Статут Великого княжества Литовского 1588 года

Артыкул 29

О вызволенье от платов новых, от подвод, будованья замков и мощенья мостов, так теж и о стацыю по дорогах.

Иж теж привильями давными продков нашых, королей их милости и великих князей литовских, вси посполитые люди тяглые и мещане, подданые княжат, панов хоруговных, шляхты и бояр, обывателей паньств нашых, земль великого князства литовского, от кождое дани, податку, серебщизн и всяких поборов без доброволного самых панов их зезволенья и уфалы сойму валного и теж от дякла и ото всяких беремен повозовых, которые подводами зовуть, и от даванья стаций про нас и теж послов и гонцов наших, также от воженья каменя, дерева або дров ку паленью плиты и вапна на замки наши, от кошенья сена и от всякое сторожы и ловов, также от будованья и поправованья замков и мощенья мостов и от иншых робот выняты суть. А некоторые подданые кязьские, паньские и шляхетские з именей их по сесь час обтяжени бывали роботами замков, станов, што уколы называно, также даваньем стацей и подвод про нас, господара, и теж даваньем стацей под послы и гонцы наши и робеньем а направованьем мостов. Прото мы, господар, всих обывателей паньства нашого, великого князства литовского, и земль, к нему належачых, руских, жомоитских и иных, до однакое ровное вольности приводечи, всих подданых князских, паньских и шляхетских от верхупомененых и яким кольвек именем названых потеглей и повинностей от сего часу на вси потомные часы выймуем и вызволяем вечными часы, кроме мещан и подданых наших, господарских, абы тые водле стародавного обычаю яко подводы и подыймованье стацыями на станех, на местцах звычайных нам, господару, послом и гонцом нашим, так теж мосты и замки на дельницах своих поправовати водле звычаю своего повинни были. Вед же мещане и подданые князьские, панские и шляхетские подводы под послы и гонцы наши водле звыклого обычаю давать будуть повинни. А што ся дотычеть отправованья замков, замков  и мостов старых и знову будованья, где до сего часу подданые шляхетские направовать и будовать были повинни, то маеть быти опатрывано з мыт новоподвышоных, што особливою констытуцыею соймовою варовано будеть, яко в констытуцыи на унии сойму любельского о земли Волыньской, Подляшской и Киевской ест описано. А мосты в добрах, столу нашому належачых, где бы потреба указовала будовать, то также маеть быти опатровано поддаными нашими. И мостовое становено быти маеть, яко в артыкуле двадцать девятом розделу первого шляхте около будованья мостов в именьях их ест доложоно. А где бы которий староста або державца, городничий и мостовничи наш альбо наместник и слуга которого з них подданых шляхетских примушал в том, до тых робот не повинных и сим статутом вызволеных, догажаючи в том пожытку своему, тогды кождый таковый, хто бы то учинил, маеть быть припозван до суду належного водле артыкулу шестьдесят семого в розделе четвертом. А за доводом правным вины двадцать коп грошей будеть повинен оному укривжоному шляхтичу заплатити и шкоду совито оправити. Так теж кнежата, панове рады, воеводове, старостове и нихто з шляхты, ездячи по дорогах от именья до именья своего, у войску и на замки украинные, именьям шляхетским и их подданым не мають шкодити и стацый и подвод брати, але собе, слугам и конем своим за пенези водле торгу ценою живность куповати будуть повиньни. А хто бы над сюю уставу што учинил, тот так же, яко верху описано, маеть быти позыван, а за переводом правным стороне жалобливой также кгвалту двадцать коп грошей платити будеть повинен, а шкоду совито оправити за слушным доводом повинен будеть.