Статут Великого княжества Литовского 1588 года

Артыкул 2

О довод кгвалту, як жалобник мает осветчати, ожаловати.

Кгды бы се кому таковый кгвалт, яко вышей описано, от кого стал и на кгвалте том забитый был, тогды сторона, в том ображоная, скоро по оном кгвалте и того ж часу кгвалт и того забитого маеть оповедати и оказати околичным суседом своим, а в небытности их, ино врядником их, шляхте, людем добрым, а в недостатку шляхты, ино также околичным суседом, хотя и не шляхте, толко людем добрым, веры годным, маеть оказати, а потом жаловати на враде нашом кгродском судовом того повету, в котором се што станеть, и возного взяти и также ему оказати кгвалт и забитого. А тот кгвалт и жалобу в книги врядовые кгродские записати и к тому, труп тот на вряд привезши, тому вряду, кого з них на местцу судовом зостанеть, оказати. А по оказанью вряду вжо тот труп, не ждучы конченья права, яко то перед тым чынено, может быти похован. А то горачому учынку и каранью, о нем описаному, шкодити не маеть, и у права, если бы ся ку оному кгвалту и забитому обжалованый не знал, тогды вжо тот жалобник близший будеть суседы околичными, ставечи их очевисте у права, и теж выписом сознанья возного на него доводити и при том доводе самотреть з шляхтичами, собе ровными, на том кгвалте присегнути. Если ж бы не мог мети на тот час шляхтичов з собою ку присязе, тогды сам, и з жоною своею, и з детми дорослыми, а не будет ли мети детей дорослых, ино и з жоною своею, и з слугами, и челедью своею домовою сампят маеть того кгвалтовника поприсегнути. А если бы господар домовый забит был, тогды жона его и дети, а не будет ли жоны або детей, тогды близские таким же порадком и доводом того кгвалту зыскивати и доводити будуть. А по таком доводе тот кгвалтовник и помочники его караны будуть водлуг артыкулу первшого, в сем же розделе о том постановеного. А пакли бы помочники на горачом учинку не были пойманы, але, обвинеными в том будучы, до того не зналися, тогды не згола, але присегою отведшыся, волни быти мають. А если бы не прысегнули, тогды горлом карани будуть, яко и сам кгвалтовник. А естли бы кгвалтом на дом наехал, а не забил, толко ранил, тогды также маеть тот кгвалт оповедати и раны оказати околичным суседом и на вряде кгродском оповедати и записати, яко вышей описано. И при таком доводе оного кгвалту и ранного маеть такового кгвалтовника самсем, з людьми добрыми, шляхтою поприсягнути. А кгды прысягнеть, таковый кгвалтовник и помочники его мають быти карани, яко ест у вышшом артыкуле описано, а навезка водлуг стану и шкоды за доводом з навезкою з именья его, а в недостатку именья лежачого з маетности его рухомое плачоны будут. Нижли естли бы шести светков сполна не мел, тогды з двема шляхтичами, людьми сторонными, або в недостатку шляхты з домовыми, яко вышей доложоно, одно ж вжо самотреть присегнути маеть, а кгвалтовник за таковым незуполным доводом горла не тратить, одно кгвалту дванадцать рублей грошей, а навезку водле стану и шкоду за доводом з навезкою маеть платити. А за вину двадцать чотыри недели у вежы на дне у везеньи седети. Пакли бы и на том доводе своем устал, тогды толко сам ранный на ранах своих маеть присегнути, которому по прысязе его навезка будеть сказана, а кгвалт и шкоды не мають быти сказываны. А где бы на оном кгвалте в дому никого не забито, ани ранено, толко одно шкода вчинена, таковый кгвалт также маеть быти осветчон, яко вышей описано, а при том доводе у права на кгвалтовника маеть тым обычаем на кгвалте и на шкодах самотреть поприсегнути. Не будет ли мети шляхты з собою ку прысязе, тогды з домовыми своими, яко вышей в сем артыкуле описано, самчетверт можеть прысегнути, хотя и з нешляхтою. А кгды прысягнеть, маеть быти кгвалт плачон дванадцать рублей грошей и шкоды за доводом з навезкою оправити, а горла не тратить, одно ж предсе за вину того кгвалту у везеньи дванадцать недель седети маеть.