Статут Великого княжества Литовского 1588 года
- Автор: Сапега Леў
- Язык: белорусский
- Жанр: Европейская старинная литература
Электронная книга - «Статут Великого княжества Литовского 1588 года». Краткое содержание книги:
Артыкул 3
По смерти отцовской девки як мають з именья отчизного выправованы быти.
Уставуем: естли бы отец за живота своего выдал одну девку свою замуж, а в том умер, а по собе зоставившы еще колко девок, тогды и тые девки водле опису албо тестаменту его мають быти выправованы, яко будеть им описано, з готовизны зоставленое. А где бы сумы описаное, ани назначоное з готовизны не было, а не мог бы брат так великое сумы по них дати, яко за первшою дано, тогды, ошацовавши четвертую часть именья своего отчизного, ничого с того именья не утрачаючы, и тым сестрам своим выправу ровную всим маеть дати, иле их будеть, окром естли бы брат их розумел, иж четвертая часть именья отчизного болш важности, нижли бы им на ровные части так много, яко первшой сестре, выправы пришло, выносила, то будеть на воли его. А четвертую часть при собе зоставити, а сестрам выправы так много дати, яко отец первшой дал. А шацунок тое четвертое части именья водлуг важности кгрунтов и пожитков его, а не водлуг статуту, естли бы ся стороны сами з собою не згодили, узнаван быти маеть через подкоморого, который з собою маеть мети для уваженья принамней двох шляхтичов.
А пакли бы брат або стрыеве суму або выправу речми рухомыми от оца их або матки, з ее властности поставленую и описаную, утратили, тогды водле опису будеть повинен яко властный долг им отдати и заплатити, а отдавшы або заплативши то, што будеть им от родичов записано, або водлуг сего статуту выправу з ыменья лежачого учинивши, вжо инших скарбов, маетности рухомое, по отцу их зосталое, сестрам своим давати не повинни, и они того пойскивати на братьи своей не будуть мочи. А где бы брат именья отчизные стратил, предся четвертая их часть, сестрам належачая, маеть приходити, и волно им будеть у держачого своих частей доходити.
Артыкул 4
О давности промолчанья посагу.
Уставуем, иж который отец за живота своего выдасть в стан малженьский дочку свою або колко их, а по смерти отцовской тая бы дочка або колко их, менечи, яко бы отец не мел им посагу дати, и хотели бы посагу на брате своем або на детех, потомкох его, пойскивати, тогды таковым девкам, за живота отцовского выданым, ани их детям, потомству, братья и иные близкие никоторого посагу и выправы давати не повинни, кгды ж отец ведал, якую милость и опатрность о добром детей своих мел чинити. Одно ж, естли по смерти отцовской братья сестры замуж выдавати будуть, а посагу пристойного, будь сумы, от оца записаное и зоставленое, або с четвертое части именья, што на часть ее водлуг права ее прирожоного и науки сего статуту, вышей описаное, належати будет, не отдали, тогды о таковый посаг девкам от пошстья их замуж давность маеть быти до десети лет. А которая бы до десети годов о тот посаг не упоминалася, тая вжо о то вечне молчати маеть. А где бы которая, не промолчавшы давности, а сама посагу от братьи не дошедши, змерла, по такое смерти детям, потомком ее, волное мовенье о посаг бабки або матки своее зостанеть, толко б и дети по дошстью своих лет давности, верху описаное, не омешкали.
Артыкул 5
О вдове такой, которая, шедши замуж панною, а по смерти мужа своего вдовою з детми дорослыми зостанеть.
Вдова, которая седить на вдовием столцу, а будет ли веновная от мужа своего, а сынове мають зуполные лета, тогды маеть осести толко на вене своем, а сынове мають припущоны быти ко всим именьям и скарбом отцовским. А естли бы была веновная, тогды маеть быти захована, яко вышей ест описано в артыкуле первшом сего розделу.
Артыкул 6
О вдове такой, которая, шедши замуж панною, а по смерти мужа своего вдовою безплодною зостанеть.
Уставуем: которая вдова, зоставшисе по мужы своем безплодною, а будет ли венована от мужа своего, тогды маеть толко на вене осести, а именья вси мають на ближних спасти. А естли бы не была венована от мужа своего, тогды маеть на третей части именья седети, поки замуж пойдет. И естли замуж пойдеть, тогды близкие мають ей и венець заплатити, яко ест вышей описано.
Артыкул 7
Который бы кольвек оселый и неоселый оженился в Литве.
Теж уставуем, иж который бы кольвек оселый и неоселый оженилсе в Литве, побрал по жене именья, тогды часу войны и кождое потребы великого князьства и против кождому неприятелю того паньства з ыменей жоны своее и з якого ж кольвек набытья достал бы именья в том паньстве, повинен будеть сам особою своею службу земскую военную служити и заступовати, и тым ся не вымовляючи, же ему жона не записала. А хто бы с таковых, яким кольвек обычаем набывшы и маючы именье у великом князьстве литовском и в землях, ему належачих, а войны земское не служил, яко вышей описано, тогды он и жона его тые именья тратить вечне на реч посполитую.