Библиотека литературы Древней Руси. Том 9 (Конец XIV - первая половина XVI века)
- Автор: Коллектив авторов
- Серия: Библиотека литературы Древней Руси #9
- Год: 2006
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 9 (Конец XIV - первая половина XVI века)». Краткое содержание книги:
Вопросиша же его, аще что виде отъ тамо сущихъ. Онъ же рече, яко: “Ничесоже не помню”. И отъ сего ведомо есть, яко и видевъ тамошняа, но забывъ, занеже до нынешняго умертвиа пребысть въ жизни сей до четыредесять летъ и вся забывъ, елико въ те лета быша. Но егда воскресе, якоже и второе родися: и тамошняя, и зде сущая — вся забывъ, по таковому образу, яко и намъ многажды случается во сне видети, возбнувъше же, вся забыти. Якоже о Лазаре писано есть, яко ничесоже не поведа: или не оставленъ есть видети, или и виде, да не повелено есть ему поведати».
Есть же и ина смерть человекомъ: видимъ есть яко мертвъ, но душа его въ немъ есть, — и иже бываетъ молниею пораженымъ и громомъ. Яко Анастасие-царь пораженъ бысть громомъ,[50] его же въскоре затвориша во гробе, и потомъ оживе и нача восклицати во гробе, тако же и въ наша лета некий юноша пораженъ бысть громомъ, его же въскоре погребоша, и глаголаху о немъ, яко вопи во гробе. Такоже елици и виномъ горющимъ опивахуся и умираху или ото угару умираху, сии по неколицехъ днехъ оживаху неции, занеже души ихъ еще въ нихъ быти и не совершенно умираху. И елици ото удара, или отъ болезни малы, или въскоре умираху — сихъ всехъ въскоре не подобаетъ погребати, ниже на студени полагати: случаетъ бо ся некимъ убо умирати, а души ихъ еще въ нихъ быти. Некий мнихъ умеръ, и, нарядивше его, положиша въ гробници. И прииде понамарь взяти и нести его въ церковь, еже пети надъ нимъ, и обрете его погребалныя ризы свергьша съ себе и седяща. И аще бы въскоре погребенъ былъ и во гробе ожилъ бы, и паки нужною смертию умерлъ бы. Но тогда лето бе, и сего ради и оживе; аще бы зима была, и онъ мразомъ умеръ бы. Сего ради, якоже рехъ, не подобаетъ въскоре погребати, ниже на студени полагати.
Повемъ же и другое чюдо владычица нашея, преславныя Богородица, еже бысть во дни наша. Некий человекъ отъ болярьска роду, именемъ Борисъ, порекломъ Обабуровъ,[51] пострижеся во иноческый чинъ и нареченъ бысть Пафнутие. И живяше въ манастыри старца Иосифа на Волоце на Ламскомъ. Въ томъ граде манастырь есть дивический, церковь же въ немъ святыя и великиа мученици Варвары.[52] Въ томъ убо манастыри преже реченнаго старца сожительница пострижеся. Дщи же у нихъ бе мужеви съпряжена и помале бысть разслаблена и нема; ея же мати, вземши, постриже въ томъ же манастыри. И пребысть нема и разслаблена 5 летъ, не могий ни рукою двигнути.
Приближающу же ся празднику преславныя Богородица честнаго ея Успения во Иосифове манастыри, родители тоя инокини умолиста старца Иосифа, да повелитъ ея въ нощи принести и положити въ церкви Успениа святыя Богородица въ его манастыри. Онъ же преклонися молению ихъ: невходно убо бяше тамо женамъ. Пославъ же единого священника, стара суща, и повеле молебное пение сотворити. Совершаему же пению болящия ощути въ себе малу крепость въ телеси, такоже и въ гортани, и повеле въздвигнути себе со одра, отъ негоже никогдаже може двигнутися. Въздвигши же ся и двоими ведома, иде и целова икону Успениа святыя Богородица. И, отведше, поставиша ея у клироса; она же держащися за клиросъ, стоя до скончания пениа. Потомъ же отвезоша ея во свой манастырь.
И въ постъ преславныя Богородица восхоте причаститися животворящаго тела и честныя крови Христа, Бога нашего, за два дни до бесмертнаго Успениа пречистыя его Матери. И въ ту нощь случися ей телесная немощь: она же те дни пребысть безъ пища, упражняющися въ молитвахъ. На божественое же Успение пресвятыя Богородица предъ литургиею принесше еа во церковь тоя обители и поставиша о клиросе. Священный же инокъ, игуменъ святаго Покрова,[53] восхоте ей проговорити «Покаяние» и повеле ей умомъ внимати силу глаголемыхъ. И егда рече: «Исповедаюся Богу и пречистой его Матери», — тогда той отверзошася уста, и нача глаголати во следъ его, и бысть вся здрава. Священникъ же убояся страхомъ велиимъ и, трепеща, глаголаше. Она же по немъ изглагола все чисто «Покаяние» и по совершении сама тече скоро въ келию свою, зовый и вопиа светлымъ гласомъ къ родившей еа, проповедая свое исцеление и бывшее чюдо на ней преславныя Богородица. И бе видети матерь, о чаде веселящуся; и вси слышавшие и съ нами прославиша Бога и пречистую его Матерь о преславныхъ ея чюдесехъ.
Достоитъ же и се поведати вамъ, еже бысть во Иосифове манастыре. У благовернаго князя Бориса Васильевича бысть некий боляринъ — князь Андрей, прозваниемъ Голенинъ; и роди три сыны: Иоанна, и Семиона, и Андрея,[54] — во всемъ приличны себе, и возрастомъ, и промысломъ, — и прейде отъ жизни сея. Потомъ же первый сынъ Иоаннъ, болевъ тяжко зело, покаявся и причастився, приставися и положенъ бысть въ Иосифове монастыре.
50
...яко Анастасие-царь пораженъ бысть громомъ... — Анастасий (ок. 430—518) — император Восточной Римской империи, узурпатор, поддерживал монофизитов, вел войну с персами (502—505), подавил народные восстания в Константинополе (512) и во Фракии (515). В Хронографе редакции 1512 г. рассказывается, что царь Анастасий увидел во сне «мужа страшна», который предрек ему сокращение жизни на 14 лет и поразил молнией. После того как был положен во гроб, спустя несколько дней ожил, начал звать на помощь и кричать, чтоб открыли гроб. Этот фрагмент Волоколамского патерика восходит к хронографической статье о царе Анастасии, он введен Досифеем Топорковым и в составленную им редакцию Синайского патерика (45-я глава).
51
Некий человекъ отъ болярьска роду, именемъ Борисъ, порекломъ Обабуровъ... — Речь идет о боярине Борисе Степановиче Обобурове, дьяке волоцкого князя Бориса Васильевича, в иночестве Пафнутии, который был монахом Иосифо-Волоколамского монастыря.
52
...манастырь есть дивический, церковь же въ немъ святыя и великиа мученици Варвары. — Варварин девичий монастырь был расположен в посаде г. Волоколамска. В 1764 г. упразднен и обращен в приходскую церковь Покрова.
53
...игуменъ святаго Покрова... — Покровский мужской монастырь в Волоколамске существовал с XIII в. Известно, что игуменом монастыря в 1296 г. был Антоний. Монастырь упоминается в 1523 г.; он значится и в списке монастырей, получивших грамоты до 1623 г. В 1760 г. на месте обители была приходская деревянная церковь.
54
...бысть некий боляринъ князь Андрей, прозваниемъ Голенинъ; и роди три сыны: Иоанна, и Семиона, и Андрея... — Андрей Федорович Голенин — потомок ростовских удельных князей, боярин волоцкого князя Бориса Васильевича, незадолго перед смертью постригся в Иосифо-Волоколамском монастыре под именем Афанасия, умер около 1482 г. Андрей Андреевич Голенин — сын А. Ф. Голенина, в 1495—1501 гг. был воеводой русского князя Ивана Борисовича, с 1503 г. находился на службе у дмитровского князя Юрия Ивановича. В 1508 г. принял постриг в Иосифо-Волоколамском монастыре под именем Арсения. Известен своей книгописной деятельностью, входил в число соборных старцев, пользовался уважением Иосифа Волоцкого и считался одним из возможных преемников Иосифа на игуменском посту, умер после 1515 г., вскоре после смерти Иосифа. Был погребен в Иосифо-Волоколамском монастыре, как и старшие его братья — Семен и Иван Голенины.