Я не падману: вершы, песні, балады
- Автор: Высоцкий Владимир Семенович
- Год: 1999
- Язык: белорусский
- Год: Беларускі кнігазбор
- ISBN: 985-6318-60-2
- Переводчик: Міхась Булавацкі
- Жанр: Прочая поэзия
Электронная книга - «Я не падману: вершы, песні, балады». Краткое содержание книги:
Я не падману: вершы, песні, балады
Перейти на страницу:
Калі вада Сусьветнага патопу
Вярталася да межаў берагоў,
То зь пены ўжо лагоднага патоку
Бруілася Каханьне — хмель вякоў.
Разносіліся ветрам тыя токі
Да часу — аж на сорак саракоў.
І дзівакі — яшчэ такія ёсьць —
На поўныя п'юць грудзі тую млосьць.
І — што ім слава! Што ім пакараньні!
Мяркуючы, што дышуць проста так,
Яны трапляюць незнарок у такт
Такога ж ненармальнага дыханьня.
Закаханым поле пасьцілаю —
Хай яны ў чароўных снах плывуць!..
Я дышу, і значыць — я кахаю!
Я кахаю, значыць — я жыву!
І будзе шмат дарог і вандраваньняў —
Вялікая Каханьня старана!
І з рыцараў сваіх выпрабаваньняў
Шчэ большых будзе вымагаць яна —
Прымусіць да разлук, да разьвітаньняў,
Ня дасьць спакою, не пакіне ў снах…
Але назад вар'ятаў не ўпрасіць!
Яны ўжо нават згодныя плаціць
Любой цаной — жыцьцём бы рызыкнулі! —
Каб захаваць, ня даць перапыніць
Нябачную чароўніцкую ніць,
Якую паміж імі працягнулі.
Сьвежы вецер душы ўваскрашаў,
Сэрцы рухаў, галаву кружыў…
А калі ніколі не кахаў,
Значыць, і ня дыхаў, і ня жыў!
Перейти на страницу: