Бақытты болуды үйреніңіз! 2 Бөлім

Өз жайлылық аймағымыз туралы ой біздің қатысуымызсыз қалыптасты, оны орта қалыптастырды. Біз жай ғана саналы түрде қоршаған ортаға беріле салдық не болса соны, бұйырғанын қабылдадық. Себебі біз бала кезден өмірге түк білмейтін түсінбейтін, мақлұқ, мақау болып келдік. Ата-ана біздің өсуімізді күтті, мектепке баруымызды күтті, ЖОО түсуді күтті, үйлендіріп не тұрмысқа шығарып немере күтті. Бұл стандартты күтулер. Негізінде адамның күту деңгейі шексіз, тек соны түсіну керек. Адамға қашан ақыл кірді деп айтамыз? Ол өмірінде күту деңгейін жоғарылатып, күтуден мақсатты әрекетке көшкен кезде.

ӨЗІҢІЗДІ МАҚСАТЫҢЫЗБЕН БАЙЛАНЫСТЫРЫҢЫЗ

Дұрыс мақсат қою үшін оны ең алдымен үш нәрсемен анықтап алу керек: өз қабілеттеріңізбен, орта жағдайымен (қолдау/қолдамау) және мүмкіндіктеріңізбен. Бірақ бұл үш нәрсе мақсатқа жетуге көмектеспейді, сондықтан қалыптасқан шындықты өзгерту керек. Бұл туралы толығырақ 6-тарауда талқылаймыз. Қазіргі уақытта сіздің міндетіңіз түсіну: ақылмен елестету, қиялдау дегеніміз – бұл кино көрумен бірдей. Бірақ сіздің мақсатыңыз киноны миыңыздың ішінде көру. Шындықты тек сіз жеке қатысатын бейнелер (визуализация) арқылы өзгертуге болады бірақ əрекет қазіргі уақытта орын алмайды. Бұл «Əрекетсіз Əрекет» деп аталады. Қиял, арман, мақсатты Аффирмация Визуализация және Эмоция арқылы жүзеге асыру. Сіз бұның барлығын бәрібір бейсаналы түрде қоршаған орта арқылы күн сайын жасап жүрсіз. Бірақ бұл сөздер сізге ұнамауы мүмкін. Парадокс!

Қиялда мақсатты нақты суреттей, бейнелей алмасаңыз, ішіңізде өзіңіз режиссёр болатын кино түсіру керек. Бір нəрсені қайталай берсең, әдетке айналады жəне орындалады. Егер сіз мақсатыңызда ақылмен елестете алмасаңыз, онда ол шындыққа айналмайды, өйткені ол бейсанаға бекітілмейді. Егер қалаған жағдайдың қатысушысы басқа біреу болса, онда сіз біреудің өмірін сүріп жүре бересіз. Сіз өзіңізді қиял (визуализация) жағдайында көруіңіз керек. Саналы, позитивті, оң, жағымды аффирмациялар, ерікті, ішкі диалогпен күшейтілуі керек, содан кейін ғана нəтиже алуға болады. Қалаған бейнені қаншалықты жиі елестетсеңіз, бейсана оны соншалықты тереңге жібереді. Алдымен сіз іс жүзінде болып жатқан шындық пен сіздің бейсанаңызға бекітілгеннің арасында қандай да бір қайшылық бар екенін сезесіз. Бірақ шығармашылық əлеуетке ие бейсананың басты міндеттерінің бірі, біздің ойымыз бен нақты тəжірибелер (шындық) арасындағы қақтығыстарды шешу болғандықтан, ол біз ойлағанды (аффирмация) жəне елестететінді (визуализация) жасай бастайды. Ең бастысы – қатты қалаңыз, тырысыңыз. Эго-ға алданбаңыз. Өздерін өте жақсы сезінетін адамдар қатарында болыңыз. Салауатты өзіндік «Мен» -ді қалыптастырыңыз.