Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
О неданье пенезей на роты станом, нижей описаным.
Уставуем, иж часу войны, которая бы з уфалы соймовое рушеньем посполитым отправовала, не маем воеводам, старостам и державцам украинным на тые замки, где староства и державы мають, на роты давати, але з своими властными почты, з врядов их повинными, там зоставати мають. А вед же тот замок ротмистрами и людом служебным водле потребы опатровати маем, которые ротмистры под владзою и справою того старосты и дерьжавцы быти мають. Вед же не уймуючы владзы гетмана великого ни в чом, кгды ж не одно ротмистрове, але и сами старостове украинные часу войны под владзу и послушеньство гетманьское належать. А естли быхмо потребовали которого с тых воевод, старост и державец до поля, того нам звести оттуль и пенези на служебные дати ему волно будеть.
Артыкул 25
О блюдяги на войне.
Уставуем и так то мети хочем, абы кождый у войску нашом в тягненью не смел коня блудяги держати у себе болш, толко через ноч и день, але по том часе замероным маеть его заразом вести до гетмана нашого литовского. А естли бы гетман далеко был, тогды до старшого своего, а он того ж часу маеть до гетмана отослати. А хто бы блюдягу держал далей, нижли через тот час помененый, таковый того коня повинен з навезкою вернути. Так теж и кождую реч, знашодшы, нести до гетмана. А гетман наш маеть казати от блюдяг болшей не брати, толко от коня грош, а о иншые речы в обозе гетманьском закликати и тое, што нашол, маеть до вряду гетманьского отдати, а уряд гетманьский тому, чие што будеть, маеть казати отдати дармо.
Артыкул 26
Яко войне повинные далеко у войску от гетмана становитися мають.
Уставуем теж, абы нихто не смел далей мили от гетмана нашого у войску становитисе, але так, яко им водле часу и потребы гетман роскажеть.
Артыкул 27
О завстегненью бранья живности через людей свовольных.
Кды бы хто с подданых наших якого кольвек стану, менуючисе людьми служебными, жолнерми, без листов наших або гетмана великого здешнего паньства на лежы се где в панстве нашом, великом князстве литовском, положил и там, на том лежы або дорогою тягнучы, живность дармо або уставою брал, шкоду якую чинил, а был бы где близко пан гетман великий того паньства, великого князства, тогды такий маеть быть позван перед пана гетмана на короткий час, яко бы мог с того местца до пана гетмана переехать, и окажеть ли се то с права перед гетманом, тот мает быть за то каран водлуг зданья гетманского, а живность браная або шкода якая учиненая з совитостью з статку маетности его маеть быть укривжоному плачона. А естли бы пан гетман далеко был и отсягнуть его укривжоному трудно было, ино таковый своволный маеть быть от укрывжоного позван перед вряд кгродский на короткий рок, яко бы мог зьехати. А где бы был неоселый, тогды маеть быть поставлен ку праву перед оный же вряд кгродский. И кгды там ку праву притягнен будеть и з розсудку врядового винен зостанеть, маеть сужон и каран быти, яко збойца и лупезца, а шкоды з совитостью зь статку маетности его отправлены быти мають. А естли бы перед гетманом або врядом кгродским не стал и того се не справил, ино пан гетман або вряд кгродский маеть такого выволать и дати о таком по всей земли на врядех листы своими знать, абы был пойман и там так каран, яко вышей описано.
Роздел третий. О волностях шляхетских и о розмноженью великого князства литовского
Артыкул 1
О розмноженью великого князства литовского.
Мы, господар, обецуем теж и шлюбуем то за себе и за потомки наши, великие князи литовские, под тою ж присегою нашою, которую есмо учинили всим обывателем всих земль великого князьства литовского, иж тое то славное панство, великое князство, и вси земли, ку нему здавна и тепер належачие, в славе, тытулех, столицы, зацности, владзы, можности, росказыванью и в инших всяких належностях и прислухиванью и теж в границах ни в чом уменшивати и уимовати або понижати не маем. И овшем ещо всего того примножати хочем и будем. И хотя бы пан бог з ласки своее светое нам, господару, узычити рачил паньства иного, або и королевства, тогды предсе сего панства нашого, великого князства литовского, князей, панов рад, духовных и светских, и всих врядников земских и дворных, шляхту, рицерства и всих иных станов ни в чом не понижати, але от всякое легкости и пониженья стеречы и боронити будем с помочю божою, стараючисе о примноженье и вывышенье того паньства и всих достойностей, оздоб и пожитков з наболшою пилностью и усилованьем нашым.
Артыкул 2
О волностях шляхетских.
Также мы, господар, обецуем словом нашим за нас и за потомки наши, великие князи литовские, под тым же обовязком нашым, яко вышей у першом артыкуле ест описано, иж всих князей и панов рад, яко духовных, так и светских, и всих врядников земских и дворных, панов хоруговных, шляхту, рицерства, мещан и всих людей посполитых у великом князстве литовском и во всих землях того паньства маем заховати при свободах и волностях хрестияньских, в которых они, яко люди волные, волно обираючи зстародавна и з вечных своих продков собе панов а господарей, великих князей литовских, жили и справовалисе прикладом и способом волных паньств хрестияньских, ровнуючи а однако маючи и тых вольностей уживаючи, з суседы и братьею своею рицерством и иными станы народу коруны польское, а особливе над то при свободах и вольностях на привильях и листех великих князей литовских, продков наших, и от нас им так всим, яко и кождому зособна на достоенствы, вряды, на именья, на люди, на кгрунты и на што ж кольвек даных и што ещо будуть даваных, вперод непорушне и неотменне вечными часы ховати. И хто бы теж што хотя без привильев за отчизным правом и яким кольвек обычаем набытым именей, людей и кгрунтов своих в держанью был за продков наших королей их милости полских и великих князей литовских Владислава, Якгейла и брата его Витолта, Жикгимонта — великого князя, Владислава — Якгейлового сына, Казимира Третего — Якгейлового сына, Яна Ольбрихта, Александра, Жикгимонта Першого и сына его Жикгимонта Августа и Генрыка — за которого кольвек с тых панованья и теж за нашого щасливого панованья, тые сами с потомки и близкими своими и тепер то держати вечне мають и будуть. А о таковых добрах и кгрунтех шляхетских, абы вонтпливость жадная не была, волно завжды зо всими пожитками, которые бы се кольвекь на их кгрунтех показовали, теж и крушцы всякие, и окна сольные зоставати мають. А мы и потомкове наши перекажать им не маем часы вечными вольного уживанья.
Артыкул 3
О захованью в покою всих подданых наших обывателей того паньства з стороны розного розуменья и уживанья набоженьства хрестияньского.