Библиотека литературы Древней Руси. Том 13 (XVI век)
- Автор: Коллектив авторов
- Серия: Библиотека литературы Древней Руси #13
- Год: 2005
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 13 (XVI век)». Краткое содержание книги:
Бяше некий старець именем Филимон, поведа нам глаголя: «Живущу ми в пустыни, и вражнимь наваждением прииде ми скорьбь велия зело и възмете ум мой, и пребых неколико дьний смущаяся. И въстаах на обычное свое правило помолитися. По молитве же седшу ми, и мало въздремахъ и бых в забвение. Се приидоша в келию мою два старца, аз же глаголах к нимь: „Что без молитвы приидосте зде?”[234] И рекоша ми: „Се сътворихом молитву. И ты ли не слыша?” И рекох има: „Сядита, господина моя". И сътворше молитву, седе един. И въпросих его: „Господи мой, кто ты еси? Не нашего вы манастыря старци и не имам знати вас". И рече ми: „Зосима ми имя, а се есть Саватие”. И глагола ми о скорби моей, утешая мя: „Не буди ти скорби о том, что погыбе в кельи твоей; то будет, точию подвизайся, а не унывай!” И ина глагола на утешение души моей. И так невидимь бысть. И азъ воспрянух и не видех никогоже. Скорбь же отиде от мене, и бых в радости.
Некый бо брат положи в моей келии числом 12 гривен сребра, и се, не вем како, погибе. Братъ же оскорбися. И аз такоже скорбь приа его ради. И по глаголу преподобнаго, погыбшее съкровище обретеся на своем месте. И азъ от скорби утешихся, и брат мой. И въздахом хвалу Богови и святым Его угодникомъ Зосиме и Саватию, посещающим чадъ своих».
Се поведа нам священноинок Досифей, ученикъ святаго: «Бывшу ми некогда игуменом на Соловках.[235] И стоях в паперти[236] церковнем на пении, братии нефимон поющимь.[237] И прииди ми въ умъ о некоемь брате клирице,[238] болящем тяжким недугом, стражущу от беса. И взирах ко образу преподобнаго, начах молитися, глаголя: „Отче святый и преподобне Зосимо! Ты еси началник святей обители сей и о Бозе събранней братии, не печеши ли ся о брате сем? Много бо время стражющу ему в недузе том! Не можеши ли ты исцелити его и въставити здрава?” И се изглаголахъ, опрехся о пососе[239] и яко въздремах, то же помышляа. И се вижу идуща преподобнаго от своея гробница в церковь, и озревся, рече ми: „Несть ти на ползу прошение, еже молитися о оном брате; еще ему в том пребывати”. И се рек, невидим бысть. Азъ же възрехъ и трепет обьять мя. По отпущении же пениа, идох по обычаю ко гробу святаго с братиею, и поведах им, еже видех его на пении и яже изрече ми. И се вси братиа прославиша Бога, глаголюще: „Въистину, господине отче, слышахом от многых братии, яко беспрестани посещаеть преподобный святое место сие по своему обещанию, и нас назирая, да некако в лености преходим житиа сего поприще”».
Ину вещь памяти достойну поведа ми прежереченый старець Саватие, глаголя: «Послал нас игумен и братиа на службу: рыб ловити на реце Выгу, у поруга у Золотца. А нас четыре браты, оприч мирянъ: первый — Данила, вьторый — Елисей, третий — азъ, Саватий, четвертый — Филаретъ. Идущим же нам по морю и приидохом на уреченое место Золотець. Начахом по обычаю нашему платити ветхыя сети. И не вем чесо ради, начат глаголати Даниил Елисею: „Почто, брате Елисей, всуе тружаешися, платя сети сиа, а уже твоа ловля минула. Ктому убо не имаши рыбъ ловити, се бо ти смерть приближися”.
Елисей же сия слышав от него, начат телом утерьпати, душею же ужасатися. И обьять ѝ скорбь велика, понеже не у сподобися великаго образа аггелскаго — схимы;[240] священноиноку бо не сущу ту близ,[241] понеже на пусте месте быхом. Мы же начахом его увещавати утешителными словесы, глаголюще: „Почто тако, брате, малодушьствуеши и себе съкрушаеши;[242] положи упование на Бога,[243] и Тъй сътворит яко же хощеть, Человеколюбець бо есть, и устроить путь твой. Аще на пусте месте есмы и священноиноку не сущу, но Богъ везде вся зритъ, Всевидящее Око, аще кто призовет Его от всея душа чистым сердцем. Ты же сътвори достойно и, прекрестяся, положи на себя схиму, молитвы призывая преподобных отець наших Зосимы и Саватиа”.
Нощи же приспевшю, начат Елисей зело пакы скорбети, глаголя: „Яко рече ми Данил, как бы ми копие вь сердце въньзе!” И по глаголу нашему положи на себя святую схиму. Нам же велми скорбящим о скорем преложении брата; положихом его на постели, и сами опочити възлегохом близ его. Таже сном побежени быхом крепце. И убудившеся, не обретохом брата на одре. И воставъ, скоро идохом на взыскание его. Мало же поискавъше, сретохом его идуща к нам, схимы же не бе на главе его. Мы же въпросихом: „Где, брате, схима, бывшаа на главе твоей?” Он же отвеща: „Приидоша множество бесов и въсхитиша мя от места, на немже лежа, вам же спящим. И схиму с меня сняша, не вем где”. Мы же въпросихом его, како от бесовскых техъ рукь избеже. Отвеща: „Зосима, началникь нашь, отъял мя у них”. Мы же и схиму обретохом, на кляпине висящу.
234
...«Что без молитвы приидосте зде?» — Прежде чем войти в келию к монаху, надлежит прочитать молитву: «Молитвами святых отец наших, Господи Иисусе Христе Сыне Божий, помилуй нас!» — и входить только после ответного возгласа: «Аминь».
235
Се поведа нам священноинок Досифей, ученикъ святаго: «Бывшу ми к 6 когда игуменом на Соловках...» — Досифей был третьим игуменом после преп. Зосимы; время его игуменства относится к периоду не ранее 1479 г. и не позднее 1484 г.
236
Паперть — галерея или крыльцо перед входом в храм, имеющая над собой крышу.
237
...братии нефимон поющим... — Мефимон — великое повечерие. Название происходит от греческого припева «оти меф̉ имон о Феос» («яко с нами Бог»), многократно повторяемого за великим повечерием.
238
Клирики — церковные чтецы и певцы.
239
...опрехся о пососе... — Посох является символом пастырской власти игумена монастыря, на котором лежит обязанность управлять «стадом разумных овец».
240
...великаго образа аггелскаго — схимы... — Схимничество есть высшая ступень монашеской жизни, сутью которой являются покаяние и молитва за весь мир.
241
...священноиноку бо не сущу ту близ... — Пострижение монаха, согласно церковным канонам, может произвести только монашествующий; мирскому священнику это не позволяется.
242
...«Почто тако, брате... себе съкрушаеши»... — Принятие перед кончиною схимы является предметом особой заботы монаха: «Кто близок к кончине <...> во всем да уготовляет себя. Не имеющий полного образа (иноческого) пусть примет его, чтобы не отойти несовершенным и без совершительнейшего священнодействия схимы» (Сочинения блаженного Симеона, архиепископа Фессалоникийского. СПб., 1856. С. 521).
243
...положи упование на Бога... — Ср.: Пс. 77, 7.