Библиотека литературы Древней Руси. Том 13 (XVI век)
- Автор: Коллектив авторов
- Серия: Библиотека литературы Древней Руси #13
- Год: 2005
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 13 (XVI век)». Краткое содержание книги:
Болный же начать зело скорбети, якоже и преже, — молит нас, како бы мощно домыслитися вь схиму пострищи его. Мы же положихом его в карбас и пустихомся по Выгу-реце вниз. Бе бо река она страшна велми — порогы высокы зело и неудобь проходимы. И ужасахомся вельми стремления воднаго. Болный же укрепляа нас, глаголя: „Не бойтеся, Зосима зде с нами”. Мы же, благодаряще Господа и святаго на помощь призывающе, без вреда преидохом по страшной оной реце и моря достигохом, Богу помогающу нам.
По морю и в Вирму приидохом. Болному же зелне болящу и велми скорбящу о своем несъвершении. Нам же о сем мыслящим, како бы вещь ськратить: пуститися к манастырю — далече, яко верстъ от пристанища того 120, а ветри по морю противни. Мы же умысливше везьти его в Суму-реку,[244] тамо сущу священноиноку, но пакы нощи темне сущи. Вложихом его в большее судно и людей на помощь к себе прияхом. Начахом плыти по морю к Суме-реце, и яко быхом посреди губы, вьста на мори буря велика зело. И смяте нас и в недоумение приведе, понеже парус раздрася и стыр изломися от зелныя буря, волны же, горам подобны, въсхождаху на нас. И всем нам живота отчаявшимся, людие же с нами в судне горко укоряху и проклинаху нас и болнаго.
Болной же, яко услыша их укоряющих и велми ужасающихся, понеже ничто надеятися, разве смерть пред очима, зане и весла волны из рук избиша и осташа безделни, ниоткуду помощи надеятися, точию на всесилнаго Бога надежю възложихом и непрестанно преподобных Зосиму и Саватиа на помощь призывахом, нощи же темне сущи, другу друга пред собою не видети, болный же рече: „Не скорбите, братие, и не бойтеся, вижю бо отца нашего святаго Зосиму с нами в судне, помогающа нам! Сия же вся стражемь от врага, хотящаго погубити душю мою! Богъ же проженет съпостата молитвами преподобных угодник Своих!” По мале же времени начат ветръ улягати и море тишитися. И бысть тишина велиа молитвами святых, — и дьни свитающу.
Мы же познахомься близ пристанища, егоже не надеяхомся, понеже бо вдахомся волнам, отнюд не имуще о себе промышлениа. Приидохом же в Суму-реку и манастырскаго дому достигохом. Аз же, Саватей, текох позвати игумена того,[245] и сказах старца болнаго, требующа его. Он же не обленися, но скоро прииде съ мною. Приидохом же — и обретохом старца умерша. Мы же начахом плакати горкыми слезами, и на святаго поимы деюще и слезы къ слезам прилагающе, глаголахом: „Что, преподобне, толика труда подьяхом, колику в мори беду приимше, а надеяхомся на твою помощ и заступление! Ныне же всего лишихомься, егоже надеяхомся, и не получихом!” Абие же мертвый нача двизатися, мы же припадше и обретохом жива. Начат же глаголати к нам ясно и целомудрено. Внесохом же его в келию, и священник начатъ постригание великаго образа, и, съвершив, причастив его Святых Тайнъ Тела и Крове Христа Бога нашего. Болный же о всем прославив Бога, и миръ дав всем и о Христе целование, и пакы успе о Господе,[246] сподобився божественаго просвещениа[247] молитвами преподобных отець Зосимы и Саватия».
Поведа ми той же старец Саватей:
«Случися, рече, по нашим грехом, Богу попущающу сгорела у нас в манастыре трапеза и церковь теплаа Успение Пресвятыя Богородица.[248] И что было в церкви: сосуды, и ризы, и книгы, и в трапезе и под трапезою в подклетех всякыя запасы манастырскыя, — то все погоре, понеже попусти Богъ тому быти в зимное время. Ни единоя иконы успеша вынести из церкви или из трапезы; елико служба съдержит церковнаа, и чимь питатися братии, от рыб и от всякого запасу, то все огнь потреби, зане в нощи сущи прииде огнь. Нам же в конечней нищете оставшим, и начахом съветовати, терпети ли на месте томъ, или разытися, кого где Богъ направит. Но токмо едино утешение имамы: еже къ гробом началников своих чюдотворцев приходяще молитися, и от них помощи и заступлениа просяще, понеже в недоумение впадохом о своем пребывании.
Старец некый, Макарие именем, спостник бе преподобному отцу нашему игумену Зосиме, живяще бо тогда в пустыни,[249] — той прииде к намъ в монастырь на посещение — и нам зело в скорби сущи. Он же начат утешати нас, глаголя: „Не скорбите, братие, но потерпите с благодарениемь, възложше упование на Господа Бога и Пречистую Богородицу, и преподобных отець наших Зосиму и Саватиа на помощь призывающе. Не оставит Господь, призирая на место сие святое, своих ради угодник; точию подвизаитеся!”
244
Сума-река — селение на берегу Онежской губы Белого моря, в котором находилось подворье Соловецкого монастыря с церковью св. Николая Чудотворца.
245
...текох позвати игумена того... — Т. е. духовника из священноиноков (о значении слова «игумен» см. коммент. к стр. 56).
246
...и пакы успе о Господь... — Тело схимонаха Елисея было погребено за алтарем церкви святителя Николая в Суме-реке. В 1665 г. гроб с его мощами был обнаружен на поверхности земли, и вслед за тем последовали явления преподобного и исцеления по его молитвам. Над его могилой была поставлена часовня и установлено его местное почитание.
247
...сподобився божественаго просвещениа... — «Божественным просвещением» обыкновенно называют таинство крещения. Здесь же крещению уподоблено пострижение великого ангельского образа, которое, по словам св. Симеона Солунского, и есть «второе крещение».
248
...сгорела у нас в манастыре трапеза и церковь теплаа Успение Пресвятыя Богородица. — Этот пожар в Соловецком монастыре случился в Великий пост в 1485 г.
249
Старец некый, Макарие именем... живяще бо тогда в пустыни... — Пустынножитель Макарий — это, по-видимому, тот самый «муж по имени Марк», который приплыл вместе с Германом к преп. Зосиме и был пострижен с именем Макария. В Житии он упоминается еще один раз — как свидетель чуда о потерянной просфоре. Пустынь, где впоследствии подвизался преп. Макарий, сохранила название «Макариевой пустыни».