Казка пра Музыку
- Автор: Танк Максим
- Язык: белорусский
- Жанр: Прочая поэзия
Электронная книга - «Казка пра Музыку». Краткое содержание книги:
Казка пра Музыку
Перейти на страницу:
Ценю кажа:
— Пойдзеш полем,
Згасіш ясны дзень,
Заблытаеш сьцежкі зораў
Зь сьцежкамі людзей.
Кажа гадзіне:
— Як толькі
Край задрэмле ўвесь,
Да Музыкі па жалейку
Ціха папаўзеш…
Над ракою зьвісла жыта
I клён малады.
Сьпіць Музыка пад ракітай,
Ня чуе бяды,
Што лягла нямая ціша
На палі, лугі,
Што над ім снуе начніца
Чорныя кругі;
Што апала ноч глухая
I па дзеразе
Да яго на скат пясчаны
Гадзіна паўзе.
Сьніцца сон яму, што быццам
Ружавее даль
І пяе, і залаціцца
Ў Нёмане вада.
Бачыць дзіва: у палацы
Нейкі цар сядзіць,
Сьмеючыся, на Музыку
Весела глядзіць.
Сербануў з каўша ён мёду,
Выцер бараду
I зайграў ды на жалейцы:
— Ці-ра-ра, ду-ду!..
Скочыў да цара Музыка…
Зьнік раптоўна сон.
Толькі шолах мокрай вікі
Ды калосься звон.
I ў траве шум чуе нейкі,
Там, дзе яра скат…
I… за пазухай жалейкі
Не знайшла рука…
Перейти на страницу: