Вечнае імгненне
- Автор: Дайнека Леанід
- Год: 1985
- Язык: белорусский
- Год: Мастацкая літаратура
- Жанр: Прочая поэзия
Электронная книга - «Вечнае імгненне». Краткое содержание книги:
У новай кнізе паэт застаецца верным стрыжнявой тэме сваёй творчасці — любові да Радзімы, бацькоўскай зямлі, вернасці запаветам папярэдніх пакаленняў. Многія старонкі зборніка прысвечаны беларускай прыродзе. Чалавек і Прырода — вось дзве сілы, дзве вялікія вяршыні, якія не могуць існаваць паасобку, асабліва ў нашым бурным дынамічным жыцці.
Перейти на страницу:
У вочы прыродзе
Гляджу i пытаю:
Адкуль мы прыходзім?
Куды мы знікаем?
Гэй, ксёндз, пакажы
(Хоць сёння будзь шчыры)
Прытулак душы
У нябесным эфіры.
Дзе рай за латы?
Дзе спеў херувімскі?
Не пойдзе туды
Бязбожнік Лышчынскі.
Не прагну ярма,
Салодкай няволі,
Бо раю няма
І бога тым болей.
Няма мне ў той бок
Hi сцежкі, ні броду.
Адзіны мой бог —
Зямная прырода.
Каб здрадзіў я ёй,
Ніхто не прымусіць.
Прыродзе адной
Над плахай малюся.
Усё. Родны брат
Па веры, па богу,
Язык вырве кат,
Шпурне на дарогу.
Сыноўні паклон
Зямлі беларусаў.
Іду я ў агонь.
Іду. Не скаруся.
Перейти на страницу: