Библиотека литературы Древней Руси. Том 4 (XII век)
- Автор: Коллектив авторов
- Серия: Библиотека литературы Древней Руси #4
- Год: 2004
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 4 (XII век)». Краткое содержание книги:
И ту есть место близь Иерихона, врьста едина вдалее на летний всток лиць, и на том месте явися святый Михаил архистратиг Исусу Навгину пред полком Израилевым; и възвед очи свои Исус, виде пред собою мужа страшна въоружена, и рече Исус: «Наш ли еси, или от супостат наших?» И рече ему архистратиг: «Азъ есмь Михаил, воевода Божьи, послан есмь на помощь тебе. Дерзай и побежай супостаты твоя». И рече ему: «Изуй сапогъ от ногу твоею; место бо, на немже стоиши, свято есть». И паде Исус на лици своемъ, и поклонися.[121] И есть на месте том ныне манастырь, и церкви создана во имя святаго Михаила. Въ церкви той лежита 12 камени, и то камение тогда есть взято на дне Иорданове, егда раступися Иордан людем Израилевым; и взяша камение то иереи, носящеи кивот завета Господня, по числу коленъ сыновъ Израилевъ на помять роду их. Имя месту тому Галганий, на том бо месте сташа сынове Израилевы, прешедше Иордан.[122]
И от того места есть гора высока и велика велми к западу лиць, имя горе той Гаваонъ, и над тою горою Гаваонъскою солнце ста и пожда, яко полудне, дондеже Исус Навгинъ победи враги своя, егда биашеся с ним Огъ, царь Васанескъ, и вся царьствиа Хананейска. И победи Исус до конца, и тогда солнце заиде.[123]
В той же горе Гаваонъстей есть пещера высока зело, и в той пещере постился есть Христос Богъ наш 40 дний, последи же взалка. И ту прииде дияволъ, искусити хотя, и рече ему: «Аще еси Сынъ Божий, рци да камение се хлеби будут».[124]
Ту есть близъ был домъ Елисея пророка, и пещера его, и кладязь есть къ встоку лиць отъ Гаваона, а вдалее яко полверсты.
И есть отъ Иерусалима верстъ 6 до Феодосиева манастыря. Манастыр-ет на горе градом оделанъ был, и видети от Иерусалима. И ту есть пещера велика посреди манастыря, и в той пещере волсви нощьлег съствориша, егда уклонишася от Ирода. И ту ныне лежить святый Феодосие,[125] и мнози святии отци ту лежать, в той пещере лежит мати святаго Савы,[126] и Феодосиева мати ту лежит.
И от того манастыря до лавры святаго Савы есть връстъ 6. Манастыря же та оба на полуденье лиць. Лавра же святаго Савы есть на дебри Асафатове, во Удоли плачевней, яже дебрь отъ Иерусалима поидет; от Гепсимании бо дебрь поидеть сквозе лавру и приходить к Содомьскому морю. Лавра же святаго Савы есть уставлена от Бога дивно и несказанно: поток бе некако страшенъ и глубокъ зело и безъводень, стены имя бе высоки, и на тех стенахъ лпять келии прилеплены и утвержены от Бога некако дивно и страшно. На высоте бо той стоятъ келии по обема странама потока того страшнаго и лпят на скалах, яко звезды на небеси утвержены. Суть же 3 церкви. Посреде же келей техъ к западу лиць, ту пещера дивна под скалою каменою, и в той пещере церкви святыя Богородица. И ту пещеру показа Богъ святому Саве столпом огненым, преже живущу ему единому в потоце том. И есть же первая келиа святаго Савы, идеже жилъ един, подаль отъ лавры нынешняя, яко полверсты вдалее. И оттуда показа ему Богъ столпом огненым над местом темь святым, идеже есть ныне лавра святаго Савы. И есть дивно место и несказанно отнудь. И ту есть гробъ святаго Савы посредие церквий тех трий, вдалее отъ великия сажень 4. И есть теремець над гробомъ святаго Савы; учинено красно. Ту же лежат мнози святии отци, телесы яко живи: святый Иоаннъ епископъ Исихастъ[127] ту лежить, святый Иоаннъ Дамаскинъ[128] ту лежит, и святый Феодоръ Едесский ту лежитъ и Михаилъ сыновець его,[129] Афродитианъ святый[130] ту бежит, и инии мнози святии ту лежат, телесы яко живи; и благоухание от них исходить несказанно. И видех кладязь святаго Савы, егоже показа ему в нощи осля дикое в потоце том, противу келии его; пихом от кладязя того воду сладку и студену зело. В месте бо том нигдеже несть реки, ни потока, ни кладязя, но токмо един кладязь святаго Савы. Есть бо место то безводно в горах каменых, и есть путыни та вся суха и безводна, но токмо дъждевою водою живи суть сущии отцы въ пустыни той.
И ту есть близь лавры место на полудне лиць от лавры, имя месту тому Рува, и есть близь моря Содомьскаго. И суть горы высоки каменыя, и пещеры многы ту суть в горах тех. И ту суть жили святии отцы в горах техъ, в пустыни той страшней безводней. И ту суть жилища пардусом, и осли дивии мнози суть.
121
..явися святый Михаил архистратиг... на лици своемъ, и поклонися.— Имеется в виду библейский рассказ (Иис. Нав., 5, 13—15) ο видении Иисусу Навину во время осады Иерихона человека с обнаженным мечом в руке, который назвал себя вождем воинства Господня и велел Иисусу Навину снять обувь с ног, «ибо место, на котором ты стоишь, — сказал он, — свято».
122
Имя месту тому Галганий... прешедше Иордан.— Галгал — место первой остановки израильтян после того, как они во главе с Иисусом Навином перешли Иордан при вступлении в Землю обетованную (Иис. Нав., 4, 19).
123
...имя горе той Гаваонъ... и тогда солнце заиде.— Имеется в виду рассказ Книги Иисуса Навина (10, 12—13) ο том, как во время битвы евреев с царями Аморрейскими Иисус Навин остановил солнце и луну, доколе его народ мстил врагам своим; но Ог, царь Васанский, согласно библейским Книгам — Книге Числа (32, 33) и Книге Второзаконие (31, 4), где ο нем идет речь,— был побежден не Иисусом Навином, как пишет Даниил, а Моисеем.
124
...постился есть Христос... камение се хлеби будут.— Β Евангелии от Матфея (4, 1—11) рассказывается ο сорокадневном посте Иисуса Христа в пустыне и искушениях его дьяволом; предложение сделать камни хлебами — первое из трех искушений.
125
...святый Феодосие...— Феодосий Великий (ум. в 529 г.), глава монашеского общежития в Палестине.
126
...святаго Савы...— Савва, монах, основатель в конце V — начале VI вв. знаменитой палестинской лавры, получившей его имя.
127
...святый Иоаннъ епископъ Исихастъ...— Иоанн Исихаст («Молчалник»), епископ г. Колонии (Аскална) в V в., затем — отшельник (ум. 558).
128
...святый Иоаннъ Дамаскинъ...— Иоанн Дамаскин (между сер. VII и сер. VIII в.), богослов-систематизатор, философ и поэт-гимнограф, идейный вождь иконопочитателей, противников иконоборчества; по рождению араб, приближенный дамасского халифа, затем монах.
129
...святый Феодоръ Едесский... Михаилъ сыновець его...— Феодор, епископ г. Эдессы, и его племянник Михаил (IX в.).
130
...Афродитианъ святый...— Афродисий Палестинский (VI в.), монах, ученик основателя лавры Саввы.