему давши, челядь свою доброволне взяти. Пакли ж бы хто такое челяди доброволне отдати не хотел, а до права о то был позван, тогды тот, хто ее своволне над сюю уфалу не отдал, за доводом маеть при отданью ее за омешканье роботы за кождую неделю навезки от кождое головы по шести грошей заплатити. А так же ся маеть розумети и сужоно быти о наймитех и наймичках.
Артыкул 18
О челедь дворную и полоненую, которая втечет от пана своего.
Уставуем: кгды бы хто чыю челядь неволную вывел, або, ведаючы заказ, в себе переховывал, а то бы на него правом было переведено, тогды таковый будеть повинен тую челедь отыскивати, а отыскавши, отдати тому пану. А где бы отыскати ее не мог, тот, поведивши на вряде под сумненьем, же тое челяди правдиве отыскати не мог, ани о ней ведаеть, будеть повинен тую челядь сам ценою платити, яко выший описано, и шкоду оправити так тую, естли бы которую тая челядь, утекаючи, пану своему учинила, яко и за мешканье роботы от того часу, от которого ему тая челядь не робила, мужику а жонце за кождую неделю по шести грошей. Вед же если бы ся тая челядь потом о тое ж противное стороны оказала, а тот, чия челедь, хотел бы ее у себе мети, тогды пенези тые, што за головы их был взял, маеть вернути, а челядь свою ку собе взяти, абы кождый при своем зостал. А при ворочанью челяди противная сторона и шкоды, наклады правные, што первей оный, челяди своее на нем пойскуючи, наложил, винен будеть за доводом заплатити або с тых пенезей, за тую челядь первей ему даных, вытрутити.
Артыкул 19
О волных людех, которые ся в голод продають в неволю, и о продажи от иншое челяди неволное.
Хто бы в голод сам себе з жоною або сына, дочку в неволю продал и лист на то дал, таковый лист не маеть быти держан, але, яко голод минеть, а он пенези добудеть, маеть ему пенези отдати. А не будет ли мети чим платити, такий маеть выслуговатися водлуг того, яко о том вышей в сем же розделе ест описано. Нижли если бы хто челяд свою неволную будь в голод або з яких колвек причин продал, тая продажа маеть вечне держана быти.
Артыкул 20
Хто бы в голод челядь свою выгнал.
Теж уставуем: естли бы хто в голод челядь свою неволную выбил з дому прочь, не хотечи их кормити и переховывати, и тая челядь сама себе у голод перекормила, таковые вжо не мають быти неволные, але волными. А вед же тым обычаем, иж коли тую челед выбеть, тогды они оповедати то мають вряду кгродскому того повету або врядником местким, бурмистром або мещаном, иж их выбил, а пан тое челяди не оповедает ли и не запишеть на вряде утеченья их, то вжо тая челядь волна маеть быти вечными часы.