Recenza eseo pri PAG

La artikolo aperis en la revuo «Planlingvistiko» en la jaroj 1982–1983.
Kiel la gramatiko de Esperanto, Plena Analiza Gramatiko (mallonge: PAG) meritas pli ampleksan recenzon ol povas enhavi unu numero de «Planlingvistiko». Tial la recenza eseo aperos en tri partoj, el kiuj la unua pritraktos ĝeneralaĵojn kaj la ĉapitron «La vorto», la dua la ĉapitron «La frazo» kaj la lasta «La vortfaradon», kun kelkaj konkludaĵoj pri la tuta verko.