Библиотека литературы Древней Руси. Том 13 (XVI век)
- Автор: Коллектив авторов
- Серия: Библиотека литературы Древней Руси #13
- Год: 2005
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 13 (XVI век)». Краткое содержание книги:
И тако вручает ему манастыр и братию, глаголя сице: «Се убо, о брате Арсение, оставляю тя по Бозе строителя и наставника святей обители сей и всей братии, о Бозе събраней. Но блюди, брате, паче всего, да ничтоже погрешиши обычая манастырского, по правилом святых апостолъ и святых отець седми Събор Вселеньскых, иже имат Церкви Божиа! Пение и чтение съборное без мятежа съ вниманиемь да будет ти, и на трапезе ястия и питие с молчанием, вь благодарении и послушании Божественых Писаний! И блюди весь чин и обычай манастыря сего, уставленый о Бозе нашим смирениемь, — и Господь Богъ да исправит стопы ваша к деланию заповедей Его, молитвами Пречистыа Богородица и всех святых, и преподобнаго отца нашего старца Саватиа! И Господь да съхранит вы и утвердить в любви своей! Азъ же, аще телесне отхожу от вас, но духомъ с вами неотступно пребуду! И о семь разумно да будет вам: аще обрящу благодать от Господа, то обитель сиа по моем отшествии наипаче распространиться, и съберутся множество братии в любви духовней, и в телесных потребах ничимъже скорбнии будете».
И тако поучив их доволно и всем о Христе целование дав, отпусти их когождо во свою келию, молитвами одарив и благословением печатле. Самъ же безпрестани славословию прележа, на вечный путь готовляшеся. И въздвиг руце горе, знаменавався крестным знамением, и лице перекрестив, дав миръ всем, и рече: «Владыко Человеколюбче, сподоби мя одесную Тебе стати в последний день,[214] егда приидеши во славе судити живым и мертвым и воздати комуждо по делом его!» И сиа рек, возлежа на одре. И так предасть честную свою душю в руце Божии блаженый Зосима игумен, началник Соловецскаго манастыря, в лето 6986, месяца априля вь 17, на паметь преподобнаго отца нашего Симеона иже в Персиде.[215]
И так скуташа честное и трудолюбное тело; и погребен бысть братиею честно с кандилы и съ свещами и надгробным пением. Положиша ѝ въ гробе, иже ископа себе своима рукама, за олтарем церкви Святаго Преображениа[216] Господа нашего Исуса Христа.
В девятый день по погребении своем явися блаженый некоему от ученикъ своих — старцу имянемь Данилу. Сему стоящу на обычном своем правиле,[217] и зрит посреди манастыря полкъ велик зело нечистых духовъ, тмообразных бесов, и по воздуху множество их, акы дыма темна. Сему же надолзе зрящу, и прииде явленно преподобный Зосима к Данилу, глаголя: «Се видиши, от сих нечистых темнообразных духовъ и многокозненых бесов избежахъ! Мнози бо простерты по воздуху сети дьяволя,[218] но помилова мя Богъ и с преподобных ликы причте.[219] Вы же съхраняйтеся от лаяния их!» И се рек, невидим бысть. Мы же се слышахом от старца Данила, прославихом Господа о посещении святаго; яко же обещася духом не отступен быти от обители своея, так исполняше обещание!
По третьем же лете успениа святаго ученици възградиша гробницу над гробом его. И в ней поставиша образ Господа нашего Исуса Христа и Пречистыа Богородица на покланяние братии, приходящим къ гробу святаго. И свещу поставиша пред иконами у гроба его. И прихожаху ученици на всякъ день къ гробу пастыря своего, блаженаго Зосимы, молящеся Владыце Христу и Пречистей Его Матери, и кь преподобному, яко к живу, глаголаху: «О рабе Божий, истинный пастырю и наказателю нашь, аще телесне скончалъ еси свою жизнь, но духом неотступно буди с нами! Мы бо чада твоа и овца словеснаго ти стада. Поминай стадо, еже събра мудре, и съблюди Богом дарованную ти пасьству яко чадолюбивый отець! Но руководствуй молитвами си, представи нас Христу Богу достойны шествовати по заповедем Его и творити повеления, „взем крестъ, последовати Ему".[220] Тя убо ныне молим, призывающе на помощь, еже молитися о нас, недостойных, к Богу и Пречистей Богородици о Богом събранней иже въ святей обители сей братии, юже ты своими труды съгради и началникъ бысть, да и мы твоими молитвами и заступлением, пребывающе на месте сем, невредими от бесов и злых человекъ пребудем, славяще Христа Бога нашего!»
214
...сподоби мя одесную Тебе стати в последний день... — Ср.: Мф. 25, 33—34.
215
...на паметь преподобнаго отца нашего Симеона иже в Персиде. — Св. Симеон был епископом Селевкии и Ктезифона, умер мученической смертью в 344 г.
216
Положиша и въ гробе... за олтарем церкви Святаго Преображений... — Сейчас это место, где был погребен преп. Зосима, находится под алтарем перестроенного при игумене Филиппе Преображенского собора.
217
...стоящу на обычном своем правиле... — Повседневное келейное молитвенное правило состоит из определенной последовательности молитв и духовных песнопений; оно включает чтение Евангелия, Апостола и Псалтири, канонов и акафистов, личного помянника и исполнение «пятисотницы» — многократно творимой Иисусовой молитвы с поклонами.
218
Мнози бо простерты по воздуху сети дьяволя... — Подобным образом видел сети дьявола, простертые по всей земле, св. Антоний Великий: «Он видел, что сети диавольские устроены по земле таким же образом, как звероловы протягивают свои. <...> Под таким образом представились авве Антонию виды всех страстей телесных и душевных, которыми бесы борют монахов» (Добротолюбие. М., 1895. Т. 1. С. 145—146).
219
...помилова мя Богъ и с преподобных ликы причте. — Слово «преподобный» означает здесь «святой, праведник». В этом значении слово чаще всего употребляется в библейских книгах, особенно в «Псалтыри», например: «Не оставиши душу мою во аде, ниже даси преподобному Твоему видети нетления» (Пс. 15, 10); «Господь любит суд и не оставит преподобных Своих» (Пс. 96, 10); «Честна пред Господем смерть преподобных Его» (Пс. 115, 6), и т. д.
220
..лезем крест, последовати Ему». — Мф. 16, 24; Мр. 8, 34; Лк. 9, 23.