Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 3
О борти, о озера и сеножати, хто маеть в чыей пущы.
Теж уставуем: которые мають борти свои в пущы нашой, господарской, або теж князской, паньской и земяньской которым обычаем мають бортей своих ужывати, а то тым обычаем: хто маеть борти свои або озера, або сеножати, або при сеножатех лазни у чыей пущы, тогды к озеру з неводом ехати волно, а собаки ему не брати, ани рогатины, ани жадное стрелбы, чым бы мел в зверу шкоду учынити. А хто маеть сеножати в чыей пущы, тот маеть сеножатей своих старых ужывати, а новых не маеть прибавляти. А если бы старые сеножати заросли, тот можеть их засе собе ростеребити. Хто теж мает борти у чыей пущы, бортники, которые мають ходити ку их бортям, не мають из собою псов брати, ани рогатин, ани жадное стрелбы, чым бы мел зверу шкоду вчынити, але бортники толко мають мети сокеру а пешню, чым бы борть робити. А к сеножатям ити толко з секерами, чым заросли ростеребити, а с косою, чым ее косити. А вед же тым, которые озера мають в чыей пущы, кгды приедуть зиме озер своих волочити, волно им дров с тое пущы к лазням своим взяти и корыта на рыбу вделати. А тым, которые сеножати мають, вольно на стырьту албо на стог або одрыну учынити, албо огородити. А бортником волно на лезиво лык албо лубья на лазбень и на иншые потребы, што бортником на потребы их бортницкие прислухаеть, тыле, иле им потреба будет, взяти што можеть на собе занести, а не возом вывезти.
А кгды дерево, в котором борть их будеть, обалится со пчолами або и без пчол, волно им улей з бортью выпустити и вывести, а верхове и коренье оставити в пущы тому пану, чыя пуща будет. А дерева на будованье и дров за тыми их входы нихто с чужое пущы брати не мает, нижли хто маеть здавна озера, сеножати и борти в чыей пущы, тогды озер, сеножатми а бортьми чужое пущы взяти не можеть.
А тот, в чыей пущы озера, сеножати и борти будуть, также тых чужых входов в своей пущы отняти не можеть. А кгды пущу свою ростеребливати всхочеть, не маеть бортям и дереву бортному жадное шкоды чынити. А если бы хто, ниву розробливаючы, чые дерево бортное або на борть вделаное кремленое або со пчолами, або и без пчол, очер або пожаром опалил и шкоду якую тому дереву учынил, с чого бы тое дерево мело схнути, тот тому, чыему дереву шкоду учинил, за то повинен будеть платити подле уставы нашое, нижей описаное. А кгды на чыем поли чужое дерево бортное будеть, тот, оручы тое поле свое, не маеть чужого дерева бортного близко подорывати так, яко бы от сохи осном дерева досегнути не мог. А если близко тое дерево подореть, а тое дерево для того усхнеть, тогды тот повинен будеть за тое дерево платити подле уставы, нижей описаное. А хто бы таковую пущу розробил, предсе давних уходников от бортей, озер, сеножатей отбивати не маеть, а они теж, ходечы до тых уходов, збожю никоторое шкоды чынити не мають.
Артыкул 4
Хто бы чужые озера у своей пущы поволочыл.
Уставуем: хто бы чюжие озера у своей пущи поволочил, тогды мает тому, чие озеро будет, кгвалт платити и за рыбу, на чом тот пан смети будет присягу вчинити, што ему в рыбе шкоды станет, досыть уделати. Также если хто чюжые сеножати у своей пущы кгвалтом покосити и, вытискаючи того от его сеножати, бой учинил, тогды будет повинен кгвалту платити дванадцат рублей грошей и битых навезати. А если не будет бою, а хотя сеножати чужые покосит або кошоное поберет, тогды повинен будет сено з навезкою платити водлуг уставы, в сем статуте нижей описаное.
Артыкул 5
Хто бы застал чиего чоловека в своей пущи и пограбил.
Коли бы хто у своей пущи и в яком колвек лесе, в бору, гаи, дубровах и иных зарослях застал чыего чоловека рубаючи або везучи дерево, або, следом за ним идучы, на дорозе погонил и пограбил, тогды с тым грабежом тот, хто пограбит, волен будет того чоловека або тых людей, колько их с таким деревом поймает, вести до своего дому, а тому пану земенину, чие люди будуть, або его вряднику мает з одным чоловеком сторонным то ознамити надалей третего дня, абы на паруку грабеж и тых людей взял и на пень выехал. А тот пан або врядник маеть с тым, што пограбил, на паруку тот грабеж и люди взявшы в таком обовязку, иж што на пню осужоно будеть, то стороне укривжоной заплачоно быти маеть, и на пень по паруце назавтрее выехати и заразом справедливость о тую шкоду в порубанью дерева учынити. И тот, хто пограбил, маеть шкоды своее водлуг права доводити сам, звлаща в речы великой, а в меншой шкоде до десети коп грошей через сторожов своих лесных, и если тое шкоды своее доведеть, тогды то ему плачоно быть маеть шацунком, в сем статуте описаным. А где бы хто, взявшы грабеж, на паруку на пень не выехал або и выехавшы, а справедливости не учинил водле права, тогды возный з двема шляхтичы мають тую шкоду ошацовати, а укривжоный того на паручнику, а паручник на том, по ком ручил, правне доходить маеть. А будет ли ся кому в пущы або в лесе шкода не стала, а он безвинне пограбил, тот маеть чоловека пограбеного и грабеж навезати и самый тот грабеж вернути. А хто бы за обосланьем грабежу на паруку взяти и на пень выехати и росправы о то приняти не хотел, але бы еще против того грабеж противной стороне учынил, тогды такий свой грабеж тратить, а то, што так упорне пограбил, з навезкою винен будеть вернути и вины тры рубли грошей заплатити. А если се сопруть о кгрунт, тогды о том мають з собою правне чынити перед судом належным.
Артыкул 6
Хто бы мел спор о борти або о входы в пущу.
Теж уставуем: хто бы мел спор о борти або о входы у пущы, а хотел хто кого от бортей и от входов вытискати, а яко бы колвек чые борти або входы хто завел в чужые руки, яко того много ся дееть межы мужыков, иж пчолы для недостатку дани продаеть або по дочце дасть зятю дерево зо пчолами у чужое село, а тым забираньем свары и неупокой межы суседы деются, а оный, на тые пчолы знамена свои положывшы, за тыми знамены новыми входы в тую пущу мети будет, и зася того первшого, хто бы первей был тых входов в держаньи, з них вытискал, а спор о том был, тогды маеть суд знамен в дереве казати заколоти, и чые старшое и врослейшое знаме будеть, тому борти и входы сказати маеть. А тые, хто будеть ново знамена свои у чужый остров внесли, не мают ся в то вступовати, а шкоду дерева колотого маеть заплатити водлуг уставы, нижей описаное. И вжо от того часу хто бы с подданых нашых, так теж подданых князских, паньских и земяньских дерево бортное за границу панов своих отдавшы даровал и яким кольвек обычаем у чужые руки заводил, такового маеть пан его карати водлуг важности выступу, а тое дерево зася тому пану маеть быти привернено, чые первей было.
Артыкул 7
Хто бы кому озеро албо став, або сажовку зволочил, або млын зжог.
Теж уставуем: если бы хто кому озеро або став, або сажовку зволочил, або ез, сеж, будь теж гат який порубал або розметал, таковый оному маеть заплатити кгвалт дванадцать рублей грошей, а шкоду предся оправити. А пакли бы млын сказил або греблю перекопал, або млын зжог, а в том бы оный шкодовал, иж млын стоял, а пожитку ему з млива не было, або теж став выпустил, на што слушный довод учинить або присегою телесною потвердить, таковый маеть платити кгвалт дванадцат рублей грошей и шкоды або замешканье млива за слушным доводом оправити. А млын будет ли скажон, тот же, хто будеть сказил, знову своим накладом збудовати, а если бы не хотел будовати, а был бы о то знову позван, тогды маеть на нем заплата пенежная сказана быти водлуг важности оного будованья и пожытку, на што довод учинен будеть. А вряд заразом, без складанья року, маеть за то отправу на виноватом учинити.