Шчаслівай долю назаві...
- Автор: Матяш Нина Иосифовна
- Год: 1990
- Язык: белорусский
- Год: Мастацкая літаратура
- ISBN: 5-340-00468-6
- Жанр: Прочая поэзия
Электронная книга - «Шчаслівай долю назаві...». Краткое содержание книги:
Ёмістасць паэтычнага голасу, шматколернасць інтанацыйнай палітры, па-народнаму яркая, вобразная мова, тонкае успрыманне прыроды, вяртанне да беларускіх нацыянальных традыцый і фальклорнай паэтыкі, разуменне мінулага як падмурка сучаснасці, аптымізм,— жаданне «долю назваць шчаслівай» зусім невыпадковае,— асноўныя рысы творчасці Ніны Мацяш. Імі вызначана і новая кніга.
Перейти на страницу:
Не вернешся. I я ўжо не крануся
Твайго крутога, мужнага чала.
I ласкаю тваёй не загаруся.
Адшчыравала радасці пчала.
Не разамкну няшчаднай скрухі кола.
Не адбаліць табой душа мая.
Не адгучыць ва мне твой сумны голас:
«Галубка, чарнабровая мая...»
Ён мой навекі — скарб пяшчоты гэтай,
Што мне ў суцеху ў смерці вырваў ты.
Хай над тваім апошнім запаветам
Закаркалі ўжо груганы лухты, —
Яшчэ не ўсе так подла, нізка ўпалі,
Каб слаць цару халуйства адрасы;
Яшчэ не ўсіх так моцна закавалі,
Каб зноў не ўзняць сякеры ці касы;
Яшчэ твой воблік родны Беларусі.
Кастусь, мой Костусь, любы мой Кастусе...
1987
Перейти на страницу: