Библиотека литературы Древней Руси. Том 13 (XVI век)
- Автор: Коллектив авторов
- Серия: Библиотека литературы Древней Руси #13
- Год: 2005
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 13 (XVI век)». Краткое содержание книги:
В мантии[77] бо и куколе[78] седяше блаженый, и кадилница стояше въскраи его. Келия же бе исполнь благоуханиа неизреченаго. И приступль, рече: «Благослови, отче Саватие, к путному шествию раба своего». Та же приник и видев его о Господе скончавшася.
И стоя помышляя, в себе глаголаше, взирая ко образу Господня иконы: «О Владыко Господи,что сотворю? Которому разумению вдамся? Аще оставлю мощи преподобнаго сего без управлениа, то боюся, Милостиве, а прикоснутися не смею святаго телеси его недостойныма рукама своима, да некако что бедно постражу за недостоинъство мое!» И помену в себе слово Господне, глаголюща кровоточивей: «Вера твоя спасеть тя».[79] И дерзнув с верою велиею, приступив, взять и, възложи на раме свои, яко легкый ерем Христовъ,[80] отнесе и положи посреде часовни и, лобзавь со слезами, изыде.
И в той час прииде игумен Нафанаил к чясовне. Изьявил бо бяше преподобный исход свой от телесе тогда, егда комкаше от руку его Пречистых Тайн Тела и Крове Господа нашего Исусъ Христа! И облобызав честныя мощи со слезами, и начат въпрашати купца о преставлении святаго. Он же сказав вся известно о блаженнем: како прииде прежде еще ему живу сущу; и о всех полезных богодуховных словес, яже наказая и́ учише; и о хотящем быти наказании от Господа — въздуха пременении — како прорече; и како виде его и по преставлении седяще, яко жива.
Игумен же въздохнувъ из глубины сердца, рече: «Слава тебе, Боже, прославляющему святых своих!»[81] И тако, съ псалмы и песнми, честне погребоша святыя мощи преподобнаго Саватия, вдавше персть персти, месяца септеврия в 27,[82] славяще Христа Бога.
По погребении же преподобнаго седоста оба вкупе, Иоан же и игумен, и рече игумен: «Веси ли, Иване, какыя благодати сподобихомься от владыкы Христа, такова свята мужа послужихом погребению?» И начатъ поведати ему о житии святаго на острове и о пришествии со острова, како единъ по морю плавание творя, и яже слыше от устъ блаженаго. Онъ же начат дивитися, глаголя: «Въистинну, господине отче, мене недостойнаго много наказа от Божественых Писании, како жити подобает православному християнину и имети чистоту и целомудрие и милость к ближнему; и како прорече ми святая уста его хотящее быти божие наказание и человеколюбие? И аще бых уведелъ честное его преставление, то никакоже бых отступил от келья сея! Но и о семь благодарю всемилостиваго Бога, яко сподоби мя видети преставльшася земнаго аггела, а небеснаго человека яко жива седяща, и по преставлении, отнести в часовню честныя и трудолюбныя его мощи!» И дасть игумену милостыню доволну.
И тако, чюдящеся, воздаша хвалу Богови, творящему дивная чюдеса святыми своими угодникы, «ихже око не виде и ухо не слыша и на сердце любострастнаго не взыде, яже уготова Богъ любящимь Его».[83]
И разыдошася кождо восвоя, носящи яко съкровище многоценно[84] в домы своя молитвы святаго Саватиа, славяще святую Троицу: Отца и Сына и Святаго Духа, ныне и присно и в веки веком. Аминь.
Благослови отче!
По преставлении же блаженнаго Саватиа минувшу единому лету,[85] хотя Человеколюбец Богъ въздвигнути место оно, да в незабвении труди угодника его изъостанут. И въсхоте болма прославити, идеже преподобный Саватий лета многа препроводивь[86] житиемь чюдным и трудолюбным пребываниемь въ острове Соловецком, якоже преди речеся, по аггельскому речению яже рекоша к жене: «Сие место благоволи Богъ селение иноческаго жития быти». И тако судбамъ Божиимъ изволися и молитвами присвятыа Богородица въздвигнути место то.
Бе некый муж от тамо живущих, в веси Шунга[87] нарицаемо, именем Зосима. Сьй бяше благочестиву и богату родителю сынъ,[88] и измлада възраста нравъ имея аггелъ, детьскых глумлений ошаяшеся отнюд. Прежде бо беста родителя его имуща житие в Великом Новегороде, и тако вселистася въ оной веси близъ моря. Ту убо хотяста житие имети — яко двесте верстъ от моря или множае, тамо бо хотяше Богъ прославити угодника своего.
77
Мантия — монашеское одеяние, накидка без рукавов, которая символизирует всепокрывающую силу Божию, а также строгость и смирение монашеской жизни.
78
Куколь — «шлем спасения», наглавник с несколько остроконечным верхом, покрывающий голову и плечи монаха, символизирующий благодать Божию, покрывающую ум и чувства монаха и охраняющую его от демонов, для чего он обшит пятью красными крестами на челе, на груди, на плечах и на спине.
79
...глаголюща кровоточивей: «Вера твоя спасеть тя». — Мф. 9,22; Мр. 5,34; Лк. 8, 48.
80
...яко легкий ерем Христовъ... — Ср.: Мф. 11, 30.
81
«...прославляющему святых своих!» — Ср.: 1 Цар. 2, 30.
82
...честне погребоша... месяца септевриа в 27... — Согласно «Соловецкому Летописцу», преп. Савватий умер 27 сентября 1435 г.
83
..лихже око не виде... яже уготова Богъ любящимъ Его». — 1 Кор. 2, 9.
84
...яко съкровище многоценно... — См.: Мф. 13, 44.
85
По преставлении же блаженного Саватиа мину вшу единому лету... — «Соловецкий Летописец» сообщает о прибытии преподобных Зосимы и Германа на Соловки летом 1436 г. Однако большинство дат, указанных в «Соловецком Летописце», страдает малой достоверностью. Все они являются результатом позднейших хронологических расчетов составителей «Летописца», время создания которого относится к началу XVIII в.
86
...идеже преподобный Саватий лета много препроводивь... — Согласно «Соловецкому Летописцу» преп. Савватий провел на Соловецком острове 6 лет.
87
Шуньга — одно из древнейших новгородских поселений в Обонежье, расположенное в северо-восточной части Заонежского полуострова. В позднейших редакциях Жития местом рождения преп. Зосимы названо село Толвуй (расположенное в 16 верстах от Шуньги).
88
Сьй бяше благочестиву и богату родителю сынъ... — В позднейших редакциях Жития названы имена родителей преп. Зосимы — Гавриил и Варвара.