Библиотека литературы Древней Руси. Том 10 (XVI век)
- Автор: Коллектив авторов
- Серия: Библиотека литературы Древней Руси #10
- Год: 2000
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 10 (XVI век)». Краткое содержание книги:
Был де во Египте царь греческий, имя ему Гаврилъ,[115] а неверием турчанинъ; а на крестьянъ золъ добре, злее нынешнихъ турковъ. А у него былъ братъ жидовин, хитръ добре. Дивно же исповедати о преславномъ папе олександрийском Иакиме и о его терьпении.[116]
Той же врачь-жидовин восхоте во Египте всех християнъ погубити. И пришед ко царю египетцкому Гаврилу: «Живутъ, царю, у тебя во Египте крестьяне и не достоитъ им на твоей земли жити, зане погани суть и неправая их вера. Вели имъ свою турскую веру дерьжати или нашу жидовскую». И рече ему царь: «Яз бы ихъ до вечера потуръчил; да есть у них старецъ патриархъ, а называютъ его свята. И яз того боюсь». И рече ему жидовин: «Не бойся ты, царю, того старца, да ими его в мою руку. И язъ ему дам таково зелие — пол-лошки выпить, — и онъ в полчаса живъ не будетъ». Царь же рече ему: «Аще того старца предашь смерти, то всех крестиянъ потурчю». И повеле царь патриарху быти у собя.
Патриархъ же приде предъ царя, и рече ему врач жидовин: «Старче, остави свою веру и возьми турскую веру или нашу жидовскую прямую веру, а ваша не премая крестьянская вера».
Патриярхъ же отвеща ко царю: «Царю, мы вашие веры турски и жидовские веры не хулим. А наша православная християнская прямая вера, добрая». Жидовин же рече к патриарху: «То правда ли, в вашихъ книгахъ написано, аще кто и смертно что изопиетъ, не вредитъ их?»[117] Патриархъ же рече: «Истинна есть, правда». Рече же жидовинъ: «А коли то правда написано, можеш ли у меня смертно зелие испить за свою веру?» Патриархъ же рече: «Готовъ есми за Христа моего умрети и за православную веру. Сесьчасъ давай что хощеши». Жидовинъ же ко царю рече: «Дай ми, царю, до семова же дни сроку». А прение у нихъ было пред царемъ в воскресение. Царь повеле патриарху в таковъ же день быти пред собою. Патриархъ же, рече, пришед в домъ свой, и созва всехъ християнъ. И сказа имъ вся, что у них прение было пред царемъ со врачем жидовином о вере крестьяньстей и что ему пити сьмертное зелие от его рукъ. И рече имъ патриархъ: «Отцы и братия, помолитеся Господу Богу и пречистые его Матери, да сохраненъ бы был от пребезаконного жида; да аще и смерть вкушу за православную веру и иду преже васъ к Богу, к небесному царю и умолю о васъ небеснаго царя, и все приимете сугубыя венцы от руки Господня. И аще и муки приимете, и будете новые страдальцы в нынешнем роде. А не мозите, братие, отступити от православныя веры и премените скорьбь мою на радость».
Они же падоша на нозе его, со слезами глаголюще: «Владыко, не остави насъ дабы и мы ту смертную чашу пили, которую ты имешь пити. Не мни, владыко яко бы намъ отврещися истинные веры; аще ты смерьти преданъ будеши, то ни единъ от нас не изыдетъ с царьского двора не вкусивъ смерти». И пришед в домы своя, затворишася на всю неделю, не схожьдаху из домовъ своих, молишася Богу со слезами.
Патриархъ же в посте пребываше всю неделю и мало сна вкушаше. И егда прииде день Воскресение Христово и поиде патриархъ к заутрени к чюдотворцу Николы[118] и ста на своемъ на обычном месте и скорьбяше о томъ, како ему пити зелие отравное и вельми смутися. И на девятой песьни[119] стоя о посохе, и воздрема мало виде черес сонъ — из олторя исходящу жену в белых ризах и с нею два уноши. Жена же прииде к месту к патриаръху и рече ему: «Старче, дерзай, не бойся, аз есмь с тобою». В онь же возревъ и виде священника пред собою с кандиломъ стояща. Он же прииде ко иконы Пречистыя Богородицы и падъ поклонися до земля со слезами, прослави Бога. И в той часъ отойде от него скорьбь и прииде ему на сердце радость великая. И отпевъ утреньнюю и служаше сам божестьвенную литурьгию и причастися божестьвенных тайнъ. И мнози крестияне, мужи и жены, взяша от святыя руки его святое комкание, готовящесь с патриярхом на смертный часъ. Патриархъ же благослови ихъ своими руками и прослезися пред ними, моля их, дабы не отверьглися истиннаго Бога. Они же со слезами и сь великим воплем целоваху его и обещась ему едину смертную чашу с нимъ пити и кровъ свою за Христа пролити.
Патриархъ же радости исполнися и иде пред царя во всей своей святительской одежи[120] на смертной часъ. Християне же с нимъ идоша, мужи, и жены, и младенцы. А ходу от церкви святого Николы до царьского двора три версты. Много же народу вослед ихъ идоша: турки, арапи, латыни, ковти, маруни, арияне, несторияне, яковити, тетродити, всяких веръ люди,[121] — хотяше видети того, что над крестияны будетъ. Патриахъ же со християны приде пред царя в полату. В полате же многие люди — паши и соньчаки[122] и тотъ окаянный жидовин. Кубокъ стояще на окне, полон отравного зелия. Патриархъ же вшед в полату и сотвори три поклоны на востокъ и глагола царю: «Вели подати повеленная тобою. Готовъ есми за Христа моего чашу смертную пити». Царь же рече ему: «Старче, не с нами тобе прение было о вере. И не мы тобе даемъ ту чашу пити». Жидовинъ же вземъ кубокъ принесе к патриарху, полонъ зелия отравъного и верьху купъка исполнено пеною. И рече к патриярху: «Возьми сию чашу, испей. Аще будетъ вера ваша правая, и ты будешь целъ и невреженъ. И аще неправая, и ты смерти вкусиши».
115
...царь греческий, имя ему Гаврилъ... — Здесь и далее смешано представление о двух мамелюкских правителях в Египте, безуспешно сопротивлявшихся туркам: о султане Кансу-Гури (погиб в битве под Алеппо в 1516 г.) и о его преемнике Туман-бее (был повешен в 1517 г. в Каире по приказу турецкого султана Селима I). Вместо греческий в двух других списках XVII в. читается царь черкизский (т. е. мамелюкский). В публикуемом списке далее встречается чтение чертиской. Черкизскими (черкесскими) царями называли мамелюков, представителей военной династии, владевшей Египтом и Сирией в XIII—XVI вв.
116
...о преславном папе александрийском Иакиме и о его терьпении. — Рассказ о чуде с патриархом александрийским Иоакимом впервые стал известен в Москве от его посланцев, обратившихся в 1558 г. за помощью к московскому царю и патриарху. Рассказ о чуде помещен в Степенной книге под 1559 г. (ПСРЛ, т. XXI, ч. 2. СПб., 1913, с. 665—666, 670—671).
117
...в вашихъ книгахъ написано... не вредитъ их... — Мр. 16, 18: «Аще и что смертно испиютъ, не вредитъ ихъ».
118
...к чюдотворцу Николы... — Церковь св. Николая чудотворца в Каире.
119
...на девятой песьни... — 9-я песнь канона, традиционного песнопения православного богослужения (здесь, скорее всего, канона св. Николаю), обычно была последней по счету.
120
...во всей своей святительской одежи... — Одежда — облачения восточных патриархов — отличалась великолепием; например, верхнюю одежду — саккос — шили из бархатных или шелковых орнаментированных тканей; головной убор — митру — украшали шитьем и драгоценными камнями.
121
...турки, арапи... всяких веръ люди... — Вместе с народами здесь названы еретики с точки зрения ортодоксального православия — ариане, несториане, яковиты, тетродиты.
122
...паши и соньчаки... — Паша — высший чиновник в мусульманских странах; санджак — правитель округа в султанской Турции.