Kojonov Luchjo
- Автор: Барков Иван Семенович
- Язык: эсперанто
- Переводчик: Valentin Melnikov
- Жанр: Юмористические стихи
Электронная книга - «Kojonov Luchjo». Краткое содержание книги:
Rusa erotika poemo.
Перейти на страницу:
Bonvolu doni nun permeson,
ke mi ekspliku sen erar'
kaj vi ricevu la impreson
pri tuta Luĉja parencar'.
Tre noblan havis li devenon:
prauloj de l' malriĉa dand'
posedis kampojn kaj bienojn
kaj kacojn de enorma grand'.
Kaj ĉiam tra generacioj
da tiuj kacoj sekvis ĉen' –
kiel hered' de tradicioj,
simile al la patra ben'.
Kojonov, laŭ la nom' – Porfirij
al car' Johano servis, ĉar
per l' kac' halterojn suprentiri
li povis por amuz' de Car'.
Kaj laŭ Johana ordonemo
Porfirij ĉiam sen problemo
per la kruela kac' mortbatis
servistojn, kiujn Car' malŝatis.
Kaj sekvis lin Kojonov Savva –
dum Petra temp' lin trafis glor' –
kanonojn en batal' Poltava
per l' kac' purigis kun fervor'.
Kaj dum Jekaterina rego
dank' al grandeco de l' kacego
Kojonov Leo – general' –
honoron ĝuis sen rival'.
Verdire, famis per stupido
la famili' ekde aper',
sed grandaj kacoj en rigido –
estis objekto por fier'.
Jam Luĉja avo sen skrupulo
fordrinkis ĉion ĝis moner',
kaj nia Luĉjo – povra ulo –
denaske restis en mizer'.
Lin ne dorlotis dia graco,
kaj povus diri mi pri li:
la sorto dotis lin per kaco,
tamen nenion donis pli.
Перейти на страницу: