Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 10
Абы шляхтич безправне не был иман.
Теж уставуем и вечными часы то мети хочем мы, господар, и потомки наши, иж все рыцерство, шляхту великого князства при волностях их звыклых, которые от нас, господара, и от продков наших им суть наданы, будем повинни заховати и держати. Теж кождый шляхтич оселый, подле права не позваный и не поконаный правом, от нас, господара, и от жадного вряду иман и в везенье сажон быти не маеть, окром причин, в инших артыкулех сего статуту помененых.
Артыкул 11
Абы панове шляхту о почстивости их сами не судили.
Теж уставуем, иж княжата и панове рада нашы и шляхта и теж кождый з рицерства нашого, которые шляхту нашу у себе служебниками ховають, не мають их сами о почстивость судити, кромя нас, бо тот суд никому иному не належить, одно нам, господару. А што се дотычеть злодейства, забойства, кгвалту и инших выступков тому подобных, естли бы, служечы которому пану, кому иншому, также и самому пану своему што зашкодил, о то волни будуть панове их, засадивши при собе шляхту, людей добрых, справедливость с такового чинити. А в чом бы был хто с права поконан, тогды тот маеть за выступок свой терпети и каран быти, бы теж и горлом. Вед же апеляцыи поступком сего статуту на обедве стороне, так поводовой, яко и отпорной, до суду головного не маеть боронити. А в кождой таковой справе маеть быти складан рок за чотыри недели для того, абы тот слуга обжалованый родичов або приятель своих ку тому праву способити мог. А в меньших речах, где о горло и о плаченье сумы пенежное, также о седенье не пойдеть, волно будеть кождому пану слугу своего водле выступу его судити и с права карати.
Артыкул 12
Около недаванья чужоземцом достоеньств и врядов всяких, а приходнем з инших паньствах и оселости не давати.
Также мы, господар, обецуем и шлюбуем под присегою нашою, которую учинили есмо великому князству литовскому и всим станом обывателем его, беручи то из статуту старого, короля его милости Жикгимонта Першого, тому паньству, великому князству литовскому, даного, а в сесь укладаючы и на то позволяючы, што ж в том паньстве, великом князстве литовском, и во всих замлях , ему прислухаючих, достойностей духовных и светских, городов, дворов, кгрунтов, староств, держав, врядов земскихь и дворных, посесый або в держанье и поживанье и вечностей жадных чужоземцом и заграничником, ани суседом того паньства давати не маем. Але то все мы и потомки нашы, великие князи литовские, давати будем повинни только литве, руси, жомойти — родичом старожитным и уроженцом великого князства литовского и иных земль, тому великому князству належачых. А хто з чужоземцов, заграничников и суседов того паньства и всих земль, ему прислухаючых, важил се што с того упросити, взяти и в держанье прийти, а, упомененый будучы, того заразом не пустил, тогды маетность его вся маеть быти взята до столу и скарбу нашого, великого князства литовского. Ведь же и тубыльцом, хотя и родичом великого князства литовского, достоеньства и вряды всякие мають быти даваны добре значным и правдиве незмышлене в том воеводстве або повете оселым. А хотя бы хто обчого народу за свои заслуги в той речы посполитой пришол ку оселости з ласки данины нашое або которым иным правом, тогды и таковый только оселости оное уживати маеть, учинивши первей присегу по взятью оное оселости на першых рочкох кгродских оного повету перед врядниками земскими або кгродскими того ж повету, которие на он час там прибыти могут, иж маеть быти верным и зычливым тому паньству, великому князству литовскому, так, яко и тубылцы, и служечи службу земскую тому ж паньству. Але и таковые на достоенства и всякие вряды духовные и светские не мають быти припущани, ани от нас, господара, установлены, чого печатары и писары наши с повинности своее постерегати винни будуть.
Артыкул 13
О захованью в целости достоеньств и всяких врядов того паньства.
Теж обецуем и хочем вечными часы мети, абы панове рады наши, яко духовные, так и светские, и вси иные врядники наши земские и дворные в том паньстве нашом, великом князстве, были во всяких достойностях и учстивостях захованы водле давного обычаю и кождый подле зацности местца своего. А што се дотычеть владности и справ их судовых, в том се они мають заховати и справовати, яко которому вряду здавна замероно и в сем статуте описано ест.
Артыкул 14
О неотниманью достоеньств и врядов на заочное обмовенье.
Теж уставуем, иж достоенств всяких врядов, староств, держав, тивунств на справу чию ж кольвек на обмовы заочные мы и потомки нашы не маем отнимати. Але коли бы который з урядников нашых был роспрошитель або шкодник наш и дворов нашых и до нас бы в том обмовен и обвинен был, тогды обоя сторона, як тот, хто ведеть, так и на кого менить, мають перед нами очевисто за мандатом стати, а мы с паны радами нашыми великого князства литовского, выслухавшы их и розезнавши тую реч, винного подле выступу его маем карати. А безвинне и без права на заочное поведанье не будем ни в кого врядов брати, ани их з них рушати.
Артыкул 15
О держанью старых устав, а новых без сойму вального не уставляти.
Теж прирекаем вси привилья земские стародавные и ново от нас даные, вольности и звычаи добрие стародавные ховати и ни в чом того не нарушати, а нового ничого не вставляти. А ведь же была ль потреба што нового прибавити ку доброму речы посполитое, тогды и того не маем чинити, ани устав жадных делати, али ж на вальном сойме з ведомостью и порадою рад наших и призволеньем всих станов, сойму належачых.
Артыкул 16
О вольности выеханья с панств наших до инших паньств хрестиянских, кром земль неприятелских, и о опеках таких именей.
Теж узычаем и уфаляем вечными часы, абы княжата и панове хоруговные, шляхта и кождый чоловек рицерский и всякого стану того паньства, великого князства литовского, мели вольность и моц выехати и выйти с тых земль наших, великого князства, для набытья наук, в писме цвиченья и учинков рыцерских и теж будучи неспособного здоровья своего для лекарств до всяких земль и сторон, кромя земль неприятелей наших, с ким бы тое панство нашо на он час валчило. А вед же так, абы з ыменей их под тым часом а в небытности их самых службы наши земские не были омешканы, але нам и потомком нашим, яко и при них были завжды, только илекроть бы потреба указывала, подле уфалы и уставы земское были заслугованы. А естли бы сын поехал по рыцерстве, а отец в дому зостал, а в небытности его отец бы умер, а не оставил бы по собе другого сына дорослого або опекуна, або близкого кровного прирожоного в ыменьях, тогды маем мы, господар, а в небытности нашой в том панстве — вряд наш земский судовый мает опекуна, чоловека доброго, ростропного, цнотливого, побожного и добре в том панстве и в том же повете, где тые именья лежать, оселого, на таковые именья установити, хто бы з них службу земскую заступовал и именья от кривд и шкод боронил и у права отповедал водлуг артыкулов, нижей о опекунех доложоных. А кгды тот з чужих земль приедеть, маеть именье и маетность свою до рук своих взяти, яко власность свою, а тот опекун маеть се в той опеце справовати и личбу з опеки своее чинити так, яко и кождный иный опекун водлуг науки сего статуту. А будеть ли тот, мешкаючый в чожой земли, хотел кому иншому тое именье пустити або в опеку злетити, то ему волно будеть. А тот перший опекун и ку тому заховатисе маеть, яко вышей описано.