Naciismo: studo pri deveno, evoluado kaj sekvoj

La libro estas la rearanĝita tuto da artikoloj de Eŭgeno Lanti pri naciismo el la tiam ĉiusemajna gazeto «Sennaciulo» publikigitaj en 1930.
Laŭ la antaŭparolo, «Kvankam ĉi tiu libro formas per si mem unu tuton, la leganto devas tamen scii, ke ĝi estas la unua parto de pli ampleksa, trivoluma verko. La dua parto estos titolita „Internaciismo“ kaj la tria „Sennaciismo“. La unua parto sekve iel estas nur la elmeto de l’ problemo. Sed ties klara elmeto tre faciligos eltrovon de ĝusta solvo.»
Malgraŭ tiu anonco Lanti tiujn partojn ne verkis.