Библиотека литературы Древней Руси. Том 15 (XVII век)

Оле[89] безумия отрока! Ведый бо, яко никоторое царство прилежитъ в близости к Московскому государству, но все обладаемо царемъ московским. Аще бы тогда вообразилъ на себе образъ креста честнаго, вся бы сия мечты[90] диаволския, яко сень[91], погибли бы. Но на предлежащее возвратимся.

Внегда же приидоша к привиденному оному граду и приближився им ко вратам града, сретают[92] их юноши темнообразни, в ризахъ и поясы украшены златыми, и тщанием[93] покланяющеся, честь воздающе сыну цареву, паче же рещи бесу, такожде и Саввъ покланяющеся. Вшедшим же им во дворъ царевъ, паки сретают инии юноши, ризами блистающеся паче первых, такожде покланяющеся им. Егда же внидоша в полаты царевы, абие друзии[94] юноши сретают ихъ с честию. И диаволом превозходящем[95], воздающе достойную честь сыну цареву и Савве. Вшедшим же в полату, глас бысть Савве: «Брате Савво, пожди мя зде мало. Азъ убо шедъ, возвещу о тебе отцу моему и веду тя к нему[96]. Егда же будеши пред отцемъ моимъ, ничтоже размышляй или убоися, подаждь ему писание свое». И се рекъ, поиде бесъ во внутренную полату и оставилъ Савву единаго. И, помедливъ тамо мало, и приходитъ к Савве и поемъ его и приведоше пред лице царя.

Он же седя на престоле велице, драгимъ камениемъ и златом преукрашен, сам же той славою велицею и одеяниемъ блисташеся. И около его стояща множество юношей крылатыхъ, лица же ихъ овыхъ сини, овыхъ багряны, иныя яко смола черная[97]. Пришедши же Савва пред лице царя онаго, падъ на землю, поклонися ему. Вопроси же его царь: «Откуду пришелъ еси семо[98] и что есть твое дело?» Безумный же Савва подноситъ ему богоотметное писмо свое, глаголетъ, яко «приидохъ, великий царю, послужить тебе». Древний же змий Сатана приемлетъ писание и прочетъ его. Обозреся к темнообразнымъ своимъ воиномъ, рече: «Аще ли прииму сего отрока, не вемъ, крепок ли онъ будетъ намъ или нетъ?» Призвавъ к себе сына своего, Саввина любимаго брата, глаголя ему: «Иди, прочая[99], и обедай з братомъ своимъ». И тако оба поклонишася царю, изыдоша в преднюю полату и начаша обедати.

Неизреченныя благовонныя яди[100] приношаху, такожде и питие, яко дивишася[101] Савва, глаголя, яко «никогда в дому отца моего таковых ядей не вкушахъ или пития испихъ». По ядении же поемъ бесъ Савву и поидоша паки из града царева и изыдоша вон. Вопроси же брата Савва своего, беса, глаголя: «Что, брате, яко видехъ у отца твоего окрестъ престола множество юношей крылатыхъ стояща?» Бесъ же, усмехнувся, рече ему: «Или ты не веси, яко у отца моего мнози языцы[102] служат, персиды, турки, арапы и ины мнози? Ты же не дивися сему и не сумневайся братомъ звати меня. Азъ убо тебе менши братъ. Токмо елико аще реку тебе, и ты во всемъ буди мне послушенъ. Азъ же всякаго добра рад тебе деяти и споможение во всемъ творити». Савва же во всемъ обещася послушенъ быти, и тако уверишася.[103]