Библиотека литературы Древней Руси. Том 9 (Конец XIV - первая половина XVI века)
- Автор: Коллектив авторов
- Серия: Библиотека литературы Древней Руси #9
- Год: 2006
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 9 (Конец XIV - первая половина XVI века)». Краткое содержание книги:
Бе бо тъгда отцю его, брату цареву, умръшу, а матери его дръжащи многа имениа ему. Он же вся та ни во чтоже мняше душею своею, разве единоа веры. Мати же его, слезящи о размысле отрока, и показа ему имениа многа отца его. Онъ же вся та разда нищим татарьскым требующимъ и многа имениа владыце вдавъ.
И утаився всех, акы древний Мелхиседекъ,[102] сынъ царевъ, избежа, велию себе благодать прежде крещениа приобрете, иерей саномъ почтеся, тако и съй отрокъ приа прежде крещениа сице в разумъ. О таковых Богъ в Еуангелии рече: «Мнози будут прьвии последнии, а последнии — прьвии». И прииде съ владыкою в Ростовъ, виде церковь, украшену златомъ и жемчюгомъ и драгым камениемъ, акы невесту украшену. В ней пениа доброгласная, якоже аггельска: бе бо тогда въ церкви святыа Богородица левый клиросъ греческы пояху, а правый русскый.
Слышав же сиа отрокъ, сый в неверии, и огнь възгореся въ сердци его, взыде луна въ уме его, възсиа солнце въ души его, припаде к ногама святаго владыкы и рече: «Господи, святче Божий, азъ размышлях о бозех царевых и о родительскых, и о солнци, и о луне, и о огни — яко тварь суть, а ваша вера права и добра, вашь Богъ истинный. Молю тя, да бых и азъ приялъ святое крещение». Владыка же почти и его и повеле ждати, бе бо размышляа о искании отрока.
И по мале времени царю Берке умръшу. Орде мятущися и искания отроку не бе, крести сего отрока святый владыка[103] и нарече имя ему Петръ. И бе Петръ в учении Господни по вся дни въ святилище у владыки. И преставися святый владыка Кирилъ, и погребоша его честно с песньми; вечная ему память! И приа престолъ святый владыка Игнатий;[104] и нача крыти оловомъ и дно мостити мраморомъ храмъ святыа Богородица ростовскиа, въ Орду ходя, емля оброкы царьскиа. Петръ же, яко навыче у владыкы, молитвы плачевныа дневныа и нощныа приносити къ Богу и непристаннаго поста не оставаяся.
И царьские своеа не преставая утехы: бе выездя при езере Ростовстем птицами ловя. И единою же, ему при езере ловящу, по обычней молитве усну. И вечеру глубоку сущу, и приидоста к нему два мужа светла, сущу акы солнце, и възбудиста и, глаголюще: «Друже Петре, услышана бысть молитва твоа и милостыня твоя взыдоша пред Богом».
Оле чюдо, братие! Како не удивимся милостивней силе: в неверии раздаянне, а в вере услышанно быти. Аки древний Еустафий Плакыда[105] в неверии милостыня дая бе, а в вере, како сий, сугубы и зде приа мзды и по труде — Царствие Небесное. О сей бо милостыни Господь рече своими усты: «Не 5 ли птиць на единой цениста цате, ни едина их не забвена есть пред Богом».[106] Тако ти и сего блаженаго Петра милостыни в неверии раздаянна, а в вере и молитве услышана бысть.
Петръ же, възбнувъ, виде два сиа мужа, паче възраста человечя, мнети ему от ужасти — акы до облак, а светлостию акы весь миръ осиающи. Въ ужасти въставъ и падеся дващи, въста и падеся и въ третий такожде. Сиа же светлаа мужа яста и за руку и глаголаста ему: «Друже Петре, не бойся, ве естве послани к тебе Богомъ, въ ньже верова, крестися, укрепит род твой и племя и внуци твои до скончаниа мира, и въздати тебе мьзду милостыня твоеа, а противу трудом твоимъ вечная благая приимеши».
И вдаста ему два мешца и глаголаста: «Възми сия мешца, въ едином ти злато, а въ другомъ — сребро. Утро да идеши въ град, вымени три иконы — икону святыа Богородица съ младенцемъ, икону святаго Дмитриа и святаго Николы — и вдаси на них, еже просят менящии». Петръ же възревъ на ня и виде акы человека, и взя мешца, и мнев, акы в татарех племя его укрепляета, не разуме глаголемаго ими.
И, събра ума, рече има: «Господиа моя, аще въспросят менящи из мешець от иконъ, что сътворю? А вы кто есть?» И реста ему два светлая мужа: «Мешца сиа дръжиши у собе в запазусе, инеми и неведоми, а въпросят менящии 9 сребряных, а 10-тый златъ. И ты даждь по единому, и, взем иконы, да иди ко владыце и рци ему: “Петръ и Павелъ, Христова апостола, посласта мя к тобе, да устроиши церковь, идеже азъ спах при езере. А се знамение ею иконы сиа вымених, а мешца сиа въдасти ми. Да что ми велиши сътворити?” И елико ти речеть сътворити, сътвори. А ве есве Христова апостола Петръ и Павелъ». И невидима быста.
102
И утаився всех, акы древний Мелхиседекъ... — Мельхиседек — легендарный библейский персонаж. В апокрифических сказаниях о Мельхиседеке рассказывается, что посланный отцом Мелхилом, царем Палестинской земли, за «волами и овцами» в стадо, чтобы принести их в жертву кумирам, Мельхиседек посмотрел на небо и уверовал в Бога «всевышнего». Бежав от гнева отца на Фаворскую гору, Мельхиседек прожил там в одиночестве много лет, молясь Богу, и Бог нарек его своим иереем «вовеки».
103
...царю Берке умръшу... крести сего отрока святый владыка... —- На самом деле епископ Кирилл умер на четыре года раньше хана Берке.
104
...святый владыка Игнатий... — Обязанности ростовского епископа Игнатий начал выполнять в 1261 г., когда заболел Кирилл, а официально был поставлен епископом Ростова в 1262 г, после его смерти; занимал епископскую кафедру по 1288 г. Летописи под 1280 г. сообщают, что «того же лета епископ Игнатий покрыл церковь Ростовьскую оловом и дно ея мрамором красным» (см.: Московский летописный свод конца XV века // ПСРЛ. М.; Л., 1949. Т. XXV. С. 152).
105
Аки древний Еустафий Плакыда... — Широкой популярностью в Древней Руси пользовалось «Сказание об Евстафии Плакиде» — житие-мартирий. Герой этого произведения, переведенного с греческого еще в эпоху Киевской Руси, воевода времен Траяна (римский император, правивший с 98 по 117 г.), очень богатый; хотя и был язычником, «но украшал себя праведными делами, кормил голодных, поил жаждущих, одевал нагих, помогал бедствующим, освобождал из темниц и вообще стремился помочь всем людям». Во время охоты Евстафия увлек погоней за собой чудесный олень, который оказался посланцем Иисуса Христа. После этого Евстафий стал христианином. Он и его семья претерпели всевозможные несчастия, и в конце, когда все, казалось, завершилось благополучно, за отказ вернуться в язычество Евстафий, его жена и двое их сыновей были подвергнуты жестоким истязаниям и умерли мученической смертью. «Сказание об Евстафии Плакиде» опубликовано в наст. изд., т. 3.
106
«Не 5 ли птиць... ни едина их не забвена есть пред Богом». — Лк. 12. 6.