Библиотека литературы Древней Руси. Том 13 (XVI век)
- Автор: Коллектив авторов
- Серия: Библиотека литературы Древней Руси #13
- Год: 2005
- Язык: русский
- Жанр: Древнерусская литература
Электронная книга - «Библиотека литературы Древней Руси. Том 13 (XVI век)». Краткое содержание книги:
Любим же бе и славим от всех тамо пребывающих инок и от самого игумена обители тоя за премногое его послушание и кротость и смирение; от всех почитаем бяше яко быти ему образ всем тамо пребывающим въ всех добродетелех и исправлениих житиа. И начат стужати си, глаголя: «Славу от человекь приемлюще, а славы, яже от единого Бога, не ищете».[32] Многа бо лета имый в манастыри оном и тщася в лучшия преходити[33] житием блаженый Саватие — по глаголещему пророку: «въсхожениа в сердци си полагая юдоль плачевну на месте, идеже положи, ибо благословение дасть Закон Даяй, и пойдут от силы в силу».[34]
Начатъ же молити игумена живущими ту братиями и собою, дабы отпущенъ был съ благословением. Слышал бо бе от некых пришелцевъ, глаголющих сице: «Есть озеро в Ноугородцкой области, глаголемо Ладожьское, и на том озере — остров, рекомый Валам.[35] На острове же томь бяше манастырь Господа нашего Исус Христа Преображение. И тамо иноци имуще неослабно житие, тружающеся и делающе своими руками, и от таковаго труда пищу нужную приимаху, пениа же и молитвы беспрестани к Богу приносяще». От слуха же того уверився раб Божий Саватие и много в желание боголюбно таковаго помысла прииде во еже быти ему тамо.
Не по мнозе же времени и получи желание свое. По некоему Божию смотрению прииде в манастырь онъ, рекомый Святаго Спаса иже на Валаме, и приатъ бысть игуменом и братиею манастыря того. Пребываше же ту съ братиею, тружаяся и къ трудом труды прилагааше; и бе любим всеми. И пребыв тамо немало время и добре устрояя заповеданныя ему службы въ обители той съ всяцем смирениемъ и многим терпением и кротостию зелною. Не довле бо ему таковаго труда подвига еже изнурити тело и весма плоть поработити духу. Истнив бо сию до конца, жилище явися Святаго Духа.
Видевъ же игумен и братиа обители тоя в таковем устроении толика времени неуклонно въ трудех пребывающа и тако дивишася и реша в себе: «Что убо сътворим, яко видим тако сего подвизающася, а ничтоже вещающа, но съ всяцем тщанием зело, яко раб некий без искупа работаша зде без всякого прекословиа. Воистинну раб есть Божий и велик делатель заповедей Его».
Внят же се слухом словеса сиа блаженый Саватие и тяжко вменив, бе бо отнюдь ненавидя похвалы человеческыя. И рече к себе: «Что сътворю? Которому разумению вдамся? Азъ бо за грехи моя предах себе прародителска осуждениа, иже в раи. Сам бо Владыко Христос нам сей образ положи и подписание: богат сый нас ради обнища, да мы его нищетою обогатимся.[36] Сиа повелениа и заповеди его, ихъ же подобааше хранити яко же мощно, рече бо пречистыми своими усты: „Иже кто хощет по Мне ити, да възмет крестъ свой и последует Мне”.[37] Лучше ми есть отлучитися от пребываниа места сего, нежели честь приимати и похвалы и покой подобных мне человек — и всуе труд мой будет, да никако тело изнурив мъзды лешен буду!» Не бо можаше град укрытися верху горы стоя,[38] но зрим бяше от всех, сице и добродетелных мужий богоугодное житие не возможет утаитися; въпиют к Господу втайне, и Бог творит тех явленны, рече бо: «Славящая Мя прославлю».[39]
Снедааше же ся утробою блаженный Саватие, видя себе почитаема от игумена и всей братии, и помышляаше безмолвиа путь гонити. Слышал бо бе от живущих ту о острове, рекомем Соловкы, в мори акиана сказовашеся. Отстоит же от земли яко два дни шествиа имяше. Глаголют, округ его яко верстъ сто или множае, а вдоль биаше острова того яко тридесять верстъ. Имяше же посреди себе езера многи, и рыбы разны образы множество в них беху по родом ихъ, а не морьскыя. А иже в мори округ его ловитвы рыб, то беху морьскыя рыбы. Преплаваху же с брега морьскаго населници ловитвы ради рыбныя и звъри морьскаго ловци, кождо их с добытки отхождаху в домы своя. Островъ же той древесы разными цветяше и бориемъ верси горам покровени, и по раздолиамъ всяко древеса имяше и ягодичиа многа разны бяху, и сосниа древеса велиа бяху к созиданию храмов — и на вся потребы благоустроен бе. Есть же доброугоден к сожитию человеческому по всему, въ еже хотящим пребывати тамо.
32
...«Славу от человекь приемлюще, а славы, яже от единого Бога, не ищете». — Ин. 5, 24.
33
...тщася в лучшия преходити... — Ср.: Евр. 11, 16.
34
..лвъсхожениа в сердци си полагая... и пойдут от силы в силу». — Пс. 83, 6—8.
35
...остров, рекомый Валам. — Валаам — остров в Ладожском озере с несколькими прилежащими к нему островками: известен благодаря монастырю, основанному в XIV в. преподобными Сергием и Германом Валаамскими.
36
...«богат сый нас ради обнища, да мы его нищетою обогатимся». — Почти дословная цитата из Слова на Пасху св. Григория Богослова. С этими же словами игумен обращается и к каждому новому брату, приступающему к монашескому постригу (в чинопоследовании иноческого пострижения).
37
...«Иже кто хощет по Мне ити, да възмет крестъ свой и последует Мне». — Мф. 16, 24; Мр. 8, 34; Лк. 9, 23. С этими словами игумен обращается к новопостригаемому в чине «оглашения», предваряющем монашеский постриг.
38
Не бо можаше град укрытися верху горы стоя... — Ср.: Мф. 5, 14.
39
...«Славящая Мя прославлю». — 1 Цар. 2, 30.