Недапісаная кніга
- Автор: Грахоўскі Сяргей
- Год: 1996
- Язык: белорусский
- Год: Мастацкая літаратура
- ISBN: 985-02-0З12-9
- Жанр: Прочая поэзия
Электронная книга - «Недапісаная кніга». Краткое содержание книги:
Зборнік лаўрэата Дзяржаўнай прэміі Рэспублікі Беларусь Сяргей Грахоўскі назваў « Недапісаная кніга», бо пакуль працягваецца жыццё, пішуцца яго новыя раздзелы . Тут ix два — «Лірычная памяць » i «Балючыя элегіі». Гэта лірычны дзённік нашага напружнага часу, змест якога ўзбагачаны самымі вострымі праблемамі i трывогамі за лёс нашых нашчадкаў . Многія вершы сагрэты элегічным лірызмам, успамінамі рамантычнага юнацтва, чыстага i светлага кахання.
Перейти на страницу:
Вы абяцалі волю на вякі
I слова да канца стрымалі:
Зямлі па тры аршыны мужыкі
Пад піхтамі ў Сібіры атрымалі.
Рабочыя гарбелі да начы
За пайку i баланды міску
I падалі, на шахту ідучы
I ў зоны заінелага Нарыльска.
Народ ад страху i дрыжаў, i слеп,
Сацлагер называў «сусветным раем
А вы сцвярджалі: «Будзе лепш,
Калі мы болей расстраляем».
Была ці не была у ix віна, —
I сотні тысяч не было вам шкода.
Вось так ішла крывавая вайна
Здзічэлых нелюдзей з народам.
Яны выконвалі ваш мудры запавет:
План гадавы i план штодзённы,
I без разбору на той свет
Пагналі тысячы, пасля — мільёны.
З маленства мы маліліся на вас,
Лічылі на Зямлі адзіным Богам,
A падраслі, — настаў жахлівы час
I нам ісці ў барак «с режимом строгим».
Калі на вас сышоў зямны спакой,
Вы пад надзейнай вартай спіце,
А вось на помніках з працягнутай рукой,
Як нашы жабракі, i вы стаіце.
Калі б вы ўбачылі, што з намі стала,
Пад воплескі i воклічы «ура»,
Вы б самі злезлі з п'едэстала,
Дык не марудзьце, бо даўно пара.
7/VIII—93
Перейти на страницу: