Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 17
По смерти отцов и маток и иных кровных и близких, их детей и потомков и близких дедичства, спадку, выслуги и всякого набытья не отдаляти и о спадку на нас, господара, по безпотомных.
Теж уставуем, иж по смерти отцов и маток дети их, сынове и дочки от отчизны и матерызны не мають быти отдалены. Але они сами и их щадки властные кровные и близкие правом прирожоным и слушне набытым звычаем стародавным и теж статутом первым и теперешним мають посегнути и одержати и тые добра на пожыток свой оборочати вечными часы. А то ж се теж будеть розумети о близкостях, спадкох, выслугах и всяком набытью подлуг права, а то тым обычаем: естли бы было колько братьи, сестр рожоных, выданых або не выданых замуж, а тые бы братья межи собою отчизною и куплею, которые се в отчизну им оборочати мает, поделилисе, або еще и не поделилисе, а который бы з них умер, не зоставившы по собе плоду, тогды его часть отчизны и купли только на братью приходить и на их потомство, а на сестры — только выправа с четвертое части всякого именья отчизного и купленого, и то естли бы которой перед тым з них замуж по смерти отцовской идучи от тое братьи не была дана. А естли бы была материзна, тогды мають братья з сестрами ровно поделити межы собою. Пакли бы пан бог допустил, жебы оные братья померли вси, а в жадного потомства по них не зостало, а хотя ж бы и было, а потом се звело, тогды оная вся отчизная и всяким обычаем набытые именья, засе на сестры и на их потомства спадывають. Нижли естли бы еще также пан бог допустил, жебы оных братей и сестр, ани их потомства и щадков не зостало, тогды оная отчизна их вся, также всяким обычаем слушне набытые именья и маетность маеть на близких спадывати, которий ест наблизший до отчизны, до матерызны наблизшие по мечу водлуг того ж поступку. Так же теж и материстое маеть спасти на тых, которые будуть до материстого именья наблизшие по матце оных змерлых, естли бы через них кому слушным записом не было заведено, — кроме тых, которые без потомков, близких щадков и наследков своих зомруть, ни на кого права своего прирожоного, выслужоного и набытого не влившы и не записавшы, бо по тых и таким обычаем именье спадком на реч посполитую и на нас, господара, великого князя и потомков нашых, великих князей литовских, приходять и приходити будуть.
Артыкул 18
О неданью достоенств, врядов людям народу простого.
Теж простых людей не повышати над шляхту, ани на достойности их прекладати и врядов наших простого народу людем давати не маем, але шляхте, кождому рицерскому чоловеку и тутошнего паньства, великого князства литовского, родичом и в том паньстве оселым. Мы з ласки нашое, господарское, за годностями и службами их нам, господару, и речи посполитое обецуем их достойностями и вряды опатровати и до служб нашых на двор наш приймовати, яко верных подданых нашых.
Артыкул 19
О выводе шляхетства за примовою.
Уставуем теж, естли бы хто кому рек, жебы не был шляхтич, тогды тот, хто се выводить, маеть поставити з отца и матки по двух шляхтичов прирожоных, то ест двох з отца и двох з матки кровных, и на том им поприсегнути, иж их ест природный а правдивый шляхтич. А пакли бы се род звел, а он бы был тутошнего паньства нашого тубылец, тогды бояр, шляхту околичных маеть поставити двух шляхтичов, которые мають при нем присегнути, же он ест з роду шляхтич. А по таковом выводе приганеный при шляхетстве зостанеть, а тот, который приганил, маеть за таковую неповстегливую мову свою седети в замку або в дворе нашом судовом дванадцать недель, а сторону противную совито навезати.
Артыкул 20
О понятью через шляхтича нешляхтянки и потомстве таких людей.
Пакли бы который шляхтич нешляхтянку собе не ровную понял, тогды як тую нешляхтянку, жону свою, так и дети свои, з нею набытые, собою и шляхетством своим ушляхтит. И таковые жоны и дети их за правых шляхтичов быти мають. А вед же естли бы таковая невеста, бывши за шляхтичом, и засе бы потом пошла за простого человека, а не за шляхтича, тогды тая засе учтивость шляхетскую тратить и в таковом стане быти маеть, яко муж ее, за ким в тот час будеть. А детем тым, которые с першим своим мужом шляхтичом мела, то предсе шкодити не будеть, только бы ремеслом а шинком се не живили и локтемь не мерили. А вед же и таковый, естли бы шинк и ремесло местское и хлопское покинул и опустил, а поступков шляхетских и рицерских наслядовал , тогды предсе за шляхтича почытан быти маеть.
Артыкул 21
О чужоземцу, наганеном о шляхетство, и о набытью через него оселости.
Теж естли бы которому чужоземцу хто наганил на шляхетство, тогды маеть ехати до земли своее, откуль ест, и там перед врядом вывести шляхетство свое, а з уряду под их печатми лист принести, которим тут шляхетства своего маеть довести. А естли бы валька с тое стороны была, откуль он ест, тогды маеть поставити двух особ, правдивых шляхтичов, с тое ж стороны своее або тутошних, бывалых в той земли, которые бы были шляхетства его сведоми, а тые мають также при нем присегнути, иж он ест шляхтич. Таковым обычаем чужоземцу вывод шляхетства будеть. А кгды вжо тот приганеный выведеть шляхетство свое, тогды тот, который ему приганил, якого кольвек стану будеть, маеть шкоду и наклад, на чом тот, хто се вывел, присягнеть, ему заплатити. А пакли бы который чужоземец, приехавши до здешнего паньства нашого, купил и яким кольвек слушным обычаем набыл собе именье шляхетское, а хотел волностей шляхетских уживати, тогды первей маеть указати перед врядом тым, где купил именье, если ест правдивый шляхтич. А где бы того не показал, тогды, хотя именье купит, предсе з волностей шляхетских веселитисе и их уживати не маеть и под хоруговю заровно з шляхтою стояти не маеть. Але близкие мають его з того именья шацунком, в сем статуте нижей в артыкуле о отправах речей сужоных описаным, скупити и службу земскую з него служити. А предсе достоенства и врядов держати не мает, хотя бы и шляхтичом был. Также се маеть розумети и о тубыльцу нешляхтичу.
Артыкул 22