Baza Radikaro Oficiala

La Bazan Radikaron Oficialan kompilis la Akademio de Esperanto kun la celo «aparte proponi la vulgaran aŭ lernolibran vortprovizon, tiel ke laŭeble la vortaro de la lernolibroj fariĝu tute unueca, kaj ĉiu povu certe scii, kian vortkonon oni povas supozi ĉe iu, kiu ĉerpis sian konon sole el lernolibro». La plej gravaj vortoj (aŭ, pli ĝuste, radikoj) oficialaj estas dividitaj en 9 grupojn laŭ ilia ofteco. La plej oftaj vortoj estas en la 1ª grupo, kaj la grupo 9ª enhavas la vortojn relative malpli oftajn (kvankam ja «bazajn»). La radikoj estas prezentitaj en formo responda al ilia leksikografia karaktero.