Библиотека литературы Древней Руси. Том 5 (XIII век)
- Автор: Коллектив авторов
- Серия: Библиотека литературы Древней Руси #5
- Год: 1997
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 5 (XIII век)». Краткое содержание книги:
И послаша на Торжокъ Ярославу о миру, а сами сташя на Холохне[75]. Ярослав же ответъ да: «Мира не хочю, пошли естя, поидете же, нони сту нас достанется одинъ вас». И ркошя промеж себе князи: «Ты, Ярославе, съ силою, а мы съ крестом».
Ярославли же мужи изчиниша твердь, а пути от Новаграда засекошя, и реку Тферцу. И ркошя новгородци князем: «Поидем к Торжку». И князи ркоша: «Аще поидем к Торжку, то попустошимъ Новгородскую власть».[76]
И тако поидоша къ Тфери, начашя имати села и жечи, а на Ярослава не бе вести, в Торжку ли или въ Тфери. И Ярославъ же слышав, оже емлют села, еха ис Тръжку въ Тферь, поимав с собою старейшая мужи новгородскыа, и молодых избором, а новотръжци вси. И посла сто мужь избранных в сторожу, они же выехавше за 15 верстъ от града явишась, ту бо стали бяху князи наши,[77] поставивше полкы, творяста рать велику. И посла Яруна с молодыми людьми, и наехаша на него сторожи Ярославли, и пособи Богъ Яруну, изымаша сторожов Ярославлих 33, а седмь их убишя, а ины убежаша въ Тферь, то же бысть перваа победа на них них на Благовещенье Богородици,[78] 5 неделя поста.
И бе весть у тех, что Ярославъ въ Тфери, и тако ездяху в зажитие не боящеся. И оттоле послаша Яволода, боярина Володимеря,[79] к Костянтину Всеволодичю в Ростов,[80] а Володимера Псковского съ псковичи и смолняны на рубежь послашя проводити и́. А сами с новгородци поидошя по Влъзе воююще, и пожгошу Шешу и Дубну.[81] И Володимеръ съ псковичи и съ смолняны взяшя город Коснятин[82] и пожгоша и́ и все Поволъжие. И срете и́ воевода Еремий от князя Констянтина из Ростова, наших князей, и рече: «Констянтин ся вамь кланяет: яз рад, слышав вашь приездъ; се вам от мене в помочь 500 муж рати, да пришлите ко мне съ всеми речми Всеволода, шюрина моего».[83]
И ту и отрядиста Всеволода с дружиною, и послашя къ Констянтину, а сами поидоша по Волзе вниз, и ту пометашя возы, а на кони полезошя и поедоша к Переяславлю воюючи.[84] И бышя на Городищи на реце Сарре[85] у Святей Марины априля 9 в Велик день, и ту приеха Констянтин князь с ростовци. И възрадовашася видевшеся, и крестъ целовашя, и отрядиша Володимера Псковского с дружиною в Ростов, а сами, пришедше с полки, сташя противу Переяславлю в Фомину неделю. И ехавше ис плъков под град, яшя человека, и испыташя, оже Ярослава в граде нетъ: пошол бяше к брату Юрьеви с полки, скопив волость свою всю с новгородци и с новоторъжци.
Юрьево княжение Всеволодича в Суждале.[86] А Юрьи съ Святославомъ и с Володимеромъ[87] вышол бяше из Володимеря съ всею братиею. И бяху полци силни велми: муромци, и бродници,[88] и городчане,[89] и вся сила Суждалской земли; бяше бо погнано ис поселий и до пешца. Оле страшно чюдо и дивно, братье! Поидошя сынове на отцы, а отцы на дети, брат на брата, рабы на господу, а господа на рабы. И ста Ярослав и Юрьи з братьею на реце Кзе.[90] А Мстислав же и Володимеръ с новгородци постависта свои полкы близ Юрьева, и ту стоаста. А Констянтин дале стоаше съ своими полкы на реце Липице.[91] И узреша плъкы стояща Ярославли и Юрьевы, и послаша Лариона соцкого къ Юрью: «Кляняем ти ся, нету намъ с тобою обиды; обида нам съ Ярославом». Отвецав же Юрьи: «Одинъ есмы брат съ Ярославом».
И посласта къ Ярославу, ркуще: «Пусти мужи нвогородци и новотръжци, и что зашол еси волости новгородскыа, Волок вспяти. А миръ с нами възми, а крестъ к намъ целуй, а крови не проливай».
Отвеща же Ярослав: «Мира не хочу, а мужи у мене, но далече есте шли, а вышли есте как рыба на сухо». И сказа Ларьян ту речь князем и новгородцемъ.
И пакы посласта къ обема князема с последнею речью: «Мы пришли есме, брате Юрьи и Ярославе, не на пролитье крови, не дай Богъ створить того! Управимся, мы бо есмы племенници собе, а дадим старейшинство Констянтину, а посадите его в Володимере, а вам земля Суждалскаа вся».
Юрьи же рече: «Рци брату Мстиславу и Володимеру: пришли есте, да куды хотите отъити? А брату Констинтину молвимъ: перемогай нас, тобе вся земля».
И тако Юрьи съ Ярославом възнесшеся славою, видевше у себе силу великую, не прияста мира и начаста пировати в шатре с своими бояры. Молвит Творимиръ боярин:[92] «Княже Юрьи и Ярославе, а меншаа братья в вашей воли! Оже бы по моему гаданию, лучше было миръ взяти и дати старейшинство Констянтину. Чи зримъ иже при наших полцех тех мало, Ростиславля племени, да князи мудри суть, и рядни, и хоробри, а мужи их, новгородци и смолняне, дерзъки суть к боеви. А Мстислава Мстиславичя и сами ведаете в том племени, иже дана ему от Бога храбрость изъ всех. А господина, гадаита».
75
...на Холохне.— Холохна (Холохольня), приток Волги на границе с Владимиро-Суздальской землей.
76
«Аще поидем к Торжку, то попустошимъ Новгородскую власть».— Это объяснение отказа князей от похода на Торжок (дефектное место в Новгородской Карамзинской летописи и восстанавливаемое по Новгородской четвертой и Софийской первой летописям) расходится с объяснением, читающимся в Новгородской первой летописи: «Поидем к Переяславлю, есть у наю (нас) третий друг» (речь идет о князе Константине Ростовском, о котором в рассказе говорится дальше).
77
...князи наши...— Речь идет, очевидно, о смоленских князьях Ростиславичах.
78
...на Благовещенье Богородици...— 25 марта.
79
...послаша Яволода, боярина Володимеря...— Яволд, по-видимому, боярин Владимира Мстиславича, не упоминается в рассказе Новгородской первой летописи.
80
...к Костянтину Всеволодичю в Ростов...— Старший сын Всеволода Юрьевича Большое Гнездо был обделен при распределении наследства отца (стольный город Владимир и главенство над братьями достались второму брату Юрию) и находился в оппозиции по отношению к братьям.
81
...Шешу и Дубну.— Шоша и Дубна — притоки Волги между Тверью и Кснятиным.
82
...город Коснятин (Кснятин) — город при впадении в Волгу реки Нерли.
83
...Всеволода, шюрина моего.— Речь идет о Всеволоде Мстиславиче-Борисовиче, шурине Константина, который был князем во Пскове незадолго до Владимира Мстиславича.
84
...поедоша к Переяславлю воюючи.— Город Переяславль (Северный) был наследственным владением Ярослава Всеволодовича, главного виновника событий 1216 г.
85
...бышя на Городищи на реце Сарре...— Сарское городище находится при впадении реки Сары в Ростовское озеро (Неро) на южном берегу озера, противоположном Ростову.
86
Юрьево княжение Всеволодича в Суждале.— Этот заголовок, читающийся только в Новгородской Карамзинской и Новгородской четвертой летописях (в Софийской первой его нет), не совсем точен, ибо княжение Юрия Всеволодовича началось не в 1216 г., а в 1212 г., когда умер Всеволод Большое Гнездо и Владимиро-Суздальский престол достался не Константину, а Юрию (впрочем, в Новгородско-Софийском своде, как и в Новгородской первой летописи, о вокняжении Юрия в 1212 г. не упоминается).
87
...и с Володимеромъ...— О каком Владимире, союзнике Юрия, здесь идет речь (он упоминается и в Новгородской первой летописи), неясно. Среди сыновей Всеволода Большое Гнездо был и Владимир (Дмитрий) Всеволодович, но, согласно Лаврентьевской летописи, он был взят в плен половцами в 1215 г. и вернулся из плена только в 1217 г.
88
...бродници...— бродники, племена (по-видимому, славянского происхождения), кочевавшие на нижнем Дону и принимавшие участие в ряде военных столкновений той эпохи, например в битве на Калке в 1223 г.
89
...городчане...— жители Городца Радилова на Волге, недалеко от Нижнего Новгорода.
90
...на реце Кзе.— Река Кза (Гза, Хза) — приток реки Колокши (в свою очередь, впадающей в Клязьму), на которой стоит город Юрьев-Польский.
91
...на реце Липице.— Липица — река близ Юрьева-Польского.
92
...Творимиръ боярин...— «Творимир» здесь, судя по тексту Новгородской Карамзинской и Новгородской четвертой летописей, а также Тверского сборника,— собственное имя (а не обращение: «Твори мир...»). В Новгородской первой летописи этот персонаж не фигурирует. Имя это явно имеет символический характер, и весь рассказ чрезвычайно характерен для тенденций Новгородско-Софийского свода в целом.