Вечнае імгненне
- Автор: Дайнека Леанід
- Год: 1985
- Язык: белорусский
- Год: Мастацкая літаратура
- Жанр: Прочая поэзия
Электронная книга - «Вечнае імгненне». Краткое содержание книги:
У новай кнізе паэт застаецца верным стрыжнявой тэме сваёй творчасці — любові да Радзімы, бацькоўскай зямлі, вернасці запаветам папярэдніх пакаленняў. Многія старонкі зборніка прысвечаны беларускай прыродзе. Чалавек і Прырода — вось дзве сілы, дзве вялікія вяршыні, якія не могуць існаваць паасобку, асабліва ў нашым бурным дынамічным жыцці.
Перейти на страницу:
А значыць, няма Аэліты,
Няма расы на траве.
Марс, быццам з суму адліты,
У мёртвай прасторы плыве.
Усё там глуха i нема,
Як у нямым кіно.
Падае чорнае неба
На змрочных кратэраў дно.
Люты вецер гуляе,
Вые, ляціць з небыцця.
...Хачу ўявіць — не ўяўляю,
Што можа не быць жыцця.
Напэўна, усё там тараняць
Суровыя ледавікі.
Напэўна, ад ix марсіяне
Схаваліся пад пяскі.
Яны жывуць, не здаюцца,
Жывуць стагоддзе i два.
Яны з-пад пяскоў прарвуцца,
Як ранняй вясной трава.
I сонца ix твары абмые.
I смех запоўніць жытло.
...Іду у прасторы начныя
Пад месячнае святло.
Гляджу, як дрэвы заззялі,
На цені гляджу ад галін,
Падобныя на каналы
Паміж марсіянскіх раўнін.
Перейти на страницу: