Вертоград многоцветный

Еже корень есть в древе, то мысль в человеце, обое же есть тайно в настоящем веце. Корень есть под землею, невидим бывает, мысль в глубине есть сердца, никто ея знает, Но, яко, что в корени от силы таится, то послежде во ветвех и в плодех явится, Тако, что сокровенно во мысли пребудет, то помале во делех проявленно будет. Тем же, кто древо плодно имети желает, да здрав корень пребудет, тощно промышляет. Тако хотяй сам плоды благи приносити да тщится в сердце мысли добрыя хранити, От добрых бо помыслов делеса благая производна бывают, от злых паки — злая.