АсцярожнА, дрэвы зАчыняюццА
- Автор: Анохін Кірыла
- Год: 2014
- Язык: белорусский
- Год: Bybooks [http://www.bybooks.eu]
- ISBN: 978-609-8075-20-5
- Жанр: Современная русская и зарубежная проза
Электронная книга - «АсцярожнА, дрэвы зАчыняюццА». Краткое содержание книги:
Аўтар гэтай кнігі нешматслоўны — ён піша не толькі вершы, але і маўчанне, у якім яны гучаць. Кірыла Анохін ведае, чым і як трэба пацерці старое, пакрытае іржой слова, каб яно ажыло і само здзівілася свайму новаму існаванню. «Асцярожна, дрэвы зачыняюцца» — гэта хутчэй заклік да ўваходу, чым перасцярога, бо нават сезонныя змены надвор’я тут робяцца цудам, які варта перажыць разам з аўтарам.
Перейти на страницу:
пераймаючы Канта
на што ты спадзяешся
калі робіш
немаведама што?
***
усё сышло на нішто
— і што было нічым
стала ўсім
***
дзякуй
я сам
прабач
я сам
калі ласка
я сам
ды сам я!
ды сам ты!
***
паглядзі на зіму
і ніколі
так
не рабі
***
у гэтай яме
ўсё сваё жыццё
граў
сумны аркестр
таму што яму не хапіла нот
выбрацца
***
пасля ўсяго
што між намі
***
каб пазбегнуць
выпадку падзення
паважаныя пасажыры
трымайцеся
вы
спецыяльна для гэтага
прадугледжаныя
***
звесткі
пра самых шчаслівых
людзей
да нас
не дайшлі
мы
мусім дайсці
да іх
самі
***
M.
мой мяккі баранчык
часта засынае
скруціўшыся ў мяне на каленях
яму сняцца
ружжы
яму сніцца
як ён з’ядае
лішнюю літару «ж»
каб можна было спаць
спакойна
***
усіх пералічаных
прашу
не лічыць мяне
***
на зломе эраў
наша стане не нашай
гады — нягодамі
знакі — нязначнымі
мы — нямымі
***
няма
ні бога
ні зданяў
ні прыхадняў з космасу
нікому
мы
не патрэбныя
Перейти на страницу: