Библиотека литературы Древней Руси. Том 13 (XVI век)
- Автор: Коллектив авторов
- Серия: Библиотека литературы Древней Руси #13
- Год: 2005
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 13 (XVI век)». Краткое содержание книги:
Слово о создании жития основателей Соловецкого монастыря Зосимы и Савватия
Ведомо да будет о сих началникох соловецскых, како житие их начало приат написанию. Азъ, многогрешный и неключимый ни в коемъ же деле блазе и грубый разумом священноинок Досифей,[287] ученикъ блаженаго Зосимы, пребых у него и до скончаниа его, скутах и погребох честное и трудолюбное тело святаго, и елика очима видех и слышах от честных его устъ, сие и предах писанию.
По преставлении же государя своего преподобнаго игумена Зосимы пребых у его спутника у старца Германа в келии. Бе же той Герман пришедый прежде со преподобным Саватием. И поведа ми вся яже о преподобнемь — бывшее житие и отчасти чюдес. Но азъ, грубый смыслом, недоумевах сие удобрити, но толико памети ради написах, да не в забытии будет такова праведнаго мужа житие. Потом же начах въпрашати старца Германа о блаженем Зосиме: како прииде с ним на остров и како при животе преподобнаго чюдодействоваша святыя его молитвы и кая суть до нашего пришествие къ старцу съдеяшеся чюдеса. Сиа вся написах памети ради и сим ползовахся.
Бе же той Герман от простых человекъ, не учився Божественному Писанию, но тако просто поведааше святых житиа и чюдеса. Азъ же, неразумный, како слышах, тако и написах, не украшая писаниа словесы, понеже груб сый и невежда, но точию памяти ради писах. Братиа же — овии любяще писанная мною, а иныи глумящеся о написанных и въ смех сиа полагааху.
Прииде же некий священноинок именем Иосиф з Бела-езера тамошних манастырей и пребысть у нас время немало въ обители Соловецской. И той испроси почести житиа святых, и удержав в келии у себя много время. И пакы отиде въсвоями, и житие святых, написаное Германом, с собою увезе. Мы же остахом бес паметий о житии началником, понеже Герман преставися.[288]
По времени же послан бых игуменом и братиею на службу в Великий Новоград. И приидох къ архиепископу Генадию[289] благословитися от него. И благослови мя, и начат въпрашати многими словесы о ведании места, и о устрои манастыря, и о началникехместа того и манастыря, како и от кого зачатся. Азъ же, елико помня, вся подробну поведах архиепископу. Онъ же рече: «Напиши ми, брате, о житии и о чюдесех началников манастыря вашего вся сиа, еже ми еси поведал». Азъ же отвещах: «Господи архиепископе, человекъ есмь груб естеством, на сие дело не доволенъ, како добре изложити». Архиепископъ же рече: «Елико Богъ вразумит тя, напиши. Веру бо имам к началником манастыря вашего, понеже Саватие, началник вашь, старець ми был,[290] азъ у него в послушании бых немало время и вем достойна житием старца, велика и свята. Ныне же благословляю тя: иди и напиши». И так, понужен бых от архиепископа, приах благословение, испросихся у него писати в манастыре и к нему привести.
И седох в келии уединясь, и понудив себе, елико возмогъ, прострох грубую си десницу и, колико въспомних, вся написах, Богу поспешествовавшу ми, молитвами преподобных отець Саватия и Зосимы. Написание же держаах у себя и помышлях: «Како везти ко архиепископу? Стыжуся, понеже истинну написах, но удобрити якоже бы сложно недоумехся». И о семь размышлях: «Како бы изообрести такова человека, могущаго украсити якоже подобает?»
Послан же бых игуменомъ и братиею къ осподствующему граду Москве о потребах манастырскых. И на пути прилучи ми ся быти на Беле-езере в манастыри Ферапонтове.[291] И приидох тамо благословитися к некоему старцу — мужу добродетелну, вь всех исправлениих пребывающу и премудростию разума украшену, Спиридону именемъ, бывшему митрополиту Кыевскому. И той начат въпрошати мя о острове Соловецском, и о создании манастыря, и о началникех. Аз же поведах ему все подробну, и начах молити его о изложении житиа преподобных; и показах ему свое грубое писание, понеже бе муж мудръ, измлада извыче и добре умея Божественая Писаниа — Новая и Ветхая. И, Божиа ради имени, не отречеся понудити старость свою: изложи и написа добре, якоже подобно въ общую ползу хотящим спастися и ревновати сих преподобных житию. Азъ же, грубый, возрадовахся зело, яко сподоби мя Богъ изъобръсти такова благоразумна старца, яко желание сердца моего исполни и недостаточная наверши.
Сиа же везох ко архиепископу Генадию. Онъ же почет и похвали зело, и начат блажити мя, глаголя: «Како ты, брате, селико имы разума и отрицаешися святых житие писати? Се воистину добро!» И рекох ему: «Прости мя, владыко святый, не мое се творение!» И поведах вся пореду, како и от кого сътворена суть. Онъ же рече ми: «Благословенъ ты от Бога, чадо, яко такова благоразумна мужа обрете! Сий человекъ в нынешняя роды беяше столпъ церковный, понеже изъмлада извыче Священная Писаниа и чюден бяше старець житиемъ, многолетными сединами украшен».
287
Досифей — игумен Соловецкого монастыря, ученик преп. Зосимы, автор его Жития, один из создателей Соловецкой библиотеки (вложивший в нее 46 рукописных книг). Скончался после 1514 г. По-видимому, в конце жизни подвизался в затворе.
288
...понеже Герман преставися. — Преподобный Герман скончался в 1479 г. в Новгороде, в монастыре св. Антония Римлянина, куда был послан игуменом Арсением по нуждам Соловецкой обители. Ученики Германа везли тело его в Соловецкий монастырь, но из-за распутицы вынуждены были похоронить его у часовни в деревне Хаврониной на реке Свири. Через пять лет, при игумене Исайе, мощи его были обретены и перенесены в Соловецкий монастырь.
289
И приидох къ архиепископу Генадию... — Геннадий (Гонозов) — архиепископ Великого Новгорода и Пскова (1484—1504), скончался в 1505 г. в Чудовом монастыре. В юности был учеником преп. Савватия, а в конце своей жизни благословил священноинока Досифея написать Жития Зосимы и Савватия Соловецких. Архиепископ Геннадий известен как составитель первого на Руси полного кодекса библейских книг, а также как борец с антитринитарной ересью так называемых «жидовствующих». Архиепископ Геннадий причтен церковью к лику святых. День его памяти празднуется 4 декабря.
290
...понеже Саватие, началник вашь, старецьми был... — Старец — опытный монах, имеющий дар духовного рассуждения, которому вверяется в послушание новоначальный инок для усвоения дисциплины монашеской жизни.
291
...на Беле-езере в манастыри Ферапонтове. — Ферапонтов монастырь был основан сподвижником Кирилла Белозерского преподобным Ферапонтом в 1398 г. В 1502 г. соборную церковь Ферапонтова монастыря расписал знаменитый иконописец Дионисий с сыновьями.