Библиотека литературы Древней Руси. Том 7 (Вторая половина XV века)
- Автор: Коллектив авторов
- Серия: Библиотека литературы Древней Руси #7
- Год: 1999
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 7 (Вторая половина XV века)». Краткое содержание книги:
Но той же зимы побеже князь Василей Ярославичь, шуринъ князя великаго Василиа, в Литву, но бояше бо ся и той того же убийства.
Но той же зимы по малехъ днехъ посла князь Дмитрей владыку рязанского Иону да коломенского владыку Варламиа[201] в Муромъ к детемъ великого князя Василиа, но зовы ихъ на Москву, а ркучи: «Поидите на Москву къ своеу отцу. А что ся стало, ино того уж не воротить. А азъ отца вашего хощу жаловать, а вамъ уделы подаю по вашей воле; а в томъ въ всемъ вамъ имаються владыкы, и ихъже есми к вамъ послалъ». И они же подумавъ и веру имше его словесемъ, но наипаче же святительскым, и рекоша в собе: «Но и аще ли си единъ въсхощет княжити, но и приложитъ зло ко злу, но и аще ли и нас побиет, то воля Господня да буди». И поидоша на Москву по крестному его к нимъ целованию и надеющеся от него обещаное имъ приати. А онъ же ни во умъ сего приа таковаго обещаниа, и ни крестнаго целованиа убояся, и ни святительскыхъ глаголъ усрамися, ни писаннаго въспомяну: «Но аще ли весь мир приобрести, а душу погубити, кака есть полза».[202] И егда же те дети великого князя Василиа приидоша, но онъ же поимавъ их, и яко незлобивыхъ младенець, и пославъ и в той же прежереченый град Углече в заточение. Но и въсхоте быти единъ самодерьжець, а не веды, кому же Богъ хощеть власть дати, тому и дастъ.
Но Богу же о нехъ нечто лучшее прозревъ.
В лето 6954 и взяша князя великого Василиа ис прежереченнаго града Углеча и сь его княгинею и з детми и послаша его в болшее заточение, и неудобь входимо всеми человекы, но еже градъ Вологда, и предъстоящи ему близъ Студенаго моря. Но и тамо ему повелеша жити.
Но той же зимы князь Дмитрей послал посла своего к великому князю Борису Александровичю,[203] а ркучи такъ: «И сталося, брате, в нашей земли, но что же братъ нашь, князь великий Василей, целовал тотаромъ, но что же твою отчину, великое княжение тферьское, да и наши отчины хощет предати тотаромъ.[204] Но и мы же то одумавъ со своею братиею и со всею землею, но великого же князя Василиа поимали. И того ради и тобе възвещаемъ, но да и ты бы еси намъ способьствовалъ по христианстве, но и еще же и по своей отчине».
И князь же великий Борисъ Александровичь в той час посла своего воеводу князя Ондрея Дмитреевича,[205] а веля ему известно опытать о великомъ князе Василии, но и от очию же слезы испущаше. И вдохновенъ бысть милостию Спасителя Бога и въсхоте же стати по своемъ брате по великомъ князе Василии, но якоже Ярославъ[206] такоже и сотвори.
И той же зимы послал князь великий Борисъ на Вологду наместника своего кашинскаго, князя Феодора Шуйскаго,[207] по своего брата, по великого князя по Василиа. А слово же свое рекъ въ слухъ всемъ человекомъ: «Но буди вамъ ведомо, оже нам Богь даст, но хощемъ быти за един, Борис — Василей, а Василей и Борис». И промчися слово то и до Московскиа земли, но слышав же людие, князе и боляре, от великихъ да же и до простых, но иже сих два воеводы но совокупляються, и полетеша же яко высокопарнии орли или яко пчелы на собрание цветовно. От всехъ странъ стицахутья людие в дом Святого Спаса и к великому князю Борису Александровичю, но и онъ же приимаа их, и упокоиваа ихъ, и утешая ихъ, и подмагаше ихъ иже кто чимъ скуденъ, но и писано бо есть: «Ваш избыток во онех недостатокъ будет».[208] Но и всех ихъ отпущаще ко своему брату, к великому князю Василию.
Но и мы же на преднее взыдемъ. Князь же Феодоръ прежереченый Шуйский прииде на Вологду к великому князю Василию, рекый: «Брат твой, князь великий Борисъ Александровичь, повествуетъ: “Брате, князь великий Василей, сталося в нашей земли таково но паче же над тобою, над нашимъ братомъ, но что же и от статиа века и доныне такова беда не бывала. Но и ныне милостию Божиею и твоею любовию ко мъне, моего брата, но послахомъ к тобе, яко свое лице, но чтобы еси шелъ в домъ Святого Спаса и в мою отчину. Имыже помощию Божиею но какова сила, по толику потщимъся по тобе поборствовати”». Но и сие слышав князь великий Василей и въздохнувъ из глубины сердца своего, и прослезися, и рече: «Похвалю убо всещедраго и милостиваго Бога и его пречистую матерь от добродители своего брата, великого князя Бориса, и яко не остави мене въ скорби сей пребывати. Но понеже бо некогда пришедшу на меня дяде моему, князю Юрию, с тымъ же съ своимъ сыном, со княземъ съ Дмитреемъ, изгонивъ мене со стола моего и отечества, и азъ же не обретохъ обителища ни у когоже, но развее в дому у Святого Спаса и у съвоего брата, у великого князя Бориса Александровича.[209] И онъ же преупокоил мя».
201
...коломенского владыку Варламиа... — Участие коломенского владыки Варлаама вместе с будущим митрополитом Ионой в «поимании» Шемякой детей Василия Темного в других летописях не упоминается.
202
...«Но аще ли весь мир приобрести... кака есть полза». — Ср. Лк. 9, 25.
203
...князь Дмитрей послал посла своего к великому князю Борису Александровичю... — Β отличие от комментируемого летописца общерусские летописи (как и Новгородская четвертая) утверждают, что Борис Александрович уже с начала заговора Дмитрия Шемяки и Ивана Можайского знал ο нем и был его соучастником.
204
...твою отчину... да и наши отчины хощет предати тотаромъ. — Об обвинении Василия II в пособничестве татарам, выдвинутом Шемякой, упоминается и в «Повести об ослеплении Василия II», и в Севернорусском летописном своде 1472 года.
205
...князя Ондрея Дмитреевича... — Вероятно, Андрей Дмитриевич Дорогобужский, представитель княжеского рода, служившего в первой половине XV в. тверским великим князьям, а затем перешедшего на московскую службу.
206
...якоже Ярославъ... — Очевидно, имеется в виду киевский князь Ярослав Мудрый, отомстивший Святополку Окаянному за убийство братьев Бориса и Глеба.
207
...наместника своего кашинскаго, князя Феодора Шуйскаго... — Видимо, Федор Юрьевич Шуйский, внук великого князя суздальско-нижегородского Василия Дмитриевича. С XV в. потомки суздальских князей Шуйские превращаются в служилых князей при московском и, как мы видим из Слова Фомы, тверском дворе.
208
...«Ваш избыток... недостатокъ будет». — 2 Кор. 8, 14.
209
...некогда пришедшу на меня дяде моему, князю Юрию... не обретохъ обителища ни у когоже, но развее... у великого князя Бориса Александровича. — Василий II впервые нашел убежище в Твери в 1433 г. после победы над ним его дяди князя Юрия Дмитриевича (отца Шемяки).