Библиотека литературы Древней Руси. Том 13 (XVI век)
- Автор: Коллектив авторов
- Серия: Библиотека литературы Древней Руси #13
- Год: 2005
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 13 (XVI век)». Краткое содержание книги:
Человек некый земледелецъ, Иоан именем, житие имыи в Золотице-реке,[276] отстоит от Соловецского острова яко 60 верстъ. Сему случися болезнь очная, тяжка зело, бысть даже до года, дондеже и свет очию погуби. Отнюд ничтоже видя, прочее ногама ходя и руками осязая, водим бываше человекы. Сей слыша многа чюдеса бывающа у гроба преподобнаго Зосимы, началника соловецьскаго. Нача молити некыя от тамо живущих, яко да везут его на Соловкы къ Всемилостивому Спасу и Пречистей Богородици и целбоносному гробу богоноснаго отца. Они же умильшеся на нь, взяша его с собою в манастырь.
Приводят его к некоему старцу от живущих ту, дабы ѝ научил како помолитися, бяше бо простъ поселянин. Старець же веде его к священнику, егоже неделя, и повеле дати на молебен и на службу. Священнику молебная съвершающу, старець отводит слепаго ко гробу преподобнаго и рече ему: «Молися прилежно Господу Богу и преподобному Зосиме, да некли милостив ти будеть Богъ, молитвами святаго, и получиши желаемое». Слепый же все сътвори по повелению старца.
Божественей службе съвершаеме, оному же стоящу у гроба святаго въ велице умилении, съ многы слезами молящуся и лицемь к земли прекланяющеся, — абие милость Божиа последова, и слепому сладкый свет даровася. Он же начат велиимь гласом хвалити Бога и святому благодать исповедая. И вниде в трапезу человек той, и с братиею яст и пит веселяся; заутра бе слеп, ныне же прозрачно видит!
Идущу же ему посреди монастыря, ненавидя искони добра враг вложи в сердце его, яко не молитвами святаго прозре, но тако просто болезнь отиде. И паки мрак наиде на нь, ничтоже видя. Он же, въскричав, начат осязати пакы, яко же и преже. Взятъ же быв некым и отведен к тому же старцу. Старець же той, искусен сый, въпроси его: «Что ты помысли о себе, егда прозре?» Болный же, срамом побежен, утаив вещь. Старец же прилежно въпрошаа, он же едва в чювство прииде своего маловериа, начат каятися старцу, яко: «Помысли лукавии сътвориша ми се! Сия же ми помышляющу (конец моему неверию!) — казнь приях от Бога и от преподобнаго Зосимы: в той час ослепох». Старец же, тазая его досадителными словесы, глаголаше: «Окаянне и страстне! Как дерзнул еси таковая помыслити о святем — и прогнева Господа и преподобнаго! Ныне же даю ти съвет на ползу: аще хощеши помилован быти, иди къ гробу святаго и плачися о своем безумии, моляся Богови и святаго на помощь призывая, да некли помилует тя Господь молитвами преподобнаго, и отпустит ти съгрешениа!»
Он же, шед в гробницу, нача горко плакати своего лишения и, припадая пред гробом святаго, с многыми слезами каяся о своем зломыслии. Братии всей плачася, еже молити за нь, и исповедаяся Господеви прилежно в сокрушении сердца умиленною душею, якоже пишет въ Книзе Псаломстей: «Сердце съкрушено и смирено Богъ не уничижит».[277] Умилосердися убо Всемилостивый и незлобивый Владыка Христосъ молитвами угодника своего, дарова ему в той час пакы прозрети. Он же изыде из гробници светел очима и здрав всеми чювствы, много благодарив Господа и Пречистую Богородицу и великаго в чюдесех преподобнаго Зосиму, свое же безумие укаряя и маловерие; и достоверен быв проповедник чюдесем святаго, понеже сам искусись не поношати святым, но тепле молитися.
Некый юноша именем Анфим прииде из Новаграда с некым купцем в Поморие купля ради в зимное время. И обиташа въ Шуи-реце на брезе моря. Приспе же тогда вешнее время. Люди с места того хотяху итти на добыткы на море на веснование.[278] Въсхоте же и тъй Анфим с ними итти на промыслъ. Таже поплыша в судех по обычаю. Богъ же дарова им угодно плавание, достигоша до онех местъ, идеже имать обычай зверь восходити. Они же велми много яша звери добытка, кождо на свою часть, юноша же той в заговоре с некиим человеком тамо живущих, и поплуша въсвояси в велице гобзавании веселящися.
Принесе же их ветръ к Соловецскому острову. Бе же обычай манастыря того, по грамоте великого князя жаловалной: аще кого прикинет ко острову з добытком, игумен з братьею того манастыря от всякого добытка емлют на монастырь десятое.[279] Послаша же к ним единого старца имянем Пахомия. Той же рече имъ: «Дайте нам, чада, десятину от добытка вашего, якоже обычай содержит». Они же не хотяху дати десятины, отвещаша тако: «Дадим мало нечто, еже обещахом дати Николе на молебен». Той же юноша Анфим скоро притек, рече старцу: «Азъ, господине, от своего добытка дам десятую часть». Старець же благослови его, рек: «Богъ, чадо, исправит добрую твою мысль». Место же то от манастыря тринадесять верстъ, идеже присташа.
276
Золотица-река — деревня на Летнем берегу Белого моря, в устье реки Золотицы, впадающей в Онежскую губу (следует отличать от одноименной деревни Золотицы на Зимнем берегу).
277
...«Сердце съкрушено и смирено Богъ не уничижит». — Пс. 50, 19.
278
...хотяху итти на добытки наморе на веснование. — «Беснование» — весенний промысел тюленей, в основном серки, на льдинах в Белом море, который обычно начинался со дня св. Евдокии (1 марта).
279
...по грамоте великого князя жаловалной... емлют на монастырь десятое. — После покорения Великого Новгорода Москвой великий князь Иван III дал игумену Феодосию жалованную грамоту (в 1479 г.), в которой подтвердил права монастыря на все Соловецкие острова («по старине»), а также право на получение «десятины» от охотников и рыболовов, приходящих на Соловецкий остров на промысел.