Абсяг
- Автор: Барадулін Рыгор
- Год: 1978
- Язык: белорусский
- Год: Мастацкая літаратура
- Жанр: Прочая поэзия
Электронная книга - «Абсяг». Краткое содержание книги:
Кнігу лірыкі «Абсяг» Рыгору Барадуліну дыктавалі хвалі Балтыкі і пяскі Каракумаў, скразнякі Апшэрона і белакаменныя муры Ноўгарада, вальнадумец Енісей і ўшацкая рачулка Задобрыца. Ганчарны круг планеты трымаў паэта ў віратоку падзей і спраў сучаснасці, надзяляў яго імгненнямі радасці сустрэч, займаўся лірычным ветахам смутку i роздуму.
Перейти на страницу:
Праб'ецца ярыной,
Абшар душы з'іначыць,
Смугою праліўной
Замгліць пагляд юначы.
Трывогу парадні
З будзённасцю імжыстай,
У наступ рушаць дні,
Не страць здзіўлення,
Выстай.
І жаўталіст падзе
Балюча на іржышча,
І сівер у жудзе
Наскрозь душу прасвішча.
І пад страхой кассе
Адмерыць цень змяркання.
Забраць да рэшты ўсё
Урываецца каханне.
Вагання ганьбу — прэч!
Забудзь сябе ў аблудзе.
Каханню не пярэч —
Такога больш не будзе.
Паддадзены святла,
Імгнення не гняві ты.
Да слодычы пчала
Пад восень прагавіта.
Хоць надтачы начы!
Дзень дагарэў не высак,
Іскрынку берагчы
Да скону будзе
Прысак...
Перейти на страницу: