Библиотека литературы Древней Руси. Том 15 (XVII век)

Благочестивый же онъ мужъ сотникъ со благонравною и разумною женою видяше такое незапное на него от диавола нападение и несносное мучение, велми жалеюще по юноше ономъ, но никакой же ему могутъ помощи подати. Бесъ же день от дне на болнаго люте нападаетъ и мучаше его, но и всем предстоящимъ тутъ ужасъ бывает. Господин же дому того, видя над собою такову необычную вещь, паче уведевъ[138], яко юноша той Савва ведомъ и царю, но есть же у нихъ сродница, в дому царском пребываше, и сия помысливъ, немедленно посылаетъ жену свою ко оной сроднице, повелеваетъ ей, да все подробно возвестила бы царю, да «никако бы, рече, Савва в таком зле умретъ, а мы за то истязаны[139] будемъ от царя, за неизвещение наше».

Жена же его, нимало помедливъ, скоро тече к сроднице своей, и вся повеленная от мужа по ряду сказа. Сродница же оная, яко слыша таковыя глаголы, умилися душею, ово бо болевъ по юноше, паче же скорбяше по сродниках своих, да некако и вправду от таковыхъ случаевъ беду приимутъ. И нимало помедливъ, скоро тече из дому своего до полатъ царевыхъ. И внидохъ, по времени донесла царю о семъ.

Царь же, слышавъ о Савве таковы глаголы, рече предстоящимъ, да бываетъ у онаго сотника, у болнаго онаго, повсядневное изменение[140] караулщиковъ. И посылаютца по два караулщика, да надзираютъ опасно[141] юношу онаго от соннаго бесовскаго мучения, да во огнь или в воду никако ввержется. Сам же благочестивый царь посылаше к болящему повсядневную пищу. И егда здравъ болны явитца, повелеваетъ возвестити себе.

И сему тако бывшу, болны немало время в таковомъ бесовскомъ томлении пребысть. И месяца июля в 1 день Савва же необычно от беса мучен бысть.

Заспа мало, и бысть: во сне яко наяву глагола, изливая слезы из очей своихъ, сице рече: «О Всемилостивая Госпоже Дево Владычице Богородице, помилуй мя! Не солгу в сердце, но исполню обещанием, якоже обещахся тебе». Дому же того людие, слыша таковые глаголы от болнаго, зело удивишася, глаголюще, яко видение некое видитъ.

Егда же болны возбудися[142], приступи к нему сотникъ и рече: «Повеждь ми, господине Савва, что таковые глаголы во сне видевъ и кому реклъ еси?» Он же, паки начатъ убо омывати лице свое слезами, глаголетъ: «Видехъ ко одру моему пришедшу жену святолепну, светлостию сияющу и ризу багряну носяще, с нею же два мужа, сединами украшены, во одежде единъ в архиерейской, а другий во апостолской одеяны. И я мню быти жену оную Пресвятую Богородицу, мужей же: единаго же наперсника[143] Господня Иоанна Богослова, втораго неусыпнаго града нашего Москвы архиерея Петра митрополита, их же подобия образъ виделъ. И рече ми святолепная оная жена: Что ти есть, Савва, и что скорбиши? Азъ же реклъ ей: Скорблю, моя Владычица, прогневахъ Сына твоего и Бога моего и тебя, заступницу рода христианскаго, и за то бесъ мучитъ мя». Она же осклабися[144] и рече ми: Како ты можешъ выручити писание свое, еже ты подал самому Диаволу? И аз рекъ ей: Не могу, Владычице, аще не помощию Сына твоего и твоею милостию». Она же ми рече: Азъ убо о тебе Сына моего и Бога упрошу, токмо единъ мой глаголъ исполни: аще избавлю тя от беды сея, хощеши ли инокъ быти? Азъ же молебные глаголы со слезами глаголахъ ей, якоже и вы слышавше. Она же паки рече: Слышиши ли, Савва? Егда убо приспеет[145] праздникъ явления образа моего, еже в Казани, ты же прииди во храмъ мой, иже на площади у Ветошнаго ряду, и азъ пред всемъ народомъ покажу велие чудо». И сия изрече, невидимы бысть».